-​ជាតិ​ជា​ស្ត្រី​ក្នុង​លោកា​ ​ ​ប្រាថ្នា​តែ​ប្តី​ណា​ល្អ​

​មិន​ចង់​ឡើយ​ប្តី​បោក​ឆ​ ​ ​បង្ក​ហិង្សា​ចិត្ត​កាយ​។​
 

-​ស្មោះ​ស្នេហ៍​មើលថែ​ពេញទី ​រកស៊ី​ទោះ​ជិត​ឬ​ឆ្ងាយ​

​មិន​ឲ្យ​ប្រពន្ធ​ខ្វល់ខ្វាយ​ ​ ​មុន​ចាយ​ចេះ​គិត​មុខក្រោយ​។
​

-​មិនចេះ​មើលងាយ​ប្រពន្ធ​ ​ ​ទ្រព្យធន​រកបាន​ផ្តល់​ឲ្យ​

​មិន​ចោល​នៅពេល​នាង​ខ្សោយ​ ​បណ្តោយ​ឲ្យ​នាង​ទឹកភ្នែក​។​
 

-​មិន​អួតអាង​កាង​កោងកាច​ ​ ​មិន​ខ្លាច​នឿយ​ហ៊ាន​ទួល​រែក​

​ដឹង​ខុស​ហ៊ាន​កែ​វែកញែក​ ​ ​ជជែក​រក​ផ្លូវ​ដោះស្រាយ​។​
 

-​មិន​ក្បែរ​មិន​សាក​គ្រឿងញៀន​ ​មិន​ឃ្លាន​អស់​ល្បែង​ទាំងឡាយ​

​មិន​ឆ្ងាញ់​នឹង​រឿង​អន្តរាយ ​ ​ទៅ​ឆ្ងាយ​មិន​ណាយ​ប្រពន្ធ​៕​ ​

​ ​