ជាតិ
២៥ខេត្ត/រាជធានី
អ្នកជំនាញ បារម្ភពីការបន្លំម៉ាកកាហ្វេមណ្ឌលគីរី ខណៈកម្ពុជានាំចូលកាហ្វេ១ម៉ឺនតោនក្នុងមួយឆ្នាំ ពីវៀតណាម និងឡាវ
×![]()
ភ្នំពេញ៖ អ្នកជំនាញ កំពុងមានការព្រួយបារម្ភពីបញ្ហាបន្លំម៉ាកកាហ្វេប៊ូស្រា នៅខេត្តមណ្ឌលគីរី ។ ការបារម្ភនេះ ធ្វើឡើងស្របពេលកម្ពុជា កំពុងមានតម្រូវការកាហ្វេ១ម៉ឺនតោនក្នុងមួយឆ្នាំ ដែលភាគច្រើននាំចូលពីវៀតណាម និងឡាវ។
កាហ្វេនៅមណ្ឌលគីរី ទើបតែមានសន្ទុះងើបឡើងវិញ នៅរយៈពេល៣ឆ្នាំចុងក្រោយនេះប៉ុណ្ណោះ បន្ទាប់ពីទិន្នផលកាហ្វេនេះ បានដួលរលំ ឬអាចនិយាយបានថា ម្ចាស់ចំការកសិកម្មកាហ្វេមួយចំនួនក្ស័យធន កាលពីឆ្នាំ២០០១ ដោយសារគ្មានតម្លៃទីផ្សារសមរម្យ។ ប៉ុន្តែពាក្យថា «កាហ្វេមណ្ឌលគីរី» ត្រូវបានមជ្ឈដ្ឋានទូទៅ ជាពិសេសអ្នកនិយមពិសារកាហ្វេ និយាយតៗគ្នារហូតមក ពីគុណភាពម៉ាកកាហ្វេមួយនេះ នៅតាមហាងកាហ្វេនានាកន្លងមក។
ត្រង់ចំណុចនេះ លោក យ៉ង សាំងកុមារ អ្នកជំនាញកសិកម្ម និងជាស្ថាបនិកអង្គការសេដាក បាននិយាយថា កាហ្វេមណ្ឌលគីរី ដែលចរាចរណ៍ក្នុងទីផ្សារកន្លងមក អាចគ្រាន់តែពាក្យនិយាយតៗគ្នា ឬកើតចេញពីការបន្លំម៉ាកប៉ុណ្ណោះ ខណៈដែលកម្ពុជានាំចូលកាហ្វេពីក្រៅប្រទេស១ម៉ឺនតោនក្នុងមួយឆ្នាំ។ ក្នុងនោះកម្ពុជា នាំកាហ្វេពីឡាវ ៩០០តោន ,ថៃ ខណៈវៀតណាមច្រើនជាងគេ។ នេះបើតាមព័ត៌មានក្រៅផ្លូវការ ដែលលោក យ៉ង សាំងកុមារ ទទួលបាន។
ថ្លែងក្នុងដំណើរទស្សនកិច្ចជាមួយអ្នកកាសែត នៅចំការកាហ្វេសរីរាង្គ របស់ជនជាតិដើមភាគតិច នៅខេត្តមណ្ឌលគីរី កាលពីថ្ងៃទី១៦-១៨ វិច្ឆិកា អ្នកជំនាញកសិកម្មរូបនេះ បានបញ្ជាក់ដូច្នេះថា៖«ខ្ញុំចាប់ផ្ដើមធ្វើការងារ(កាហ្វេសរីរាង្គ)នេះ ដោយសារខ្ញុំចេះតែឆ្ងល់ថា ម្នាក់ៗនិយាយកាហ្វេមណ្ឌលគីរី ប៉ុន្មានឆ្នាំមុន ប៉ុន្តែបើតាមរបាយការណ៍ ទើប(ងើបឡើងវិញ) ១ឆ្នាំ ទៅ២ឆ្នាំហ្នឹង។ ប៉ុន្តែឥឡូវវាកន្លងផុតហើយ ហើយទៅមុខយើងធ្វើយ៉ាងកុំឲ្យកើតឡើងអ៊ីចឹង»។
ដោយសារបញ្ហានេះហើយ ទើបអ្នកជំនាញ ដែលខិតខំជំរុញឲ្យកាហ្វេនៅខេត្តមណ្ឌលគីរី ងើបឡើងវិញនេះ ព្រួយបារម្ភពីការបន្លំកាហ្វេខ្លួន។ លោក យស ចាន់ថា ប្រធានក្រុមហ៊ុនទីម័រកាហ្វេដែលធ្វើការជាមួយជនជាតិដើមភាគតិចនោះ ធ្លាប់ឭ និងឃើញហាងមួយចំនួន ប្រាប់អតិថិជនថា កាហ្វេដែលពួកគេយកទៅលក់នេះ គឺផលិតផលកាហ្វេប៊ូស្រា ខេត្តមណ្ឌលគីរី ប៉ុន្តែធាតុពិតនោះ កាហ្វេដែលពួកគេលក់នេះ មិនមែនទិញពីមណ្ឌលគីរីទៅលក់ឡើយ។ ដើម្បីទប់ស្កាត់បញ្ហានេះ លោក យស ចាន់ថា គ្រោងយកបញ្ហាបន្លំម៉ាកកាហ្វេនេះ ទៅពិភាក្សាជាមួយមន្ទីកសិកម្ម រុក្ខាប្រមាញ់ និងនេសាទ ខេត្តមណ្ឌលគីរីផងដែរ។
ប្រធានក្រុមហ៊ុនទីម័រកាហ្វេ ដែលគាំទ្រលើផលិតផលកាហ្វេសរីរាង្គរបស់ជនជាតិដើមភាគតិច នៅខេត្តមណ្ឌលគីរីរូបនេះ បានបញ្ជាក់ដូច្នេះថា៖«ខ្ញុំចង់សំណូមពរថា បើសិនជាពួកគាត់មិនបានយកផលិតផល(កាហ្វេ)របស់ប៊ូស្រា ឬក៏អ្វីដែលជាធម្មជាតិរបស់ជនជាតិដើមទេ សូមកុំប្រើឈ្មោះទាំងហ្នឹង ព្រោះវានាំឲ្យប៉ះពាល់ដល់អ្វីដែលពួកខ្ញុំកំពុងតែធ្វើ»។
បច្ចុប្បន្ននេះ ក្រុមហ៊ុនទីម័រកាហ្វេ ដែលសហការជាមួយពលរដ្ឋជនជាតិដើមភាគតិច ចំនួន៤០គ្រួសារ ហើយមានផ្ទៃដីដាំដុះកាហ្វេចំនួន១១៨ហិកតា ដោយក្នុងនោះផ្ទៃដីដែលបង្កើនផលបាន៤៨ហិកតា។ ប៉ុន្តែផ្ទៃដី៤៨ហិកតា គឺអាចប្រមូលផលបានតែ២០ហិកតាប៉ុណ្ណោះ ដោយអាចផ្តល់ទិន្នផលកាហ្វេពី២២តោន ទៅ២៥តោន សម្រាប់ផ្គត់ផ្គង់ទីផ្សារក្នុងស្រុក និងក្រៅស្រុក ។ សម្រាប់ទីផ្សារក្រៅស្រុក ក្រុមហ៊ុនទីម័រកាហ្វេត្រូវផ្គត់ផ្គង់ទៅប្រទេសជប៉ុន១២តោន កូរ៉េ១០តោន និងតៃវ៉ានជាដើម។ នេះបើតាមលោក យស ចាន់ថា។
សម្រាប់ផ្ទៃដីដាំកាហ្វេទូទាំងខេត្តមណ្ឌលគីរីបច្ចុប្បន្ន មានផ្ទៃដីសរុប២៨៦ហិកតា ដោយមិនទាន់បូកបញ្ចូលផ្ទៃដី នៅទីតាំងមួយចំនួនទៀត។ តួលេខនេះ បង្ហាញថា ផ្ទៃដីដាំកាហ្វេកើនឡើង២១១ហិកតា ក្នុងឆ្នាំ២០១៨។ ក្នុងនោះផ្ទៃដីដាំកាហ្វេរបស់ក្រុមហ៊ុន មានចំនួន១៣២ហិកតា ក្រៅពីនេះគឺជាផ្ទៃដីរបស់ប្រជាពលរដ្ឋដាំដុះជាលក្ខណៈគ្រួសារ។ នេះបើតាមលោក សេង សៅ អនុប្រធានការិយាល័យសេដ្ឋសាស្ត្រ ខេត្តមណ្ឌលគីរី។
អង្គការសេដាក រំពឹងថា កម្ពុជានឹងផលិតកាហ្វេសរីរាង្គដោយខ្លួនឯងបានកាន់តែច្រើន និងអាចផ្គត់ផ្គង់ទីផ្សារក្នុងស្រុកបានគ្រប់គ្រាន់ កាត់បន្ថយការនាំចូលកាហ្វេបានកាន់តែច្រើន នៅរយៈពេល៥ឆ្នាំទៀត។
បច្ចុប្បន្នកាហ្វេសរីរាង្គនៅខេត្តមណ្ឌលគីរី មានលក់ជាបណ្ដើរៗហើយនៅទីផ្សារនានា នៅក្នុងរាជធានីភ្នំពេញ ដូចជា ផ្សារកសិផលសរីរាង្គសេដាក (ផ្សារអូក្រា) ហាងកាហ្វេ F Cafe (អេហ្វកាហ្វេ) ហាងរ៉ូប៊ូស្ដាប៊ូស្រាកាហ្វេ ហាងប៊ីងហ្គោកាហ្វេ ៕
ដើម្បីទទួលបានព័ត៌មានទាក់ទងនឹងវិស័យកសិកម្ម, ផលិតផលអត្តសញ្ញាណ, ជំនួញខ្នាតតូច និងមធ្យម, បរិស្ថាន និងទេសចរណ៍ សូមចុច Download App «ថ្មីៗ២៥ រាជធានី-ខេត្ត» សម្រាប់ប្រព័ន្ធ iOS: https://apple.co/2ub9pdj និង Android: http://bit.ly/2KSe1MB ។ ការផ្សព្វផ្សាយព័ត៌មានទាំងនេះ ក៏មាននៅលើទំព័រហ្វេសប៊ុក Thmey Thmey 25 និង YouTube Channel: https://goo.gl/D6xQBv ៕
កាហ្វេនៅមណ្ឌលគីរី ទើបតែមានសន្ទុះងើបឡើងវិញ នៅរយៈពេល៣ឆ្នាំចុងក្រោយនេះប៉ុណ្ណោះ បន្ទាប់ពីទិន្នផលកាហ្វេនេះ បានដួលរលំ ឬអាចនិយាយបានថា ម្ចាស់ចំការកសិកម្មកាហ្វេមួយចំនួនក្ស័យធន កាលពីឆ្នាំ២០០១ ដោយសារគ្មានតម្លៃទីផ្សារសមរម្យ។ ប៉ុន្តែពាក្យថា «កាហ្វេមណ្ឌលគីរី» ត្រូវបានមជ្ឈដ្ឋានទូទៅ ជាពិសេសអ្នកនិយមពិសារកាហ្វេ និយាយតៗគ្នារហូតមក ពីគុណភាពម៉ាកកាហ្វេមួយនេះ នៅតាមហាងកាហ្វេនានាកន្លងមក។
ត្រង់ចំណុចនេះ លោក យ៉ង សាំងកុមារ អ្នកជំនាញកសិកម្ម និងជាស្ថាបនិកអង្គការសេដាក បាននិយាយថា កាហ្វេមណ្ឌលគីរី ដែលចរាចរណ៍ក្នុងទីផ្សារកន្លងមក អាចគ្រាន់តែពាក្យនិយាយតៗគ្នា ឬកើតចេញពីការបន្លំម៉ាកប៉ុណ្ណោះ ខណៈដែលកម្ពុជានាំចូលកាហ្វេពីក្រៅប្រទេស១ម៉ឺនតោនក្នុងមួយឆ្នាំ។ ក្នុងនោះកម្ពុជា នាំកាហ្វេពីឡាវ ៩០០តោន ,ថៃ ខណៈវៀតណាមច្រើនជាងគេ។ នេះបើតាមព័ត៌មានក្រៅផ្លូវការ ដែលលោក យ៉ង សាំងកុមារ ទទួលបាន។
ថ្លែងក្នុងដំណើរទស្សនកិច្ចជាមួយអ្នកកាសែត នៅចំការកាហ្វេសរីរាង្គ របស់ជនជាតិដើមភាគតិច នៅខេត្តមណ្ឌលគីរី កាលពីថ្ងៃទី១៦-១៨ វិច្ឆិកា អ្នកជំនាញកសិកម្មរូបនេះ បានបញ្ជាក់ដូច្នេះថា៖«ខ្ញុំចាប់ផ្ដើមធ្វើការងារ(កាហ្វេសរីរាង្គ)នេះ ដោយសារខ្ញុំចេះតែឆ្ងល់ថា ម្នាក់ៗនិយាយកាហ្វេមណ្ឌលគីរី ប៉ុន្មានឆ្នាំមុន ប៉ុន្តែបើតាមរបាយការណ៍ ទើប(ងើបឡើងវិញ) ១ឆ្នាំ ទៅ២ឆ្នាំហ្នឹង។ ប៉ុន្តែឥឡូវវាកន្លងផុតហើយ ហើយទៅមុខយើងធ្វើយ៉ាងកុំឲ្យកើតឡើងអ៊ីចឹង»។
ដោយសារបញ្ហានេះហើយ ទើបអ្នកជំនាញ ដែលខិតខំជំរុញឲ្យកាហ្វេនៅខេត្តមណ្ឌលគីរី ងើបឡើងវិញនេះ ព្រួយបារម្ភពីការបន្លំកាហ្វេខ្លួន។ លោក យស ចាន់ថា ប្រធានក្រុមហ៊ុនទីម័រកាហ្វេដែលធ្វើការជាមួយជនជាតិដើមភាគតិចនោះ ធ្លាប់ឭ និងឃើញហាងមួយចំនួន ប្រាប់អតិថិជនថា កាហ្វេដែលពួកគេយកទៅលក់នេះ គឺផលិតផលកាហ្វេប៊ូស្រា ខេត្តមណ្ឌលគីរី ប៉ុន្តែធាតុពិតនោះ កាហ្វេដែលពួកគេលក់នេះ មិនមែនទិញពីមណ្ឌលគីរីទៅលក់ឡើយ។ ដើម្បីទប់ស្កាត់បញ្ហានេះ លោក យស ចាន់ថា គ្រោងយកបញ្ហាបន្លំម៉ាកកាហ្វេនេះ ទៅពិភាក្សាជាមួយមន្ទីកសិកម្ម រុក្ខាប្រមាញ់ និងនេសាទ ខេត្តមណ្ឌលគីរីផងដែរ។
ប្រធានក្រុមហ៊ុនទីម័រកាហ្វេ ដែលគាំទ្រលើផលិតផលកាហ្វេសរីរាង្គរបស់ជនជាតិដើមភាគតិច នៅខេត្តមណ្ឌលគីរីរូបនេះ បានបញ្ជាក់ដូច្នេះថា៖«ខ្ញុំចង់សំណូមពរថា បើសិនជាពួកគាត់មិនបានយកផលិតផល(កាហ្វេ)របស់ប៊ូស្រា ឬក៏អ្វីដែលជាធម្មជាតិរបស់ជនជាតិដើមទេ សូមកុំប្រើឈ្មោះទាំងហ្នឹង ព្រោះវានាំឲ្យប៉ះពាល់ដល់អ្វីដែលពួកខ្ញុំកំពុងតែធ្វើ»។
បច្ចុប្បន្ននេះ ក្រុមហ៊ុនទីម័រកាហ្វេ ដែលសហការជាមួយពលរដ្ឋជនជាតិដើមភាគតិច ចំនួន៤០គ្រួសារ ហើយមានផ្ទៃដីដាំដុះកាហ្វេចំនួន១១៨ហិកតា ដោយក្នុងនោះផ្ទៃដីដែលបង្កើនផលបាន៤៨ហិកតា។ ប៉ុន្តែផ្ទៃដី៤៨ហិកតា គឺអាចប្រមូលផលបានតែ២០ហិកតាប៉ុណ្ណោះ ដោយអាចផ្តល់ទិន្នផលកាហ្វេពី២២តោន ទៅ២៥តោន សម្រាប់ផ្គត់ផ្គង់ទីផ្សារក្នុងស្រុក និងក្រៅស្រុក ។ សម្រាប់ទីផ្សារក្រៅស្រុក ក្រុមហ៊ុនទីម័រកាហ្វេត្រូវផ្គត់ផ្គង់ទៅប្រទេសជប៉ុន១២តោន កូរ៉េ១០តោន និងតៃវ៉ានជាដើម។ នេះបើតាមលោក យស ចាន់ថា។
សម្រាប់ផ្ទៃដីដាំកាហ្វេទូទាំងខេត្តមណ្ឌលគីរីបច្ចុប្បន្ន មានផ្ទៃដីសរុប២៨៦ហិកតា ដោយមិនទាន់បូកបញ្ចូលផ្ទៃដី នៅទីតាំងមួយចំនួនទៀត។ តួលេខនេះ បង្ហាញថា ផ្ទៃដីដាំកាហ្វេកើនឡើង២១១ហិកតា ក្នុងឆ្នាំ២០១៨។ ក្នុងនោះផ្ទៃដីដាំកាហ្វេរបស់ក្រុមហ៊ុន មានចំនួន១៣២ហិកតា ក្រៅពីនេះគឺជាផ្ទៃដីរបស់ប្រជាពលរដ្ឋដាំដុះជាលក្ខណៈគ្រួសារ។ នេះបើតាមលោក សេង សៅ អនុប្រធានការិយាល័យសេដ្ឋសាស្ត្រ ខេត្តមណ្ឌលគីរី។
អង្គការសេដាក រំពឹងថា កម្ពុជានឹងផលិតកាហ្វេសរីរាង្គដោយខ្លួនឯងបានកាន់តែច្រើន និងអាចផ្គត់ផ្គង់ទីផ្សារក្នុងស្រុកបានគ្រប់គ្រាន់ កាត់បន្ថយការនាំចូលកាហ្វេបានកាន់តែច្រើន នៅរយៈពេល៥ឆ្នាំទៀត។
បច្ចុប្បន្នកាហ្វេសរីរាង្គនៅខេត្តមណ្ឌលគីរី មានលក់ជាបណ្ដើរៗហើយនៅទីផ្សារនានា នៅក្នុងរាជធានីភ្នំពេញ ដូចជា ផ្សារកសិផលសរីរាង្គសេដាក (ផ្សារអូក្រា) ហាងកាហ្វេ F Cafe (អេហ្វកាហ្វេ) ហាងរ៉ូប៊ូស្ដាប៊ូស្រាកាហ្វេ ហាងប៊ីងហ្គោកាហ្វេ ៕
អត្ថបទទាក់ទង
ដើម្បីទទួលបានព័ត៌មានទាក់ទងនឹងវិស័យកសិកម្ម, ផលិតផលអត្តសញ្ញាណ, ជំនួញខ្នាតតូច និងមធ្យម, បរិស្ថាន និងទេសចរណ៍ សូមចុច Download App «ថ្មីៗ២៥ រាជធានី-ខេត្ត» សម្រាប់ប្រព័ន្ធ iOS: https://apple.co/2ub9pdj និង Android: http://bit.ly/2KSe1MB ។ ការផ្សព្វផ្សាយព័ត៌មានទាំងនេះ ក៏មាននៅលើទំព័រហ្វេសប៊ុក Thmey Thmey 25 និង YouTube Channel: https://goo.gl/D6xQBv ៕
Tag:
យស ចាន់ថា
មណ្ឌលគីរី
© រក្សាសិទ្ធិដោយ thmeythmey.com
