ជាតិ
សេដ្ឋកិច្ច
កម្ពុជា នាំចេញអង្ករទៅទីផ្សារអន្តរជាតិធា្លក់ចុះជាង១៣ភាគរយ ក្នុងរយៈពេល១០ខែ រូបភាព បានពីហ្វេសប៊ុក សហព័ន្ធស្រូវអង្ករកម្ពុជា
× ភ្នំពេញ៖ កម្ពុជាបាននាំអង្ករចេញចំនួនសរុប៤៣៤,៨០៧តោន ក្នុងរយៈពេល៧១០ខែ ឆ្នាំ២០១៨ ដែលធា្លក់ចុះ១៣,២០ភាគរយ បើធៀបនឹងរយៈពេលដូចគ្នាឆ្នាំ២០១៧ ដែលមានចំនួន៤៩២,១១៥តោន។ នេះបើយោងតាមតួលេខរបស់លេខាធិការដ្ឋានច្រកចេញចូលតែមួយសម្រាប់បំពេញបែបបទនាំចេញអង្ករ។
របាយការណ៍បង្ហាញថា កម្ពុជាបាននាំចេញទៅកាន់ទីផ្សារអឺរ៉ុបមានជាង២១ម៉ឺនតោន តំបន់អាស៊ានមានជិត៤៦ពាន់តោន និងតំបន់ផ្សេងៗទៀតមានជាង១៨ម៉ឺនតោន។
ដោយឡែក ប្រទេសដែលនាំអង្ករចូលច្រើនជាងគេពីកម្ពុជា មានប្រទេសចិន ចំនួន១១៣,៥៣៧តោន ប្រទេសបារាំងចំនួន៦៤,០៣២តោន និងប្រទេសម៉ាឡេស៊ី មានចំនួន៣២,៥៣៧តោន។
សូមបញ្ជាក់ថា កន្លងមកបារាំង ជាប្រទេសឈរលំដាប់លេខ១ ក្នុងការនាំអង្ករចូលពីកម្ពុជា ប៉ុន្តែបច្ចុប្បន្នលំដាប់លេខនេះ បានធា្លក់ទៅប្រទេសចិនវិញ៕
Tag:
អង្ករ
ទីផ្សារ
នាំចេញ
© រក្សាសិទ្ធិដោយ thmeythmey.com