ជាតិ
គណៈមេធាវី៖ លោក ហ៊ាង ឫទ្ធី មិនមែនជាមេធាវីដែលបានចុះបញ្ជីឡើយ លោក ហ៊ាង ឫទ្ធី អតីតអនុប្រធានគណបក្សសំបុកឃ្មុំសង្គមប្រជាធិបតេយ្យ
× គណៈមេធាវីនៃព្រះរាជាណាចក្រកម្ពុជា កាលពីថ្ងៃទី១៥ ខែវិច្ឆិកា បានចេញសេចក្តីប្រកាសព័ត៌មានដោយច្រានចោលមុខងារ តួនាទី និងឋានៈ ជា «មេធាវី» របស់លោក ហ៊ាង ឫទ្ធី អតីតអនុប្រធានគណបក្សសំបុកឃ្មុំសង្គមប្រជាធិបតេយ្យ។
ប្រតិកម្មនេះ កើតឡើងបន្ទាប់ពីលោក ហ៊ាង ឫទ្ធី ផ្តល់បទសម្ភាសមួយដល់វិទ្យុអាស៊ី សេរី ពាក់ព័ន្ធករណី លោក កឹម សុខា។ ក្នុងបទសម្ភាស លោក ហ៊ាង ឫទ្ធី ត្រូវបានហៅថា «លោកបណ្ឌិតមេធាវី»។ សម្រាប់គណៈមេធាវី ការហៅបែបនេះ គឺជាកំហុសយ៉ាងធ្ងន់ធ្ងរ ព្រោះលោក ហ៊ាង ឫទ្ធី មិនមែនជាមេធាវីដែលបានចុះបញ្ជីក្នុងគណៈមេធាវីនៃព្រះរាជាណាចក្រកម្ពុជានោះឡើយ។
គណៈមេធាវី ក៏ព្រមានចាត់វិធានការគ្រប់មធ្យោបាយតាមនីតិវិធីច្បាប់ ជុំវិញការប្រើប្រាស់ មុខងារ តួនាទី និងឋានៈ ជាមេធាវី ដែលធ្វើឲ្យសាធារណជនភ័ន្តច្រឡំ ហើយបណ្តាលឲ្យប៉ះពាល់កិត្តិយសមេធាវី និងស្ថាប័នគណៈមេធាវី៕
Tag:
ហ៊ាង ឫទ្ធី
គណៈមេធាវី
© រក្សាសិទ្ធិដោយ thmeythmey.com