ជាតិ
វៀតណាម ស្នើឲ្យកម្ពុជា បន្តលើកម្ពស់កិច្ចសហប្រតិបត្តិការជាមួយគ្នាលើគ្រប់វិស័យ រូបពីរដ្ឋសភា
× ភ្នំពេញ៖ វៀតណាម បានស្នើឲ្យកម្ពុជា បន្តលើកកម្ពស់កិច្ចសហប្រតិបត្តិការរវាងប្រទេសទាំងពីរបន្ថែមទៀត លើគ្រប់វិស័យ។ ការស្នើសូមនេះ ធ្វើឡើងនៅក្នុងជំនួបពិភាក្សាការងាររវាងលោកស្រី ជួង ធិម៉ាយ (Troung Thi Mai) សមាជិកការិយាល័យនយោបាយលេខាមជ្ឈឹមបក្ស និងជាប្រធានគណៈចលនាមហាជន នៃគណៈកម្មាធិការមជ្ឈឹមបក្សកុម្មុយនីស្តវៀតណាម ជាមួយសម្ដេច ហេង សំរិន ប្រធានរដ្ឋសភា នៅព្រឹកថ្ងៃទី២៦ ខែតុលា ឆ្នាំ២០១៨។
ដើម្បីបម្រើដល់ផលប្រយោជន៍ប្រជាជន និងប្រទេសទាំងពីរ វៀតណាមបានស្នើដល់កម្ពុជា ធ្វើយ៉ាងណាលើកកម្ពស់កិច្ចសហប្រតិបត្តិការលើគ្រប់វិស័យ ទាំងការផ្លាស់ប្ដូរទស្សនកិច្ចថ្នាក់ដឹកនាំ និងគណៈកម្មការជំនាញ ក្នុងការតាក់តែងច្បាប់ជាដើម។ ការស្នើនេះធ្វើឡើងនៅក្នុងជំនួបពិភាក្សាការងាររវាងលោកស្រី ជឿង ធិម៉ាយ (Troung Thi Mai) សមាជិកការិយាល័យនយោបាយលេខាមជ្ឈឹមបក្ស និងជាប្រធានគណៈចលនាមហាជន នៃគណៈកម្មាធិការមជ្ឈឹមបក្សកុម្មុយនីស្តវៀតណាម ជាមួយសម្ដេច ហេង សំរិន ប្រធានរដ្ឋសភានៅព្រឹកថ្ងៃទី២៦ ខែតុលា ឆ្នាំ២០១៨។
ឆ្លើយតបនឹងសំណើររបស់លោកស្រី សមាជិកការិយាល័យនយោបាយលេខាមជ្ឈឹមបក្សកុម្មុយនីស្ដវៀតណាម សម្តេច ហេង សំរិន ប្រធានរដ្ឋសភាបានគាំទ្រចំពោះកិច្ចសហប្រតិបត្តិការរវាងគណៈចលនាមហាជន នៃប្រទេសទាំងពីរ ហើយបានលើកទឹកចិត្ត ជួយជំរុញ និងលើកកម្ពស់កិច្ចសហការនេះឲ្យកាន់តែសកម្មនិងខ្លាំងក្លាថែមទៀត។ តាមរយៈការផ្លាស់ប្តូរបទពិសោធន៍ពីគ្នាទៅវិញ ទៅមកឲ្យបានកាន់តែច្រើន ដើម្បីជាឧត្តមប្រយោជន៍របស់ប្រជាជន នៃប្រទេសទាំងពីរ។
រូបពីរដ្ឋសភា២
នៅក្នុងជំនួបនេះដែរ លោកស្រី ជឿង ធិម៉ាយ សាទរចំពោះជោគជ័យក្នុងការរៀបចំការបោះឆ្នោតជ្រើសតាំងតំណាងរាស្ត្រនីតិកាលទី៦ របស់ប្រទេសកម្ពុជា។ លោកស្រី លើកឡើងថា រាជរដ្ឋាភិបាល និងរដ្ឋសភាកម្ពុជាអាណត្តិថ្មី បានកើតឡើងស្របតាមឆន្ទៈរបស់ប្រជាពលរដ្ឋ។
មិនតែប៉ុណ្ណោះលោកស្រីប្រធានគណៈចលនាមហាជន នៃគណៈកម្មាធិការមជ្ឈឹមបក្សកុម្មុយនីស្តវៀតណាម បានសង្កេតឃើញថា កម្ពុជាមានការអភិវឌ្ឍហេដ្ឋារចនាសម្ព័ន្ធសង្គមគួរឲ្យកត់សម្គាល់ ដែលនេះ បានបង្ហាញឲ្យឃើញពីការដឹកនាំដ៏ត្រឹមត្រូវរបស់ស្ថាប័នកំពូលៗកម្ពុជា មានស្ថាប័ននីតិប្បញ្ញត្តិ និងនីតិប្រតិបត្តិ។
នៅក្នុងកិច្ចពិភាក្សានេះ ទាំងសម្តេចប្រធានរដ្ឋសភា និងលោកស្រី ជុង ធីម៉ាយ បានវាយតម្លៃខ្ពស់ចំពោះចំណងមិត្តភាព និងកិច្ចសហប្រតិបត្តិការរវាងប្រទេសទាំងពីរ។ ជាចំណងមិត្តភាព «អ្នកភូមិផងល្អ មិត្តភាព សាមគ្គីភាពជាប្រពៃណី និងកិច្ចសហប្រតិបត្តិការ លើគ្រប់វិស័យ និងយូរអង្វែង» បានធ្វើឲ្យទំហំពាណិជ្ជកម្មប្រទេសកម្ពុជានិងវៀតណាម ជិតឈានដល់គោលដៅហើយ។ នេះបើតាមការបញ្ជាក់របស់លោកស្រី ជឿង ធិម៉ាយ។
ក្រោយចប់កិច្ចជំនួបជាមួយសម្ដេច ហេង សំរិន ប្រធានរដ្ឋសភា លោកស្រី ជឿង ធិម៉ាយ នឹងជួបពិភាក្សាការងារជាមួយ លោកស្រី ម៉ែន សំអន រដ្ឋមន្ត្រីក្រសួងទំនាក់ទំនងរដ្ឋសភា ព្រឹទ្ធសភា ក្នុងការពង្រឹងពង្រីកកិច្ចសហប្រតិបត្តិការជាមួយគ្នាបន្ថែមទៀត៕
© រក្សាសិទ្ធិដោយ thmeythmey.com