អ្នកភូមិទន្លេសាបច្នៃឧបករណ៍ដោះត្រីមងក្រឡាល្អិតដែលជំនួសកម្លាំងមនុស្សបានច្រើន

ជាតិ

អ្នកភូមិទន្លេសាបច្នៃឧបករណ៍ដោះត្រីមងក្រឡាល្អិតដែលជំនួសកម្លាំងមនុស្សបានច្រើន

06, Nov 2018 , 7:19 pm

រូបភាព

ដោយ: អុីសា រ៉ហានី (Isa Rohany)

សៀមរាប៖ នៅក្នុងខែ តុលា ជារដូវកាលដែលទឹកទន្លេចាប់ផ្តើមស្រកទៅវិញ។ នារដូវនេះ ត្រូវក៏ចាប់ផ្តើមត្រូវច្រើនដែរ។ ឃុំកំពង់ឃ្លាំង ជាឃុំដ៏ធំមួយជាប់នឹងបឹងទន្លេសាប ដែលមានចម្ងាយប្រមាណ ៧០គីឡូម៉ែត្រពីទីរួមខេត្តសៀមរាប។ ដើម្បីជំនួសកម្លាំងមនុស្សក្នុងការដោះត្រីពីស្បៃមងក្រឡាល្អិត អ្នកឃុំកំពង់ឃ្លាំង បានច្នៃឧបករណ៍ម្យ៉ាងសម្រាប់ការងារនេះ។

ឧបករណ៍នោះត្រូវបានអ្នកនេសាទ ច្នៃធ្វើពីឈើ ឫស្សី និងភ្ជាប់ដោយម៉ូទ័រភ្លើង ដើម្បីទាញវាយក្រឡាមងឱ្យត្រីជ្រុះធ្លាក់មកកន្លែងមួយដោយឡែក។ អ្នកនេសាទ អ្នកស្រី ធី មានវ័យ ៤៨ឆ្នាំបានឱ្យដឹងថា ក្រឡាមងល្អិតដែលអ្នកស្រីកំពុងដោះត្រី ជាប្រភេទក្រឡា ១ហ៊ុន៤លី សម្រាប់យកត្រីបណ្ដូលអំពៅ ដែលអ្នកខ្លះហៅថាត្រីបណ្ដូលពោត។ ចំណែកស្បៃមងដែលដាក់សម្រាប់យកត្រីនេះមានប្រវែងប្រមាណ ១គីឡូម៉ែត្រឯណោះ។