រដ្ឋជាកល្យាណមិត្តតៃវ៉ាន់ចំនួន ១៧ ដែលមិនព្រមចុះញ៉មនឹង«នយោបាយការទូតដុល្លារ» របស់ចិន

អន្តរជាតិ

រដ្ឋជាកល្យាណមិត្តតៃវ៉ាន់ចំនួន ១៧ ដែលមិនព្រមចុះញ៉មនឹង«នយោបាយការទូតដុល្លារ» របស់ចិន

25, Nov 2018 , 4:59 pm

រូបភាព

ដោយ:

របត់នយោបាយការបរទេស ពិសេសនោះ ការងើបឡើង នៃឥទ្ធិពលរបស់ចិនក្នុងតួនាទីជាសណ្តាប់ធ្នាប់ពិភពលោកថ្មី បានធ្វើឲ្យសម្ព័ន្ធមិត្តរបស់តៃវ៉ាន់មួយចំនួន បានផ្លាស់ប្តូរចិត្ត។ ការផ្លាស់ប្តូរនោះគឺ ប្រទេស ដែលធ្លាប់មានទំនាក់ទំនងការទូតជាមួយនឹងតៃវ៉ាន់រាប់ទសវត្សរ៍ហើយនោះ បែរជាទៅរួមរស់គោលនយោបាយការទូតថ្មីជាមួយនឹងចិនទៅវិញ។ ក៏ប៉ុន្តែការទូតតៃវ៉ាន់ ក៏មិនឯកាឡើយ។

គ្រាន់តែនៅឆ្នាំ២០១៨នេះ តៃវ៉ាន់ បានបាត់សម្ព័ន្ធមិត្តរបស់ខ្លួនរហូតដល់បីប្រទេសជាបន្តបន្ទាប់ ដែលមានដូចជា សាធារណរដ្ឋដូមីនិក បូគីណាហ្វាសូ និងអែលសាល់វ៉ាឌ័រ។ ការបាត់បង់នេះ ធ្វើឲ្យការទូតតៃវ៉ាន់ ដែលចិន តែងតែប្រកាសក្តែងៗថា ជាដែនកោះមួយរបស់ខ្លួននោះ កាន់តែខ្សត់ខ្សោយទំនាក់ទំនងការទូតផ្លូវការជាមួយនឹងប្រទេសខាងក្រៅ និងសហគមន៍អន្តរជាតិ។

ជុំវិញការចាកចេញនេះផងដែរ ត្រូវបានមេដឹកនាំ នៃអតីតសម្ព័ន្ធមិត្តតៃវ៉ាន់ លើកឡើងស្រដៀងៗគ្នាថា ដើម្បីផលប្រយោជន៍ នៃការអភិវឌ្ឍសេដ្ឋកិច្ចប្រទេសរបស់ពួកគេ ដ្បិតចិន គឺជាមហាអំណាចសេដ្ឋកិច្ចពិភពលោកទី២ ជាសណ្តាប់ធ្នាប់ពិភពលោកថ្មី ហើយការទទួលស្គាល់គោលនយោបាយចិនតែមួយ ក៏ជាទំនោរអន្តរជាតិផងដែរ។

យ៉ាងណាក៏ដោយ តៃវ៉ាន់ ក៏នៅតែមានដៃគូស្មោះស្ម័គ្រ ពោលគឺដៃគូ ដែលមិនបោះបង់តៃវ៉ាន់ តាមរយៈអំណាចការទូតទឹកប្រាក់របស់ចិន។ មកទល់ពេលនេះ តៃវ៉ាន់ មានសម្ព័ន្ធមិត្តចំនួន ១៧រដ្ឋក្នុងតំបន់អាស៊ីខាងកើត និងប៉ាស៊ីហ្វិក តំបន់អាហ្វ្រិក និងតំបន់អាមេរិកឡាទីននិងខារ៉ាប៊ីន។ ខាងក្រោមនេះ គឺជាប្រទេសដែលនៅតែមានទំនាក់ទំនងការទូតផ្លូវការជាមួយនឹងតៃវ៉ាន់ ពោលគឺប្រទេសដែលទទួល ស្គាល់តៃវ៉ាន់ជាប្រទេសមួយក្នុងឆាកអន្តរជាតិ៖

+ ប៉ាស៊ីហ្វិក

១. គីរីបាទី

២. កោះសាធារណរដ្ឋម៉ាហ្សា

៣. ណូរូ

៤. សាធារណរដ្ឋប៉ាឡោ

៥. កោះសូឡូមុន

៦. ទូវ៉ាលូ

+ អាហ្វ្រិក

៧. អ៊ីស្វាទីនី ( ឈ្មោះចាស់ស្វាស៊ីឡង់)

+ អឺរ៉ុប

៨. Holy See

+ អាមេរិកឡាទីន និងខារ៉ាប៊ីន