ជាតិ
សិល្បះ
×![]()
ប្រជាពលរដ្ឋ អាចទៅគោរពវិញ្ញាណក្ខន្ធព្រឹទ្ធភិរម្យ ប្រាជ្ញ ឈួន នៅវត្តបទុមវត្តី ស្ថិតក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ ពីថ្ងៃនេះ រហូតដល់ថ្ងៃទី១៩ ខែវិច្ឆិកា ឆ្នាំ២០១៨។ ក្រុមគ្រួសារ បានប្រាប់ថា សពរបស់អ្នកប្រាជ្ញចាប៉ីដងវែងរូបនេះ នឹងត្រូវបូជានៅថ្ងៃទី១៩ ខែវិច្ឆិកា ក្នុងវត្តបទុមវត្តីតែម្តង។
មកដល់ពេលនេះ នៅកន្លែងរៀបចំពិធីបុណ្យ គេ ឃើញមានតែក្រុមគ្រួសារនិងសាច់ញាតិប៉ុណ្ណោះ ឯប្រជាពលរដ្ឋទូទៅ មន្រ្តីរាជការ និងសិល្បករផ្សេងៗ គេពុំទាន់ឃើញនៅឡើយទេ។ នេះបើតាមការសង្កេតរបស់អ្នកសារព័ត៌មានថ្មីៗ ដែលកំពុងស្ថិតនៅទីនោះផ្ទាល់។
មកដល់ពេលនេះ នៅកន្លែងរៀបចំពិធីបុណ្យ គេ ឃើញមានតែក្រុមគ្រួសារនិងសាច់ញាតិប៉ុណ្ណោះ ឯប្រជាពលរដ្ឋទូទៅ មន្រ្តីរាជការ និងសិល្បករផ្សេងៗ គេពុំទាន់ឃើញនៅឡើយទេ។ នេះបើតាមការសង្កេតរបស់អ្នកសារព័ត៌មានថ្មីៗ ដែលកំពុងស្ថិតនៅទីនោះផ្ទាល់។
ព្រឹទ្ធភិរម្យ ប្រាជ្ញ ឈួន បានទទួលមរណភាពក្នុងវ័យ៨២ឆ្នាំ ដោយរោគាពាធ កាលពីវេលាម៉ោង១:៣០នាទី ឈានចូលថ្ងៃទី១៧ ខែវិច្ឆិកានេះ។ លោក មានស្ថានភាពជំងឺរ៉ាំរ៉ៃ ដូចជាលើសឈាម តម្រង់នោម បេះដូង និងសួត ជាង១០ឆ្នាំហើយ។
សិល្បករចាប៉ីដងវែងកំពូលរូបនេះ មានលំនៅដ្ឋានអចិន្ត្រៃយ៍ នៅភូមិត្រពាំងកក់ ឃុំខ្វាវ ស្រុកទ្រាំង ខេត្តតាកែវ។ លោក បានចាប់អាជីពជាអ្នកចាប៉ី ជាង៧០ឆ្នាំមកហើយ។
កាលពីថ្ងៃទី៥ ខែវិច្ឆិកា ស្ថានភាពជំងឺរបស់លោក ធ្វើទុក្ខខ្លាំង ដែលជំរុញឲ្យគ្រួសារ សម្រេចចិត្តបញ្ជូនលោក ទៅព្យាបាលនៅមន្ទីរពេទ្យបង្អែកខេត្តតាកែវ មុននឹងបញ្ជូនបន្តទៅមន្ទីរពេទ្យកាល់ម៉ែត្រ កាលពីថ្ងៃទី៨ ខែវិច្ឆិកា៕
Tag:
ប្រាជ្ញ ឈួន
© រក្សាសិទ្ធិដោយ thmeythmey.com
