ទីក្រុងហូជីមិញទទួលបានភ្ញៀវទេសចរអន្តរជាតិ៧លាននាក់

អន្តរជាតិ

ទីក្រុងហូជីមិញទទួលបានភ្ញៀវទេសចរអន្តរជាតិ៧លាននាក់

16, Dec 2018 , 12:59 pm

រូបភាព

ដោយ: ភួង វ៉ាន់ថា

មន្ទីរទេសចរណ៍ទេសចេណ៍វៀតណាមបានឲ្យដឹងថា ភ្ញៀវទេសចរណ៍អន្តរជាតិចំនួន៧លាននាក់ បានទៅទស្សនាទីក្រុងហូជីមិញក្នុងឆ្នាំនេះ តាមអាកាសយានដ្ឋានអន្តរជាតិ Tân Sơn Nhất ។ នេះបើតាមការចុះផ្សាយរបស់សាព័ត៌មានវៀតណាម។

លោក Ngo Thi Thu Hien អនុប្រធានក្រុមហ៊ុនអាកាសចរណ៍វៀតណាមបានលើកឡើងថា ក្រុមហ៊ុនអាកាសចរណ៍បានធ្វើការសហការជាមួយគ្រប់ភាគី ដើម្បីធ្វើការផ្សព្វផ្សាយព្រឹត្តិការណ៍ទេសចរណ៍ជាច្រើនរួមមាន ដំណើរកំសាន្តរដូវក្ដៅ, ពិព័រណ៍ទេសចរណ៍អន្តរជាតិ និងកម្មវិធីផ្សេងៗទៀត ដើម្បីលើកកម្ពស់វិស័យទេសចរណ៍នៅក្នុងទីក្រុងហូជីមិញក្នុងឆ្នាំនេះ។

លោកនិយាយថា៖«យើងសង្ឃឹមថានៅក្នុងឆ្នាំខាងមុខនេះ ទីក្រុងហូជីមិញនឹងបន្តលើកកម្ពស់វិស័យទេសចរណ៍បន្ថែមទៀត ដើម្បីក្លាយជាទីកន្លែងដែលទាក់ទាញភ្ញៀវអន្តរជាតិមកទស្សនាប្រទេសវៀតណាម» ។

ក្នុងអំឡុងខែ មករា ដល់ វិច្ឆិកា តាមការប៉ានស្មានទីក្រុងហានណូយទទួលបានភ្ញៀវទេសចរណ៍ប្រមាណ៦,៨លាននាក់ មានការកើនឡើង១៩,៦៧ ភាគរយបើប្រៀបធៀបទៅនឹងរយៈពេលដូចគ្នាកាលពីឆ្នាំកន្លងមក។

នាពេលបច្ចុប្បន្នក្រុមហ៊ុនអាកាសចរណ៍វៀតណាមមានជើងហោះហើរអន្តរជាតិចំនួន២៣ មកកាន់ទីក្រុងហូជីមិញ៕