ជាតិ
សង្គមជាតិ
ឆេះកន្លែងលក់សាំងដបនៅព្រះសីហនុ បណ្តាលឲ្យខូចខាតរថយន្ត៤គ្រឿង និងម៉ូតូ៣គ្រឿង
× ព្រះសីហនុ៖ អគ្គិភ័យឆាបឆេះនៅកន្លែងលក់សាំងដប កាលពីម៉ោង១១ព្រឹក ថ្ងៃទី៤ វិច្ឆិកានេះ បណ្តាលឲ្យខូចខាតរថយន្ត៤គ្រឿង និងម៉ូតូ៣គ្រឿង។ នេះបើតាមអ្នកនាំពាក្យខេត្តព្រះសីហនុ លោក ឱ សារឿន ដែលប្រាប់សារព័ត៌មានថ្មីៗ។
លោក ឱ សារឿន បានបញ្ជាក់ថា មូលហេតុដែលបង្កឲ្យមានអគ្គិភ័យនេះកើតឡើង គឺបណ្ដាលមកពីម្ចាស់ម៉ូតូកង់បីម្នាក់ បានចូលទៅចាក់សាំងនៅទីនោះ ហើយពិសាបារី ដែលនាំឲ្យមានអគ្គីភ័យឆាបឆេះយ៉ាងសន្ធោសន្ធៅបែបនេះ។
« ការឆាបឆេះនេះពុំបង្កឲ្យមានមនុស្សរងរបួសទេ គ្រាន់តែខូចខាតសម្ភារដូចជារថយន្ត និងម៉ូតូដែលចតនៅក្បែរនោះតែប៉ុណ្ណោះ។ ក្រោយពីមានការអន្តរាគមន៍ពីអាជ្ញាធរខេត្តរួច អគ្គីភ័យនោះក៏រលត់ទៅវិញ»។ នេះបើតាមអ្នកនាំពាក្យខេត្តព្រះសីហនុ៕
© រក្សាសិទ្ធិដោយ thmeythmey.com