ជាតិ
សូមអញ្ជើញចូលរួមដោយសេរី ក្នុងទិវាអង្គការសហប្រជាជាតិ នៅថ្ងៃទី២៤តុលានេះ
× ភ្នំពេញ៖ «លើកកម្ពស់នវានុវត្តន៍ថ្ងៃនេះ ដើម្បីថ្ងៃស្អែកកាន់តែប្រសើរ» គឺជាប្រធានបទ នៃទិវាអង្គការសហប្រជាជាតិ(UN DAY) នៅឆ្នាំ២០១៨នេះ។ UN DAY ត្រូវបានប្រារព្ធឡើងជារៀងរាល់ឆ្នាំ នៅថ្ងៃទី២៤ ខែតុលា ដើម្បីអបអរទិវារំលឹកខួបនៃការបង្កើតអង្គការសហប្រជាជាតិ។ UN DAY ឆ្នាំនេះ នឹងរៀបចំឡើងនៅ Factory Phnom Penh ដែលស្ថិតនៅអគារលេខ ១១៥៩ តាមបណ្តោយផ្លូវជាតិលេខ២ ក្នុងសង្កាត់ចាក់អង្រែលើ ខណ្ឌមានជ័យ។
សូមចូលរួមអបអរទិវាអង្គការសហប្រជាជាតិជាមួយយើងទាំងអស់គ្នា ដើម្បីជួបជាមួយប្អូនៗយុវជន ដែលប្រកបដោយថាមពលនិងគំនិតច្នៃប្រឌិត ចូលរួមក្នុងសកម្មភាពសិល្បៈ និងការកម្សាន្ត ក៏ដូចជាតន្ត្រីផងដែរ។ មិនតែប៉ុណ្ណោះ អ្នកចូលួម ក៏នឹងទទួលបាននូវចំណេះដឹងអំពីគោលដៅអភិវឌ្ឍដោយចីរភាព ក៏ដូចជាកិច្ចការរបស់ទីភ្នាក់ងារអង្គការសហប្រជាជាតិនៅក្នុងប្រទេសកម្ពុជា។
នេះជាទីតាំងដែលត្រូវប្រារព្ធទិវា UN Day
អ្នកចូលរួមក្នុងព្រឹត្តិការណ៍នេះ ក៏នឹងអាចស្វែងយល់ផងដែរ អំពីសកម្មភាពសំខាន់ៗជាច្រើនដែលអង្គការសហប្រជាជាតិ អង្គការមិនមែនរដ្ឋាភិបាល ក្រុមសហគ្រិន និងបណ្តាដៃគូដទៃៗទៀត បាន និងកំពុងអនុវត្ត។ ជាងនេះទៀតអ្នក ក៏អាចចូលរួមទស្សនានូវការបង្ហាញស្នាដៃរបស់យុវជនឆ្នើមៗរបស់កម្ពុជា អំពីគម្រោងជ័យលាភីរបស់ពួកគេ ស្តីពីយុទ្ធនាការផ្សព្វផ្សាយពត៌មាន និងឃោសនា ដើម្បីការយល់ដឹងរបស់ប្រជាជន អំពីគោលដៅអភិវឌ្ឍដោយចីរភាព។
យើងខ្ញុំសូមអញ្ជើញប្អូនៗ ក៏ដូចជាសាធារណជនទាំងអស់ ចូលរួមក្នុងព្រឹត្តិការណ៍នេះទាំងអស់គ្នាឲ្យបានកុះករ ដើម្បីទទួលបានចំណេះដឹង ពត៌មាន ក៏ដូចជាការកំសាន្តដ៏សម្បូរបែប នាទិវាអង្គការសហប្រជាជាតិ នៅ ថ្ងៃទី២៤ ខែតុលាខាងមុខនេះ៕
ចូលរួមដោយសេរី!
Tag:
UN DAY
អប់រំ
យុវជន
© រក្សាសិទ្ធិដោយ thmeythmey.com