ជាតិ
ពីនេះ ពីនោះ
២៥ខេត្ត/រាជធានី
ពិព័រណ៌ផ្សារណាត់នៅបាត់ដំបង ប្រមូលផ្តុំកសិករផ្លាស់ប្តូរព័ត៌មានទីផ្សារកសិកម្ម
×![]()
ដោយ: & ឡាយ សុភាវតី
បាត់ដំបង៖ រដ្ឋបាលខេត្តបាត់ដំបងបានរៀបចំពិធី«ផ្សារណាត់បន្លែសុវត្ថិភាព និងផលិតផលសុវត្ថិភាព» ជាលើកទី៣ នៅទី១៩ ធ្នូកន្លងទៅ។ កម្មវិធីលើកកម្ពស់ការយល់ដឹងរបស់ប្រជាពលរដ្ឋ និងកសិករអំពីបន្លែសុវត្ថិភាព រួមទាំងប្រមូលផ្តុំគ្រប់តួអង្គនៃខ្សែច្រវាក់ផលិតកម្មជួបគ្នាផ្លាស់ប្តូរព័ត៌មានទីផ្សារកសិកម្មនេះ ប្រារព្ធនៅបរិវេណសួននាគសន្តិភាព ទីរួមខេត្តបាត់ដំបង។
ទន្ទឹមនឹងនេះ គម្រោងជំរុញផលិតកម្មស្បៀងនៃអគ្គនាយកដ្ឋានកសិកម្ម បានសហការជាមួយមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង យកបន្លែសុវត្ថិភាព, កសិផលរបស់សហគមន៍កសិកម្ម, ផលិតផលកែច្នៃធាតុចូលកសិកម្ម មកតាំងលក់ក្នុងពិធី «ផ្សារណាត់បន្លែសុវត្ថិភាព និងផលិតផលសុវត្ថិភាព និងការចុះបញ្ជីចម្ការ និងបិតរូបសញ្ញានៃការអនុវត្តកសិកម្មល្អ (GAP)» ប្រមាណជាង៣០ស្តង់ផងដែរ។ កម្មវិធីនេះមានមន្ត្រីរាជការ, និស្សិត, អាជីវករ, ក្រុមហ៊ុន និងប្រជាសហគមន៍ផលិតបន្លែសុវត្ថិភាពសរុបប្រមាណ៣០០នាក់។
សូមអញ្ជើញទស្សនាទិដ្ឋភាពពិព័រណ៌នេះដូចទៅ៖
សូមអញ្ជើញទស្សនាទិដ្ឋភាពពិព័រណ៌នេះដូចទៅ៖
© រក្សាសិទ្ធិដោយ thmeythmey.com
