ជាតិ
ចំណីអាហារនាំចូលដោយមិនឆ្លងកាត់កាំកុងត្រូល មានសុវត្ថិភាពទាបជាង ចំណីអាហារផលិតក្នុងស្រុក លោក លី ទីន អនុប្រធាននាយកដ្ឋានវិញ្ញាបនបត្រកម្ម នៃវិទ្យាស្ថានស្តង់ដារកម្ពុជា
× ភ្នំពេញ៖ ចំណីអាហារនាំចូលមួយចំនួននៅកម្ពុជា ដែលមិនបានឆ្លងការត្រួតពិនិត្យពីកាំកុងត្រូល មានសុវត្ថិភាពទាបជាងចំណីអាហារផលិត ក្នុងស្រុក។ នេះជាការលើករបស់លោក លី ទីន អនុប្រធាននាយកដ្ឋានវិញ្ញាបនបត្រកម្ម នៃវិទ្យាស្ថានស្តង់ដារកម្ពុជា។
ថ្លែងចំពោះមុខអ្នកសារព័ត៌មាន ក្នុងវេទិកាលើកកម្ពស់ការយល់ដឹងពីសុវត្ថិភាពចំណីអាហារ នៅវិទ្យាស្ថានបច្ចេកវិទ្យាកម្ពុជា នាថ្ងៃទី៦ វិច្ឆិកា លោក លី ទីន បាននិយាយដូច្នេះ « ចំពោះចំណីអាហារនាំចូល និងការផលិតក្នុងស្រុក ខ្ញុំគិតថាចំណីអាហារផលិតក្នុងស្រុក ប្រហែលមានការត្រួតពិនិត្យ បានម៉ត់ចត់ជាង ចំណីអាហារនាំចូល។ មូលហេតុ ដែលខ្ញុំលើកដូចនេះ ព្រោះមានផលិតផលនាំចូលមួយចំនួន នៅលើសំបកកេស មានដាក់សញ្ញាសម្គាល់តែការសម្រាប់នាំចេញ (For Export Only) មានន័យថាឈ្មួញក្នុងស្រុក បានទៅបញ្ជាក្រុមហ៊ុនផលិតនៅក្រៅបរទេស ឲ្យផលិតផលិតផលក្នុងកម្រិតស្តង់ដារទាបមួយ ឬគ្មានស្តង់ដារ ដែលអាចយកលក់ធូរថ្លៃ ជាងចំណីអាហារផលិតក្នុងស្រុក ដើម្បីប្រកួតប្រជែងគ្នា»។
សូមស្តាប់សម្តីរបស់លោក លី ទីន អនុប្រធាននាយកដ្ឋានវិញ្ញាបនបត្រកម្ម នៃវិទ្យាស្ថានស្តង់ដារកម្ពុជានៅវិទ្យាស្ថានបច្ចេកវិទ្យាកម្ពុជា នាថ្ងៃទី៦ វិច្ឆិកា៖
សូមរម្លឹកថា រយៈពេល៨ខែ ដើមឆ្នាំ២០១៨ មន្ត្រីកាំកុងត្រូល និងអាជ្ញាធរពាក់ព័ន្ធ បានដកហូតទំនិញខូចគុណភាពទូទាំងប្រទេស បានជាង៥២តោន។ ទំនិញខូចគុណភាពទាំងនោះ ភាគច្រើនហួសកាលបរិច្ឆទប្រើប្រាស់ ហើយមានសារធាតុគីមី៕
Tag:
ចំណីអាហារ
សុវត្ថិភាព
© រក្សាសិទ្ធិដោយ thmeythmey.com