ជាតិ
នយោបាយជាតិ
សម្តេច ហ៊ុន សែន៖ ជំនឿចិត្ត ជាកត្តាសំខាន់បំផុត ដែលទាក់ទាញអ្នកវិនិយោគ មកកម្ពុជា
សម្តេច ហ៊ុន សែន ធ្វើជាវាគ្មិនក្នុងវេទិកាវិនិយោគពិភពលោក នៅទីក្រុងហ្សឺណែវ ប្រទេសស្វីស នាថ្ងៃទី២៣ ខែតុលា ឆ្នាំ២០១៨
×![]()
ដោយ: សារព័ត៌មានថ្មីៗ
ជាវាគ្មិនម្នាក់ ក្នុងចំណោមវាគ្មិន៤រូបផ្សេងទៀត ក្នុងវេទិកាស្តីពីវិនិយោគសាកល ដែលរៀបចំឡើងនៅទីក្រុងហ្សឺណែវ ប្រទេសស្វីស នៅថ្ងៃទី២៣ ខែតុលា ឆ្នាំ២០១៨នេះ សម្តេចនាយករដ្ឋមន្ត្រី ហ៊ុន សែន បានប្រាប់គេឯងថា បញ្ហាចម្បងបង្អស់ ដែលទាក់ទាញ់ពួកអ្នកវិនិយោគបរទេស ឲ្យមករកស៊ីនៅកម្ពុជា គឺជំនឿទុកចិត្ត។
ឆ្លើយនឹងសំណួររបស់អ្នកសម្របសម្រួល មេដឹកនាំកម្ពុជា បានពន្យល់ថា មូលហេតុ ដែលធ្វើឲ្យពួកគេ មានភាពកក់ក្តៅនិងការជឿទុកចិត្តក្នុងការមកដាក់ទុនវិនិយោគនៅកម្ពុជា គឺសុខសន្តិភាព និង ស្ថិរភាពនយោបាយ។ នៅចំពោះមុខមេដឹកនាំមកពីបណ្តាប្រទេស១៦០ និង អ្នកវិនិយោគជាច្រើនទៀត ប្រមុខរដ្ឋាភិបាលកម្ពុជា សង្កត់ធ្ងន់បែបនេះថា៖«គ្មានអ្នកណា គេទៅវិនិយោគនៅប្រទេសយើង ក្រោមគ្រប់កាំភ្លើងនោះទេ»។
ការគោរពគ្នាទៅវិញទៅមករវាងរដ្ឋាភិបាល និង អ្នកវិនិយោគ ក៏ជាកត្តាសំខាន់ ដែលអាចជំរុញអ្នកវិនិយោគ ឲ្យមកកម្ពុជាផងដេរ។ នេះជាការបន្ថែមរបស់ប្រមុខរដ្ឋាភិបាលកម្ពុជា ដោយបញ្ជាក់យ៉ាងដូច្នេះថា៖«រដ្ឋាភិបាល មិនត្រូវកៀបសង្កត់អ្នកវិនិយោគទេ។ តែអ្នកវិនិយោគ ក៏ត្រូវគោរពសន្យានិងច្បាប់ដែរ ដូចជាត្រូវបង់ពន្ធជាដើម»។
នៅមានចំណុចសំខាន់មួយទៀត ដែលកម្ពុជា បានធ្វើឲ្យអ្នកវិនិយោគពេញចិត្តដែរនោះ គឺការផ្តល់សេរីភាពពេញលេញក្នុងការវិនិយោគ។ មេដឹកនាំកម្ពុជា បញ្ជាក់ចុងក្រោយបែបនេះថា៖«ប្រទេសខ្លះ មិនអាចវិនិយោគបាន១០០ភាគរយទេ។ តែ កម្ពុជា មិនមានការរើសអើងទេ គឺគេ អាចវិនិយោគ១០០ភាគរយ»៕
Tag:
ហ៊ុន សែន
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
