ថវិកា៥,០០០ដុល្លារ បានពីព្រឹត្តិការណ៍រត់ពាក់កណ្តាលម៉ារ៉ាតុន និងប្រណាំងកង់លើភ្នំបូកគោ បានប្រគល់ជូនមន្ទីរពេទ្យគន្ធបុប្ផា

អត្ថបទពាណិជ្ជកម្ម

ថវិកា៥,០០០ដុល្លារ បានពីព្រឹត្តិការណ៍រត់ពាក់កណ្តាលម៉ារ៉ាតុន និងប្រណាំងកង់លើភ្នំបូកគោ បានប្រគល់ជូនមន្ទីរពេទ្យគន្ធបុប្ផា

17, Nov 2018 , 1:59 pm

រូបភាព

ដោយ: ជី ដាណា

ព្រឹត្តិការណ៍រត់ប្រណាំងអន្តរជាតិពាក់កណ្តាលម៉ារ៉ាតុន និងប្រណាំងកង់លើភ្នំបូកគោ គឺជាព្រឹត្តិការណ៍កីឡាសប្បុរសធម៌ធំជាងគេ នៅក្នុងខេត្តកំពត រៀបចំឡើងដោយសណ្ឋាគារឋានសួគ៌ សុខា ក្រោមការអនុញ្ញាតពីអ្នកឧកញ៉ា សុខ គង់ ប្រធានក្រុមហ៊ុនសុខា អូតែល និងគាំទ្រពីគណៈកម្មាធិការជាតិអូឡាំពិកកម្ពុជា (NOCC)។ ព្រឹត្តិការណ៍នេះ ដឹកនាំដោយលោកស្រី សុខ ចន្ធី និងប្រតិបត្តិដោយលោក កែវ សិទ្ធិ ក្នុងគោលបំណងដើម្បីសុខភាព ភាពសប្បាយរីករាយ និងជួយដល់សង្គម ក្នុងកិច្ចការសប្បុរសធម៌ ជាមួយនឹងការរៃអង្គាសថវិកា ពីអ្នកចុះឈ្មោះរត់ប្រណាំងម៉ារ៉ាតុន និងប្រណាំងកង់ ជូនដល់មន្ទីរពេទ្យគន្ធបុប្ផាដែលជាក្តីសង្ឃឹមរបស់កុមារកម្ពុជា។

ព្រឹត្តិការណ៍រត់ប្រណាំងអន្តរជាតិពាក់កណ្តាលម៉ារ៉ាតុន និងប្រណាំងកង់លើកទី៥ លើភ្នំបូកគោ ត្រូវបានប្រារព្ធឡើង កាលពីថ្ងៃទី២៨ និងទី២៩ ខែតុលាកន្លងទៅ រៃអង្គាសបានថវិកាសប្បុរសធម៌សរុបចំនួន ៥,០០០ដុល្លារអាមេរិក ជូនដល់មន្ទីរពេទ្យគន្ធបុប្ផា។ ក្នុងរយៈពេល ៥ឆ្នាំមកនេះ ព្រឹត្តិការណ៍រត់ប្រណាំងអន្តរជាតិពាក់កណ្តាលម៉ារ៉ាតុន និងប្រណាំងកង់លើភ្នំបូកគោ បានជួយរៃអង្គាសថរិកាសប្បុរសធម៌ ជូនដល់មន្ទីរពេទ្យគន្ធបុប្ផា សរុបចំនួន ២២,៧០០ ដុល្លារអាមេរិក។

សណ្ឋាគារឋានសួគ៌ សុខា ក៏សូមថ្លែងអំណរគុណយ៉ាងជ្រាលជ្រៅបំផុត ដល់គណៈកម្មាធិការជាតិអូឡាំពិកកម្ពុជា អ្នកឧបត្ថម្ភកម្មវិធី និងអ្នកចូលរួមទាំងអស់ ដែលបានចំណាយពេលវេលាដ៏មានតម្លៃ ក្នុងការចូលរួម។ សណ្ឋាគារ ក៏សង្ឃឹមថានៅឆ្នាំក្រោយ អ្នកចូលរួមនឹងមានចំនួនកើនឡើងជាលំដាប់ ដើម្បីចូលរួមជួយដល់មន្ទីរពេទ្យគន្ធបុប្ផា ជាពិសេសជួយដល់កុមារកម្ពុជា។

ព្រឹត្តិការណ៍សប្បុរសធម៌នេះ គឺជាព្រឹត្តិការណ៍ប្រចាំឆ្នាំដែលបើកទូលាយសម្រាប់អ្នកចូលរួមទាំងជនជាតិខ្មែរ និងបរទេស ជាមួយនឹងការប្រគំតន្ត្រីខ្នាតធំ ដោយមានការសម្តែងពីតារាល្បីៗ ស្តង់អាហារ និងភេសជ្ជៈដ៏ច្រើនសម្បូរបែប និងល្បែងកម្សាន្តជាច្រើនផងដែរ៕