កីឡាជាតិ
ជាតិ
AFF Futsal៖ កម្ពុជាចាញ់ម្ចាស់ផ្ទះឥណ្ឌូណេស៊ី ១៣-០ មុនត្រឡប់មកផ្ទះវិញ
× ក្រុមកីឡាបាល់ទាត់ហ្វូតសាលជម្រើសជាតិកម្ពុជាត្រូវវិលត្រឡប់មកផ្ទះវិញ ជាមួយនឹងលទ្ធផលដ៏ខកចិត្តក្នុងព្រឹត្តិការណ៍ AFF Futsal Championship ឆ្នាំ២០១៨ នៅទីលាន GOR UNY ក្រុង Yogyakarta ប្រទេសឥណ្ឌូណេស៊ី។ សម្រាប់ការប្រកយតចុងក្រោយក្នុងពូល A កម្ពុជា បានចាញ់ម្ចាស់ផ្ទះឥណ្ឌូណេស៊ី ១៣-០ ។
ម្ចាស់ផ្ទះឥណ្ឌូណេស៊ី ដែលធ្លាប់ឈ្នះជើងឯកប្រចាំតំបន់កាលពីឆ្នាំ២០១០ នោះ បានស៊ុតបាល់បញ្ចូលទី៧គ្រាប់នៅតង់ទីមួយ ហើយបន្ថែម៦គ្រាប់ទៀតនៅក្នុងតង់ទីពីរ ដែលនាំឲ្យពួកគេទទួលបានលេខ២ក្នុងពូល។
ឥណ្ឌូណេស៊ី ចាប់ដៃជាមួយម៉ាឡេស៊ី ដែលឈ្នះទាំងបីប្រកួត ក្នុងការឡើងទៅកាន់វគ្គពាក់កណ្តាលផ្តាច់ព្រ័ត្រ ខណៈកម្ពុជា និងមីយ៉ាន់ម៉ា ត្រូវហាលអាវ។
ក្នុងការប្រកួត៣លើកក្នុងពូល កម្ពុជា ចាញ់ម៉ាឡេស៊ី ១០-០ ចាញ់មីយ៉ាន់ម៉ា ១១-២ និងចាញ់ឥណ្ឌូណេស៊ី ១៣-០ ៕
© រក្សាសិទ្ធិដោយ thmeythmey.com