ពិនិត្យ៧ស្ថានីយ កាំកុងត្រូលរកឃើញ៥ស្ថានីយលក់មិនត្រឹមត្រូវ នៅភ្នំពេញ

ជាតិ

សេដ្ឋកិច្ច

ពិនិត្យ៧ស្ថានីយ កាំកុងត្រូលរកឃើញ៥ស្ថានីយលក់មិនត្រឹមត្រូវ នៅភ្នំពេញ

06, Nov 2018 , 10:39 pm

រូបភាព

រូបពីកាំកុងត្រូល

ដោយ:

ភ្នំពេញ៖ ក្នុងចំណោមស្ថានីយចំនួន៧ ដែលកាំកុងត្រូលបានត្រួតពិនិត្យ មន្ត្រីជំនាញបានរកឃើញស្ថានីយ/ដេប៉ូចំនួន៥ ធ្វើអាជីវកម្មមិនត្រឹមត្រូវចំពោះអតិថិជនរបស់ខ្លួន នៅក្នុងរាជធានីភ្នំពេញ។

ប្រតិបត្តិការត្រួតពិនិត្យស្ថានីយប្រេងឥន្ធនៈនេះ ធ្វើឡើងនៅថ្ងៃទី៦ខែវិច្ឆិកានេះ។ ក្នុងចំណោមស្ថានីយចំនួន៧នេះ កាំកុងត្រូលរកឃើញថា ស្ថានីយ១ ខុសគុណភាពប្រេង, ស្ថានីយ១ទៀតលក់មិនគ្រប់លីត្រ ហើយស្ថានីយចំនួន៣ ផ្សេងទៀតលក់មិនត្រឹមត្រូវទាំងគុណភាព និងបរិមាណ។

បន្ទាប់ពីចុះកិច្ចសន្យាកែកំហុស មន្ត្រីកាំកុងត្រូលបានព្រមាននឹងបញ្ចេញឈ្មោះតាមប្រព័ន្ធផ្សព្វផ្សាយ បើមានករណីនេះលើកទី២ ហើយនឹងប្រឈមការផ្អាកអាជីវកម្ម ឬបណ្ដឹងទៅតុលាការ បើឈានដល់កំហុសជាលើកទី៣ ។ នេះជាអះអាងរបស់អគ្គនាយកដ្ឋានកាំកុងត្រូល នៅលើទំព័រហ្វេសប៊ុករបស់ខ្លួន៕