ជាតិ
សង្គមជាតិ
បុរសម្នាក់ ត្រូវចាប់ខ្លួន ដោយសង្ស័យថាប៉ុនប៉ងធ្វើភេរវកម្ម
× សមត្ថកិច្ច អះអាងថា បុរសឈ្មោះ ប៉េង រ៉ា អាយុ៤៨ឆ្នាំ ជាជនសង្ស័យម្នាក់ក្នុងចំណោមបក្ខពួក៨នាក់ បានប៉ុនប៉ងបំផ្ទុះភេរវកម្មប្រឆាំងនឹងរដ្ឋាភិបាល។ រូបគេ ត្រូវបានសមត្ថកិច្ចចាប់ខ្លួន នៅភូមិចំការឪឡឹក១ សង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ នៅរសៀលថ្ងៃទី០១ ខែវិច្ឆិកា ឆ្នាំ២០១៨។
គេហទំព័ររបស់អគ្គស្នងការនគរបាលជាតិ បានចុះផ្សាយថា ប្រតិបត្តិការនេះ ធ្វើឡើងតាមដីការបស់តុលាការ និងក្រោមបញ្ជាពីលោក នេត សាវឿន អគ្គស្នងការនគរបាលជាតិ និង លោក សេ ថេត ស្នងការនគរបាលរាជធានីភ្នំពេញ។ បច្ចុប្បន្ន ជនសង្ស័យត្រូវបានបញ្ជូន ទៅកាន់នាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន ដើម្បីចាត់ការតាមនីតិវិធី៕
© រក្សាសិទ្ធិដោយ thmeythmey.com