សេដ្ឋកិច្ច
អត្ថបទពាណិជ្ជកម្ម
អន្តរជាតិ
ធនាគារ BRED Bank Cambodia ឧបត្ថម្ភកម្មវិធីគំនូរសិល្បៈលើជញ្ជាំងស្តីពីទីក្រុងភ្នំពេញ
× ភ្នំពេញ៖ BRED Bank Cambodia ដែលជាធនាគារអឺរ៉ុបតែមួយគត់ និងជាធនាគារអន្តរជាតិដ៏ធំជាងគេ នៅព្រះរាជាណាចក្រកម្ពុជា និងដែលបានបើកប្រតិបត្តិការក្នុងប្រទេសកម្ពុជា ជិត២ឆ្នាំកន្លងមកនេះ មិនត្រឹមតែផ្តោតលើសកម្មភាពធនាគាររបស់ខ្លួនមួយមុខប៉ុណ្ណោះទេ។ តែក្រុមហ៊ុនស្តង់ដារអន្តរជាតិមួយនេះ បានចូលរួមគាំទ្រសកម្មភាពសង្គមជាច្រើន នៅក្នុងប្រទេសកម្ពុជា ក្នុងទិសដៅលើកស្ទួយសង្គម និងវប្បធម៌ខ្មែរ។ ជាក់ស្តែង ធនាគារ BRED Bank Cambodia បាន និងកំពុងជួយឧបត្ថម្ភកម្មវិធីគំនូរសិល្បៈលើជញ្ជាំង និងតាមដងផ្លូវនាទីក្រុងភ្នំពេញ(Cambodian Urban Art.)។
កម្មវិធីគំនូរសិល្បៈស្តីពីទីក្រុង(ភ្នំពេញ) ដែលចូលរួមដោយសិល្បករខ្មែរ និងបរទេសចំនួនប្រមាណ ១២នាក់ បាន និងកំពុងគូរគំនូរសិល្បៈលើជញ្ជាំង នៅតាមដងផ្លូវ ចំនួន១០ កន្លែងផ្សេងគ្នា នៅទីក្រុងភ្នំពេញ។ កម្មវិធីនេះបានរៀបចំឡើងពីថ្ងៃទី១០ ដល់ថ្ងៃទី១៦ ខែធ្នូ ឆ្នាំ២០១៨ ក្នុងគោលបំណងជំរុញឲ្យមានការបង្កើតថ្មី ឬផ្តល់ទស្សនវិស័យថ្មីស្តីពីទីក្រុងភ្នំពេញ ក៏ដូចជាពីប្រទេសកម្ពុជា។
នាឱកាសនេះដែរ គំនូរសិល្បៈខ្មែរឌីជីថលមួយត្រូវបានបង្កើតឡើង ដោយវិចិត្រករខ្មែរ សំ ដារ៉ូ សម្រាប់ធនាគារ Bred Bank Cambodia ហើយដែលកំពុងត្រូវបានចាក់បញ្ចាំង នៅលើផ្ទាំងកញ្ចក់ Billboard នៅកាច់ជ្រុងមហាវិថីព្រះសីហនុ និងផ្លូវត្រសក់ផ្អែម។
សូមបញ្ជាក់ថា មានវត្តមាននៅប្រទេសកម្ពុជា តិចជាង ២ឆ្នាំ ប៉ុណ្ណោះ BRED Bank Cambodia ទទួលបានអតិថិជនជាង ២០០០នាក់ ដោយផ្តល់ប្រាក់កម្ចីជាលក្ខណៈបុគ្គល និងជាលក្ខណៈជំនួញក្រុមហ៊ុនប្រមាណជាជាង ១១០លានដុល្លារអាមេរិក។ អតិថិជន ៨០ភាគរយ ជាអ្នកជំនួញជនជាតិខ្មែរ។
បច្ចុប្បន្ននេះ BRED Bank Cambodia មានសាខាសរុបចំនួនបួន។ បី នៅទីក្រុងភ្នំពេញ និងមួយទៀតនៅខេត្តសៀមរាប។ នាពេលឆាប់ៗខាងមុននេះ BRED Bank Cambodia នឹងគ្រោងបើកសាខាថ្មីពីរទៀត មួយនៅក្នុងខេត្តបាត់ដំបង នៅដើមឆ្នាំ ២០១៩ និងមួយនៅរង្វង់មូលចោមចៅ នៅមុនរដូវភ្លៀងខាងមុខនេះ។ ទិសដៅរបស់ BRED Bank Cambodia គឺពង្រីកសាខារបស់ខ្លួនឲ្យបានចំនួន ២០ សាខា និងដាក់ដំណើរការទូ ATM ចំនួន ១០០ នៅទូទាំងព្រះរាជាណាចក្រកម្ពុជា នៅត្រឹមឆ្នាំ២០២០។
សម្រាប់ BRED Bank Cambodia សកម្មភាពជំនួញបង្កើតប្រាក់ចំណេញ និងសកម្មភាពគាំទ្រសង្គម ត្រូវតែដើរទន្ទឹមគ្នា៕
(អត្ថបទពាណិជ្ជកម្ម)
Tag:
Bank
Home Loan
Car Loan
Personal Loan
Deposit Account
Saving Account
Bank for SME’s
Top bank in Cambodia
Loan for expats
Bank in Cambodia
Cambodia Loan
Interest rate
© រក្សាសិទ្ធិដោយ thmeythmey.com