ជាតិ
បទសម្ភាសន៍
វីដេអូ
សេដ្ឋកិច្ច
ឯកអគ្គរដ្ឋទូតអាមេរិក៖បរិយាកាសជំនួញល្អហើយ ប៉ុន្តែកម្ពុជាត្រូវប្រែខ្លួនជាទីតាំងវិនិយោគសម្រាប់បម្រើទីផ្សារតំបន់
×![]()
ក្រៅពីមានបរិយាកាសល្អប្រសើរសម្រាប់ការធ្វើជំនួញ អ្វីដែលកម្ពុជាត្រូវធ្វើបន្ទាប់គឺ ប្រែក្លាយខ្លួនជាទីកន្លែងទាក់ទាញក្រុមហ៊ុនវិនិយោគបរទេសដែលអាចផ្គត់ផ្គង់សេវាកម្ម និងផលិតកម្មសម្រាប់តំបន់ទាំងមូលនៅថ្ងៃអនាគត។ នេះជាការលើកឡើងរបស់ ឯកអគ្គរដ្ឋទូតអាមេរិកប្រចាំនៅកម្ពុជាក្នុងបទសម្ភាសន៍មួយជាមួយសារព័ត៌មានថ្មីៗថ្ងៃទី ១ខែវិច្ឆិកា។
បម្រើការងារនៅកម្ពុជាជាង៣ឆ្នាំមកនេះ ឯកអគ្គរដ្ឋទូតអាមេរិកលោក William Heidt មាន សុទិដ្ឋិនិយមខ្ពស់លើបរិយាកាសសម្រាប់ការធ្វើជំនួញនៅកម្ពុជា។ ប៉ុន្តែលោកគិតថា រដ្ឋាភិបាលកម្ពុជានៅតែមានលទ្ធភាពច្រើនដែលអាចធ្វើឲ្យកម្ពុជាកាន់តែមានភាពងាយស្រួលថែមទៀតសម្រាប់ទាក់ទាញការវិនិយោគនេះ។
«ខ្ញុំគិតថា កម្ពុជាត្រូវបានគេស្គាល់ថាជាប្រទេសដែលមានភាពងាយស្រួលខ្លាំងណាស់ក្នុងការធ្វើជំនួញ។ ខ្ញុំគិតថា គេអាចធ្វើឲ្យវាកាន់តែងាយស្រួលថែមទៀត។ រដ្ឋាភិបាលអាចបង្កើន
ភាពងាយស្រូលសម្រាប់ក្រុមហ៊ុនចុះបញ្ជី និងធ្វើឲ្យមានភាពងាយស្រួលក្នុងបទបញ្ញត្តិការងារជាដើម។ ប៉ុន្តែជារួមវាងាយស្រួលរួចទៅហើយ។ វាមិនមានបញ្ហាទេ»។
យោងតាមរបាយការណ៍ធនាគារពិភពលោកស្តីពីការធ្វើពាណិជ្ជកម្មឆ្នាំ ២០១៩ ដែលចេញផ្សាយកាលពីថ្ងៃពុធទី ៣១ខែតុលា កម្ពុជាស្ថិតនៅលេខរៀងទី ១៣៨ ក្នុងសន្ទស្សន៍នៃភាពងាយស្រួលក្នុងការធ្វើជំនួញ ខណៈរបាយការណ៍ឆ្នាំ ២០១៨ បង្ហាញថា កម្ពុជាស្ថិតនៅលេខរៀងទី ១៣៥។
១.បរិយាកាសជំនួញល្អហើយ ប៉ុន្តែកម្ពុជាត្រូវកា្លយជាទីតាំងវិនិយោគសម្រាប់បម្រើទីផ្សារតំបន់
ឯកអគ្គរដ្ឋទូតអាមេរិកខាងលើសំឡឹងឃើញថា បញ្ហាប្រឈមមួយដែលកម្ពុជាត្រូវដោះស្រាយ ខណៈដែលខ្លួនអាចធានាបរិយាកាសល្អសម្រាប់ការបើកអាជីវកម្មរបស់ក្រុមហ៊ុនបរទេសរួចទៅហើយ។ បញ្ហានោះគឺ កម្ពុជាមិនទាន់ក្លាយជាទីតាំងវិនិយោគសម្រាប់បម្រើឲ្យទីផ្សារតំបន់នៅឡើយទេ ហើយលោកចង់ឃើញ ការប្រែក្លាយមួយនេះឆាប់ជាពិសេសក្នុងផ្នែកសេវាកម្ម និងផលិតកម្ម។
«នៅពេលឃើញសហគមន៍ធុរកិច្ចអាមេរិកនៅកម្ពុជា ខ្ញុំកត់សម្គាល់ថា ក្រុមហ៊ុនភាគច្រើននៅទីនេះ គឺបម្រើតែទីផ្សារក្នុងស្រុកខ្មែរប៉ុណ្ណោះ។ ខ្ញុំគិតថា អ្នកចង់ឃើញនៅថ្ងៃណាមួយ ក្រុមហ៊ុនកាន់តែច្រើនមកវិនិយោគនៅកម្ពុជាដើម្បីបម្រើផ្នែកផលិតកម្ម សេវាកម្ម និងវិស័យផ្សេងទៀតដល់ទីផ្សារតំបន់ទាំងមូល។ ចំណុចនេះមិនទាន់កើតមានច្រើននៅកម្ពុជាទេ។ ដូច្នេះ វាជាបញ្ហាប្រឈមបន្ទាប់ ដែលត្រូវប្រែក្លាយកម្ពុជាទៅជាកន្លែងដែលទាក់ទាញក្នុងតំបន់សម្រាប់ការធ្វើជំនួញ»។ ឯកអគ្គរដ្ឋទូតអាមេរិកមានប្រសាសន៍ប្រាប់សារព័ត៌មានថ្មីៗដូច្នេះ។
លោក Heidt បានមានប្រសាសន៍បន្ថែមថា បច្ចុប្បន្នអ្វីដែលសហរដ្ឋអាមេរិកព្យាយាមធ្វើគឺ ជួយកម្ពុជាឲ្យសម្រេចជោគជ័យក្នុងការជំរុញការវិនិយោគផ្នែកបច្ចេកវិទ្យាដើម្បីបម្រើទីផ្សារតំបន់ ដ្បិតថាបច្ចេកវិទ្យាដែលជាកម្លាំងចលករសំខាន់នៃសេដ្ឋកិច្ចកម្ពុជានោះក៏កំពុងអភិវឌ្ឍទៅមុខរហ័សដែរ។
២.ប្រជាជនខ្មែរអាមេរិកកាន់តែច្រើនមកបើកជំនួញនៅកម្ពុជា
ពេលសាកសួរពីចំនួនក្រុមហ៊ុនអាមេរិកដែលកំពុងបើកអាជីវកម្មនៅកម្ពុជា លោក William Heidt បានឆ្លើយថា បច្ចុប្បន្នក្រុមហ៊ុនអាមេរិកធំៗមានប្រហែល ២០ប៉ុណ្ណោះនាពេលបច្ចុប្បន្ន ប៉ុន្តែក្រុមហ៊ុនតូចៗមានកាន់តែច្រើនជាពិសេសជំនួញរបស់ប្រជាជនខ្មែរអាមេរិក។
លោក Heidt និយាយដូច្នេះ៖« សហគមន៍ធុរកិច្ចរបស់យើងនៅកម្ពុជាគឺគួរឲ្យចាប់អារម្មណ៍ណាស់។ បច្ចុប្បន្ន ក្រុមហ៊ុនធំរបស់អាមេរិកមានត្រឹមប្រហែល ២០ទេ ប៉ុន្តែអ្នកជំនួញតូចៗមានច្រើនណាស់។ ប្រជាជនខ្មែរអាមេរិកកាន់តែច្រើនត្រឡប់មកស្រុកខ្មែរ និងបើកជំនួញនៅទេនេះជាពិសេសផ្តោតលើផ្នែកបច្ចេកវិទ្យាតែម្តង។ ក្រុមហ៊ុនបច្ចេកវិទ្យាដែលល្អបំផុតមួយចំនួនៅស្រុកខ្មែរមានម្ចាស់ជាជនជាតិខ្មែរអាមេរិកផង»។
«ក្រុមហ៊ុនធំៗដូចលោកអ្នកបានស្គាល់ហើយដូចជា កូកាកូឡា, កាល់តិច និង ក្រុមហ៊ុន General Electric ជាដើម ប៉ុន្តែខ្ញុំគិតថា ភាពខ្លាំងរបស់សហគមន៍ធុរកិច្ចអាមេរិកយើងគឺ នៅក្នុងអាជីវកម្មតូចៗមានដូចជាភោជនីយដ្ឋាន, ក្រុមហ៊ុនបច្ចេកវិទ្យា, ក្រុមហ៊ុនប្រឹក្សាច្បាប់, និងក្រុមហ៊ុនផ្សេងទៀតដែរ»។ លោក Heidt សង្កត់ធ្ងន់ដូច្នេះ។
សូមបញ្ជាក់ថា លោកឯកអគ្គរដ្ឋទូត William Heidt នឹងបញ្ចប់បេសកកម្មការទូតរបស់ខ្លួននៅកម្ពុជាត្រឹមខែវិច្ឆិកានេះ។ លោកបានទទួលការយល់ព្រមពីព្រឹទ្ធសភាអាមេរិកធ្វើជាឯកអគ្គរដ្ឋទូតប្រចាំកម្ពុជា តាំងពីថ្ងៃទី ៥ ខែសីហា ឆ្នាំ២០១៥ ហើយបានស្បថចូលបំពេញការងារនៅថ្ងៃទី១៤ ខែកញ្ញា ឆ្នាំ២០១៥ ។ ចំណែកលោក Patrick Murphy បច្ចុប្បន្នជាឧបការីរងរដ្ឋមន្ត្រីការបរទេសទទួលបន្ទុកកិច្ចការងារអាស៊ីបូព៌ា និងប៉ាស៊ីហ្វិកត្រូវបានស្នើតែងតាំងជាឯកអគ្គរដ្ឋទូតថ្មីប្រចាំនៅកម្ពុជាដោយប្រធានាធិបតីអាមេរិកលោក ដូណាល់ ត្រាំ។ បេក្ខភាពរបស់លោកត្រូវទទួលយល់ព្រមពីព្រឹទ្ធសភាអាមេរិកសិន៕
បម្រើការងារនៅកម្ពុជាជាង៣ឆ្នាំមកនេះ ឯកអគ្គរដ្ឋទូតអាមេរិកលោក William Heidt មាន សុទិដ្ឋិនិយមខ្ពស់លើបរិយាកាសសម្រាប់ការធ្វើជំនួញនៅកម្ពុជា។ ប៉ុន្តែលោកគិតថា រដ្ឋាភិបាលកម្ពុជានៅតែមានលទ្ធភាពច្រើនដែលអាចធ្វើឲ្យកម្ពុជាកាន់តែមានភាពងាយស្រួលថែមទៀតសម្រាប់ទាក់ទាញការវិនិយោគនេះ។
«ខ្ញុំគិតថា កម្ពុជាត្រូវបានគេស្គាល់ថាជាប្រទេសដែលមានភាពងាយស្រួលខ្លាំងណាស់ក្នុងការធ្វើជំនួញ។ ខ្ញុំគិតថា គេអាចធ្វើឲ្យវាកាន់តែងាយស្រួលថែមទៀត។ រដ្ឋាភិបាលអាចបង្កើន
ភាពងាយស្រូលសម្រាប់ក្រុមហ៊ុនចុះបញ្ជី និងធ្វើឲ្យមានភាពងាយស្រួលក្នុងបទបញ្ញត្តិការងារជាដើម។ ប៉ុន្តែជារួមវាងាយស្រួលរួចទៅហើយ។ វាមិនមានបញ្ហាទេ»។
យោងតាមរបាយការណ៍ធនាគារពិភពលោកស្តីពីការធ្វើពាណិជ្ជកម្មឆ្នាំ ២០១៩ ដែលចេញផ្សាយកាលពីថ្ងៃពុធទី ៣១ខែតុលា កម្ពុជាស្ថិតនៅលេខរៀងទី ១៣៨ ក្នុងសន្ទស្សន៍នៃភាពងាយស្រួលក្នុងការធ្វើជំនួញ ខណៈរបាយការណ៍ឆ្នាំ ២០១៨ បង្ហាញថា កម្ពុជាស្ថិតនៅលេខរៀងទី ១៣៥។
១.បរិយាកាសជំនួញល្អហើយ ប៉ុន្តែកម្ពុជាត្រូវកា្លយជាទីតាំងវិនិយោគសម្រាប់បម្រើទីផ្សារតំបន់
ឯកអគ្គរដ្ឋទូតអាមេរិកខាងលើសំឡឹងឃើញថា បញ្ហាប្រឈមមួយដែលកម្ពុជាត្រូវដោះស្រាយ ខណៈដែលខ្លួនអាចធានាបរិយាកាសល្អសម្រាប់ការបើកអាជីវកម្មរបស់ក្រុមហ៊ុនបរទេសរួចទៅហើយ។ បញ្ហានោះគឺ កម្ពុជាមិនទាន់ក្លាយជាទីតាំងវិនិយោគសម្រាប់បម្រើឲ្យទីផ្សារតំបន់នៅឡើយទេ ហើយលោកចង់ឃើញ ការប្រែក្លាយមួយនេះឆាប់ជាពិសេសក្នុងផ្នែកសេវាកម្ម និងផលិតកម្ម។
«នៅពេលឃើញសហគមន៍ធុរកិច្ចអាមេរិកនៅកម្ពុជា ខ្ញុំកត់សម្គាល់ថា ក្រុមហ៊ុនភាគច្រើននៅទីនេះ គឺបម្រើតែទីផ្សារក្នុងស្រុកខ្មែរប៉ុណ្ណោះ។ ខ្ញុំគិតថា អ្នកចង់ឃើញនៅថ្ងៃណាមួយ ក្រុមហ៊ុនកាន់តែច្រើនមកវិនិយោគនៅកម្ពុជាដើម្បីបម្រើផ្នែកផលិតកម្ម សេវាកម្ម និងវិស័យផ្សេងទៀតដល់ទីផ្សារតំបន់ទាំងមូល។ ចំណុចនេះមិនទាន់កើតមានច្រើននៅកម្ពុជាទេ។ ដូច្នេះ វាជាបញ្ហាប្រឈមបន្ទាប់ ដែលត្រូវប្រែក្លាយកម្ពុជាទៅជាកន្លែងដែលទាក់ទាញក្នុងតំបន់សម្រាប់ការធ្វើជំនួញ»។ ឯកអគ្គរដ្ឋទូតអាមេរិកមានប្រសាសន៍ប្រាប់សារព័ត៌មានថ្មីៗដូច្នេះ។
លោក Heidt បានមានប្រសាសន៍បន្ថែមថា បច្ចុប្បន្នអ្វីដែលសហរដ្ឋអាមេរិកព្យាយាមធ្វើគឺ ជួយកម្ពុជាឲ្យសម្រេចជោគជ័យក្នុងការជំរុញការវិនិយោគផ្នែកបច្ចេកវិទ្យាដើម្បីបម្រើទីផ្សារតំបន់ ដ្បិតថាបច្ចេកវិទ្យាដែលជាកម្លាំងចលករសំខាន់នៃសេដ្ឋកិច្ចកម្ពុជានោះក៏កំពុងអភិវឌ្ឍទៅមុខរហ័សដែរ។
២.ប្រជាជនខ្មែរអាមេរិកកាន់តែច្រើនមកបើកជំនួញនៅកម្ពុជា
ពេលសាកសួរពីចំនួនក្រុមហ៊ុនអាមេរិកដែលកំពុងបើកអាជីវកម្មនៅកម្ពុជា លោក William Heidt បានឆ្លើយថា បច្ចុប្បន្នក្រុមហ៊ុនអាមេរិកធំៗមានប្រហែល ២០ប៉ុណ្ណោះនាពេលបច្ចុប្បន្ន ប៉ុន្តែក្រុមហ៊ុនតូចៗមានកាន់តែច្រើនជាពិសេសជំនួញរបស់ប្រជាជនខ្មែរអាមេរិក។
លោក Heidt និយាយដូច្នេះ៖« សហគមន៍ធុរកិច្ចរបស់យើងនៅកម្ពុជាគឺគួរឲ្យចាប់អារម្មណ៍ណាស់។ បច្ចុប្បន្ន ក្រុមហ៊ុនធំរបស់អាមេរិកមានត្រឹមប្រហែល ២០ទេ ប៉ុន្តែអ្នកជំនួញតូចៗមានច្រើនណាស់។ ប្រជាជនខ្មែរអាមេរិកកាន់តែច្រើនត្រឡប់មកស្រុកខ្មែរ និងបើកជំនួញនៅទេនេះជាពិសេសផ្តោតលើផ្នែកបច្ចេកវិទ្យាតែម្តង។ ក្រុមហ៊ុនបច្ចេកវិទ្យាដែលល្អបំផុតមួយចំនួនៅស្រុកខ្មែរមានម្ចាស់ជាជនជាតិខ្មែរអាមេរិកផង»។
«ក្រុមហ៊ុនធំៗដូចលោកអ្នកបានស្គាល់ហើយដូចជា កូកាកូឡា, កាល់តិច និង ក្រុមហ៊ុន General Electric ជាដើម ប៉ុន្តែខ្ញុំគិតថា ភាពខ្លាំងរបស់សហគមន៍ធុរកិច្ចអាមេរិកយើងគឺ នៅក្នុងអាជីវកម្មតូចៗមានដូចជាភោជនីយដ្ឋាន, ក្រុមហ៊ុនបច្ចេកវិទ្យា, ក្រុមហ៊ុនប្រឹក្សាច្បាប់, និងក្រុមហ៊ុនផ្សេងទៀតដែរ»។ លោក Heidt សង្កត់ធ្ងន់ដូច្នេះ។
សូមបញ្ជាក់ថា លោកឯកអគ្គរដ្ឋទូត William Heidt នឹងបញ្ចប់បេសកកម្មការទូតរបស់ខ្លួននៅកម្ពុជាត្រឹមខែវិច្ឆិកានេះ។ លោកបានទទួលការយល់ព្រមពីព្រឹទ្ធសភាអាមេរិកធ្វើជាឯកអគ្គរដ្ឋទូតប្រចាំកម្ពុជា តាំងពីថ្ងៃទី ៥ ខែសីហា ឆ្នាំ២០១៥ ហើយបានស្បថចូលបំពេញការងារនៅថ្ងៃទី១៤ ខែកញ្ញា ឆ្នាំ២០១៥ ។ ចំណែកលោក Patrick Murphy បច្ចុប្បន្នជាឧបការីរងរដ្ឋមន្ត្រីការបរទេសទទួលបន្ទុកកិច្ចការងារអាស៊ីបូព៌ា និងប៉ាស៊ីហ្វិកត្រូវបានស្នើតែងតាំងជាឯកអគ្គរដ្ឋទូតថ្មីប្រចាំនៅកម្ពុជាដោយប្រធានាធិបតីអាមេរិកលោក ដូណាល់ ត្រាំ។ បេក្ខភាពរបស់លោកត្រូវទទួលយល់ព្រមពីព្រឹទ្ធសភាអាមេរិកសិន៕
Tag:
កម្ពុជា
ធុរកិច្ច
វិនយោគ
លោក William Heidt
© រក្សាសិទ្ធិដោយ thmeythmey.com
