ជាតិ
សេដ្ឋកិច្ច
រដ្ឋាភិបាលគ្រោង ៦,៧ ពាន់លានដុល្លារសម្រាប់ចំណាយរបស់រដ្ឋឆ្នាំ២០១៩
× ភ្នំពេញ៖ ថវិការដ្ឋសម្រាប់ចំណាយឆ្នាំ២០១៩ ត្រូវបានគ្រោងចំនួន ២៧១៦៤៩៩៦ លានរៀល (ប្រមាណ ៦,៧ពាន់លានដុល្លារ) ដែលកើនឡើង ១១,៤ភាគរយ ធៀបនឹងថវិកាឆ្នាំ២០១៨។ នេះបើតាមសេចក្ដីព្រាងច្បាប់ថវិកាឆ្នាំ២០១៩ ដែលត្រូវបានគណៈរដ្ឋមន្ត្រីអនុម័តនៅថ្ងៃទី២៦ខែតុលានេះ មុននឹងដាក់ជូនរដ្ឋសភា។
ខ្លឹមសារសង្ខេបនៃសេចក្ដីព្រាងច្បាប់ថវិកាឆ្នាំ២០១៩ បានឲ្យដឹងថា ដោយសេដ្ឋកិច្ចកម្ពុជាត្រូវបានព្យាករជាមួយនឹងកំណើន ៧ភាគរយ ព្រមទាំងលទ្ធផលល្អប្រើសើរនៃការប្រមូលចំណូលពន្ធដារ ពន្ធគយ កន្លងមក និងសញ្ញាល្អសម្រាប់ឆ្នាំខាងមុខ ថវិកាជាតិនឹងត្រូវគ្រោងចំណាយ ៦,៧ពាន់លានដុល្លារ ដែលស្មើនឹង ២៤,៧២ ភាគរយនៃផលិតផលក្នុងស្រុកសរុប (GDP) ។
ដោយឡែកចំពោះចំណូលថវិកាជាតិវិញ រដ្ឋាភិបាលគ្រោងប្រមូលចំណូលក្នុងប្រទេសចំនួន ២១១៨៦២២៨ លានរៀល (ប្រមាណ ៥,២ពាន់លានដុល្លារ)។
ក្នុងឆ្នាំ២០១៨ ថវិកាជាតិសម្រាប់ចំណាយប្រចាំឆ្នាំមានចំនួនប្រមាណ ៦០៣០លានដុល្លារ៕
© រក្សាសិទ្ធិដោយ thmeythmey.com