ជាតិ
បុណ្យអុំទូក
ទូក«ង»វែងជាងគេនៅលើពិភពលោក នឹងតាំងបង្ហាញនៅភ្នំពេញ ចាប់ពីថ្ងៃទី២៤-៣០វិច្ឆិកា
រូបភាពបានពីផេកហ្វេសប៊ុក លោក ស សុខា ប្រធាន គណៈកម្មការផលិតទូកង ដើម្បីបំបែកឯគទគ្គកម្មពិភពលោក
×![]()
ភ្នំពេញ៖ ទូក «ង»កម្ពុជា ឈ្មោះ «កម្ពោជិកបុត្ដាខេមរាតរី» ដែលបានបំបែកកំណត់ត្រាឯតទគ្គកម្មពិភពលោក នឹងត្រូវយកមកតាំងបង្ហាញជាសាធារណៈ នៅទល់មុខខាងកើតវាលព្រះមេរុហ៍ រាជធានីភ្នំពេញ ចាប់ពីថ្ងៃទី២៤-៣០វិច្ឆិកា ដើម្បីឲ្យសាធារណជនជាតិ-អន្ដរជាតិ បានចូលរួមទស្សនា។ នេះបើតាមសេចក្ដីជូនដំណឹងរបស់ គណៈកម្មការផលិតទូក «ង» ដើម្បីបំបែកឯតទគ្គកម្មពិភពលោក នៅថ្ងៃទី១៧វិច្ឆិកា ឆ្នាំ២០១៨។
សូមបញ្ជាក់ថា ទូក «ង»នេះ ត្រូវបានជាប់ឯតទគ្គកម្មពិភពលោក World Guinness Record ជាផ្លូវការ កាលថ្ងៃទី១២វិច្ឆិកា ឆ្នាំ២០១៨ ដោយមានការចូលរួមពីលោក Pravin Patel អ្នកវិច្ឆ័យ World Guinness Record ដែលប្រារព្ធធ្វើនៅតំបន់អ្នកលឿងត្រើយខាងកើត ក្រោមអធិបតីភាព សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ។
ទូក«ង»នេះ មានប្រវែង៨៧.៣ម៉ែត្រ ទទឹង១.៩៤ម៉ែត្រ និងជម្រៅ០.៨ម៉ែត្រ ត្រូវរចនាឡើងដោយមានក្បាលទូក ជានាគ និងកន្ទុយហង្ស ប្រកបដោយក្បូរក្បាច់រចនាល្អប្រណិត ដែលផ្ទុកចំណុះបាន ១៧៩នាក់ និងចំណាយថវិកាប្រមាណ៥ម៉ឺនដុលា្លរ៕
Tag:
ទូក
ឯតទគ្គកម្ម
© រក្សាសិទ្ធិដោយ thmeythmey.com
