កីឡាជាតិ
ជាតិ
FFC៖ HRW បន្ទច់បង្អាក់ការរួមចំណែករបស់ Honda ក្នុងការអភិវឌ្ឍបាល់ទាត់ ប្រភពរូបថត AFP
× សហព័ន្ធកីឡាបាល់ទាត់កម្ពុជា (FFC)នៅថ្ងៃទី២១ ខែធ្នូ នេះ បានសេចក្តីប្រកាសព័ត៌មានឆ្លើយតបទៅនឹងលិខិតរបស់អង្គការឃ្លាំមើលសិទ្ធិមនុស្សអន្តរជាតិ (Human Right Watches) ដែលបានផ្ញើទៅលោក Keisuke Honda។ ក្នុងលិខិត លោក Brad Adams នាយកប្រចាំតំបន់អាស៊ី របស់អង្គការអន្តរជាតិមួយ បានសំដែងពីការព្រួយបារម្ភទាក់ទងនឹងកិត្យានុភាពរបស់ Honda ចំពោះកិច្ចសហការជាមួយលោក សៅ សុខា ដែល HRW ចោទថា ជាជាអ្នកដែលរំលោភសិទ្ធិមនុស្ស។ FFC បានច្រានចោលរាល់ការចោទប្រកាន់ទាំងនេះ។
«ជាការចោទប្រកាន់ដដែលៗគ្មានភស្តុតាង និងមានចរិតលក្ខណៈនយោបាយរបស់អង្គការឃ្លាំមើលសិទ្ធមនុស្សអន្តរជាតិ»។ ជាប្រតិកម្មតបរបស់ FFC ទៅនឹងលិខិតរបស់
HRW កាលពីថ្ងៃទី៣ ខែធ្នូ។
FFC បានលើកឡើងពីគុណសម្បត្តិរបស់លោក សៅ សុខា ដែលបានដឹកនាំស្ថាប័នបាល់ទាត់កម្ពុជា រហូតបានក្លាយជាសមាជិកដ៏ល្អ (Good Citizen) របស់សហព័ន្ធប្រចាំអាស៊ី-អាគ្នេយ៍ (AFF), ប្រចាំអាស៊ី (AFC) រួមទាំងសហព័ន្ធកីឡាបាល់ទាត់អន្តរជាតិ (FIFA) ផងដែរ។
ជាមួយគ្នានេះ FFC បានរៀបរាប់ពីការប្រឹងប្រែងរបស់ខ្លួនក្នុងអភិវឌ្ឍន៍បាល់ទាត់កម្ពុជា និងការរួមចំណែកការងារសង្គមផ្សេងៗ ក្រោមគំនិតផ្តួចផ្តើមរបស់លោក សៅ សុខា។
ទាក់ទងនឹងលោក Keisuke Honda សហព័ន្ធកីឡាបាល់ទាត់កម្ពុជា បានរំលឹកពីការចូលរួមស្ម័គ្រចិត្តរបស់កីឡាករលំដាប់ពិភពលោករូបនេះ ក្នុងការអភិវឌ្ឍកីឡាបាល់ទាត់កម្ពុជាឆ្ពោះទៅកាន់កម្រិតតំបន់ និងទ្វីបអាស៊ីទាំងមូល។
បច្ចុប្បន្ន លោក Honda ជាកីឡាកររបស់ក្លិបកំពូលអូស្ត្រាលី Melbourne Victory និងជាអ្នកចាត់ការទូទៅស្ម័គ្រចិត្តរបស់ក្រុមជម្រើសជាតិកម្ពុជា។ FFC បានថ្លែងយ៉ាងដូច្នេះថា៖ «ការចោទប្រកាន់ដោយគ្មានភស្តុតាង និងមានចរិតនយោបាយ មិនត្រឹមតែបន្ទច់បង្អាក់ការរួមចំណែកដ៏ថ្លៃថ្លារបស់លោក Keisuke Honda ក្នុងការអភិវឌ្ឍវិស័យកីឡាបាល់ទាត់កម្ពុជាប៉ុណ្ណោះទេ ប៉ុន្តែជាការចន្ទច់បង្អាក់ការអភិវឌ្ឍវិស័យកីឡាបាល់ទាត់នៅក្នុងតំបន់អាស៊ាន ទ្វីបអាស៊ី និងអន្តរជាតិផងដែរ»។
លោក ខៀវ សាម៉េត អនុប្រធាន FFC ក៏បានសំដែងការហួសចិត្តផងដែរ ដែលអង្គការ HRW ព្យាយាមភ្ជាប់ករណីនយោបាយ ទៅនឹងកីឡា។ លោកបានបញ្ជាក់ប្រាប់សារព័ត៌មាន ThmeyThmey នយោបាយ និងកីឡាជារឿងដាច់ដោយឡែកពីគ្នា៕
Tag:
Keisuke Honda
សៅ សុខា
Brad Adams
© រក្សាសិទ្ធិដោយ thmeythmey.com