អត្ថបទពាណិជ្ជកម្ម
រថយន្ត Hyundai All-New Kona 2019 រូបរាងស្អាត និងលេចធ្លោមិនធម្មតា
× ក្រុមហ៊ុន All-New Kona បានចូលរួមជាមួយរថយន្តម៉ូឌែល Tucson និង Santa Fe ក្នុងការបង្កើតចំណែកទីផ្សាររបស់ Hyundai Motor ប្រភេទ SUVs ខណៈដែលក្រុមហ៊ុនមានគោលដៅបង្កើតជម្រើសកាន់តែជូនអតិថិជន។ រូបរាងក៏ក្លៀវក្លា និងលេចធ្លារបស់ Kona បង្ហាញអំពីគោលដៅរចនា នាពេលអនាគតនៃម៉ូឌែល SUV ជំនាន់ក្រោយ របស់ក្រុមហ៊ុន Hyundai Motor និងបង្កើតនូវរូបរាងដ៏ល្អតែមួយគត់ នៃរថយន្ត SUV ខ្នាតតូច។
សូមអញ្ចើញចូលរួមជាមួយពួកយើង ជាមួយនឹងព្រឹត្តិការណ៍លើកទី១ នៃកម្មវិធីដាក់បង្ហាញ All-New 2019 Kona នៅក្នុងប្រទេសកម្ពុជា។ រថយន្ត Suv ថ្មីរបស់យើង ត្រូវបានគេដាក់ឈ្មោះ យោងតាមតំបន់ឆ្នេរនៅរដ្ឋហាវ៉ៃ សហរដ្ឋអាមេរិក។ តំបន់ឆ្នេរ Kona គឺជាទិសដៅទេសចរណ៍ដ៏ល្បីល្បាញ សម្រាប់អ្នកដំណើរកម្សាន្តដែលស្វែងរកការរំភើប។ ជាមួយនឹង ម៉ូឌែលរថយន្ត Kona ក្រុមហ៊ន Hyundai បានបង្កើតរថយន្តដែលមានរូបរាងទំនើប ទាន់សម័យ និងមានមុខងារខ្ពស់យ៉ាងល្អឥតខ្ចោះ ទៅតាមតម្រូវការរបស់អតិថិជន ដែលមានជីវភាពរស់នៅមមាញឹក។
លោក Brian Ko អគ្គនាយកក្រុមហ៊ុន Hyundai Camko Motor បានមានប្រសាសន៍ថា៖«រថយន្ត Kona ឆ្នាំ 2019 ថ្មីទាំងស្រុង ហើយសាកសមល្អឥតខ្ចោះ សម្រាប់អតិថិជនដែលចង់ក្លាយជាម្ចាស់រថយន្តលើកដំបូង ក៏ដូចជាអតិថិជនដែលមានសុភវិនិច្ឆ័យវ័យក្មេង និងអ្នកដែលចង់ផ្លាស់ប្ដូររថយន្តជប៉ុន SUV មួយទឹក ដែលត្រូវការជួសជុលគុណភាព និងការធានារថយន្តម៉ាកថ្មី»។
All-New Kona បានចាប់ផ្ដើមបង្ហាញខ្លួននៅក្នុងប្រទេសកម្ពុជាដំបូង ជាមួយនឹង ម៉ូឌែលពិសេស Premium ដែលភ្ជាប់មកជាមួយកញ្ចប់តម្លៃដ៏ពិសេស ដែលមានលើសពីប្រភេទរថយន្ត Suv ខ្នាតតូចដទៃ។
Kona ប្រភេទរថយន្ត SUV ខ្នាតតូច ដែលមានរូបរាងលេចធ្លោ ប្លែក និងរចនាបថទាក់ទាញ។រចនាបថរូបរាងថ្មីទាំងស្រុងនេះ រួមបញ្ចូលគ្នាជាមួយនឹងភ្លើងបំភ្លឺ LED កាន់តែបង្កើននូវរូបរាងបែបបច្ចេកវិទ្យាខ្ពស់ទាន់សម័យ។ មិនត្រឹមតែរូបរាងថ្មី មានតែមួយគត់ប៉ុណ្ណោះទេ Kona មានការរួមបញ្ចូលគ្នាទាំងរចនាបថ និងសមត្ថភាពខ្ពស់ និងត្រូវបានរចនាឡើង ដើម្បីទាក់ទាញប្រជាប្រិយភាពប្រចាំឆ្នាំ។ បន្ថែមលើរូបរាងដ៏ទាក់ទាញនេះ ដែល Kona ក៏មានពណ៌ជាច្រើនដែលអនុញ្ញាតឱ្យអតិថិជនជ្រើសរើស ដូចជាពណ៌ស (Chalk White) ប្រាក់(Silver Lake) ពណ៌សេរ៉ាមិចខៀវ (Ceramic Blue) ពណ៌ខ្មៅ (Dark Night) ពណ៌ក្រហមខ្ចី (Tangerine Comet) អតិថិជនដែលមានបំណងចង់បង្ហាញពីភាពផ្ទាល់ខ្លួនរបស់ពួកគេ។
Kona បំពាក់ជាមួយម៉ាស៊ីនសាំង 4 ស៊ីឡាំង 2.0 លីត្រ ដែលអាចផលិតនូវថាមពល 149 សេះ ជាមួយនឹងប្រព័ន្ធ ប្រអប់លេខអូតូ ផ្ដល់នូវប្រសិទ្ធភាពសន្សំសំចៃប្រេងឥន្ធនៈ ភ្ជាប់នឹងប្រព័ន្ធបើកបរក្នុងទីក្រុង ប្រកបដោយផាសុកភាព និងសុវត្ថិភាពខ្ពស់ផ្សេងៗគ្នា3 (Sport, Eco, Normal) ។
ផ្នែកខាងក្នុងទូលាយ ដែលផ្ដល់នូវផាសុកភាព ជាមួយរចនាផ្នែកខាងក្រៅ បែបទាន់សម័យ។រួមមានអេក្រង់ផុសអណ្ដែតទំហំ 7 អ៊ីញ និងប្រព័ន្ធគ្រប់គ្រង HVAC (ប្រព័ន្ធកៅអី កៅអីខ្យល់ និងម៉ាស៊ីនត្រជាក់) ដែលរួមចំណែកបង្កើតនូវបរិយាកាស ទៅតាមតម្រូវការរបស់អ្នកបើកបរ និងអ្នករួមដំណើរ។
លក្ខណៈពិសេសថ្មីសម្រាប់ម៉ូឌែល 2019 Kona Premium រួមមានកាមេរ៉ាខាងក្រោយ ជាមួយនឹងខ្សែត្រួតពិនិត្យ (Rear Camera with Dynamic Guideline) ឧបករណ៍សាកទូរសព្ទមិនប្រើខ្សែ (Wireless Charger) ប្រព័ន្ធប្រាប់ដំណឹង ពេលមានរថយន្តកំពុងជែង (Blind Spot Detection) ដំបូលកញ្ចក់អូតូ ( Power Sunroof) ប្រព័ន្ធត្រួតពិនិត្យសម្ពាធកង់រថយន្ត (Tire Pressure Monitoring System ) ដើម្បីបង្កើតសុវត្ថិភាព និងភាពងាយស្រួលនៃបទពិសោធន៍របស់អ្នកបើកបរ។
នៅក្នុងព្រឹត្តិការណ៍នេះ ភ្ញៀវអាចពិនិត្យមើលនូវអ្វីគ្រប់យ៉ាងថ្មីរបស់ 2019 Kona Premium ហើយរីករាយនឹងពិធីសម្ពោធដ៏គួរឱ្យរំភើប ពីក្រុមហ៊ុន Hyundai Camko Motor Company៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com