ជាតិ
សេដ្ឋកិច្ច
កម្ពុជា និងចិន, វៀតណាម, ព្រុយណេ អនុវត្តការមិនយកពន្ធត្រួតគ្នា ចាប់ពីខែមករាឆ្នាំ២០១៩
× ភ្នំពេញ៖ កិច្ចព្រមព្រៀងស្ដីពីការចៀសវាងយកពន្ធត្រួតគ្នា និងការបង្ការការកិបកេងបន្លំពន្ធ ពាក់ព័ន្ធនឹងពន្ធលើប្រាក់ចំណូល ដែលកម្ពុជាបានចុះហត្ថលេខាជាមួយប្រទេសចិន វៀតណាម និងប្រទេសព្រុយណេ ក្នុងពេលកន្លងមក នឹងចូលជាធរមានសម្រាប់ការអនុវត្ត នៅថ្ងៃទី១ខែមករាឆ្នាំ២០១៩ ។ នេះបើតាមសេចក្ដីប្រកាសព័ត៌មានរបស់អគ្គនាយកដ្ឋានពន្ធដារ។
គួរបញ្ជាក់ថា កម្ពុជាបានចុះកិច្ចព្រមព្រៀងស្ដីពីការចៀសយកពន្ធត្រួតគ្នា និងបង្ការការកិបកេងបន្លំពន្ធពាក់ពន្ធនឹងពន្ធលើប្រាក់ចំណូល ជាមួយប្រទេសចិន នៅថ្ងៃទី១៣ខែតុលាឆ្នាំ២០១៦ ព្រុយណេដារូសាឡឹម នៅថ្ងៃទី២៧ខែកក្កដាឆ្នាំ២០១៧ និងជាមួយប្រទេសវៀតណាម នៅថ្ងៃទី៣១ខែមីនាឆ្នាំ២០១៨។
បន្ទាប់ពីត្រូវបានប្រកាសឲ្យប្រើដោយព្រះរាជក្រមនៅខែធ្នូនេះ កិច្ចព្រមព្រៀងទាំងបីនេះនឹងត្រូវចូលជាធរមាន និងមានប្រសិទ្ធភាពអនុវត្ត ចាប់ពីថ្ងៃទី១ខែមករាឆ្នាំ២០១៩ តទៅ៕
© រក្សាសិទ្ធិដោយ thmeythmey.com