ជាតិ
សេដ្ឋកិច្ច
ថៃអញ្ជើញពាណិជ្ជករកម្ពុជា ចូលរួមតាំងពិព័រណ៍ចំនួន៤ រូបពីក្រសួងពាណិជ្ជកម្ម
× ភ្នំពេញ៖ នាយកដ្ឋានជំរុញពាណិជ្ជកម្មអន្តរជាតិនៃក្រសួងពាណិជ្ជកម្មថៃ បានអញ្ជើញប្រទេសជាសមាជិកអាស៊ានចំនួន៣ រួមមានកម្ពុជា ឡាវ មីយ៉ាន់ម៉ា ដើម្បីចូលរួមពិព័រណ៍ពាណិជ្ជកម្មថៃសម្រាប់ឆ្នាំ២០១៩ ចំនួន៤ ពិព័រណ៍។ តាមរយៈនេះក្រសួងពាណិជ្ជកម្មកម្ពុជា ជូនដំណឹងដល់ពាណិជ្ជករអាជីវករ និងសាធារណៈជនទូទៅ ដែលមានបំណងចង់ចូលរួមអាចដាក់ពាក្យបាន។
ពិព័រណ៍ពាណិជ្ជកម្មទាំងនោះរួមមានទី១ ពិព័រណ៍ត្បូង និងគ្រឿងអលង្ការ (Bangkok Gems & Jewelry Fair 2019) ក្នុងខែកុម្ភៈ។ ទី២ STYLE 2019 (BIFF & BIL, BIG + BIH ,TIFF 2019) ក្នុងខែមេសា។ ទី៣ ពិព័រណ៍ម្ហូបអាហារអាស៊ី (THAIFEX World of Food Asia 2019) ក្នុងខែឧសភា។ និងទី៤ ពិព័រណ៍ត្បូងនិងគ្រឿងអលង្ការ (Bangkok Gems & Jewelry Fair 2019) ក្នុងខែកញ្ញា។
ក្រសួងពាណិជ្ជកម្មអញ្ជើញពាណិជ្ជករ អាជីវករ ដែលជាម្ចាស់ក្រុមហ៊ុន និងសហគ្រាសទាំងអស់ ដែលមានចំណាប់អារម្មណ៍ និងមានបំណងទៅចូលរួមផ្សព្វផ្សាយផលិតផលរបស់ខ្លួន ឬមានបំណងស្វែងរកដៃគូពាណិជ្ជកម្ម ក្នុងព្រឹត្តិការណ៍ពាណិជ្ជកម្មនេះ សូមទាក់ទង និងបំពេញបែបបទ នៅនាយកដ្ឋានកិច្ចការពិព័រណ៍ នៃអគ្គនាយកដ្ឋានជំរុញពាណិជ្ជកម្ម ក្រសួងពាណិជ្ជកម្ម ចាប់ពីថ្ងៃជូនដំណឹងនេះតទៅ៕
© រក្សាសិទ្ធិដោយ thmeythmey.com