ខេត្តសៀមរាប ទទួលបានទេសចរជិត ៣០ម៉ឺននាក់ ក្នុងថ្ងៃចូលឆ្នាំសកល

ជាតិ

ខេត្តសៀមរាប ទទួលបានទេសចរជិត ៣០ម៉ឺននាក់ ក្នុងថ្ងៃចូលឆ្នាំសកល

01, Jan 2019 , 2:20 pm

រូបភាព

ដោយ: ថ្មីៗ

សៀមរាប៖ ខេត្តសៀមរាបទទួលបានភ្ញៀវទេសចរសរុបជិត ៣០ម៉ឺននាក់ គឺស្មើនឹង ២៨៤,០៣១នាក់ នៅក្នុងថ្ងៃឆ្លងឆ្នាំសកល ២០១៩នេះ។ តួលេខបង្ហាញថា ចំនួនភ្ញៀវទេសចរកើនឡើងជិត ៩ភាគរយ បើធៀបនឹងឆ្នាំទៅ។ នេះបើយោងតាមរបាយការណ៍របស់មន្ទីរទេសចរណ៍ខេត្តសៀមរាបដែលចេញផ្សាយនៅថ្ងៃទី១ មករា ឆ្នាំ២០១៩ ។

តាមរបាយការណ៍របស់មន្ទីរទេសចរណ៍ខេត្តសៀមរាប ក្នុងចំណោមទេសចរជិត៣០ម៉ឺននាក់ ក្នុងនោះមានទេសចរអន្ដរជាតិជាង ៣ម៉ឺននាក់ កើនឡើងជិត ៣ភាគរយ និងទេសចរជាតិមានចំនួនប្រមាណ ២៨ម៉ឺននាក់កើនឡើងជិត ៩ភាគរយ។

គួររម្លឹកថា តំបន់ដែលជាគោលដៅសម្រាប់ភ្ញៀវទេសចរក្នុងពិធីឆ្លងឆ្នាំសកលនៅយប់ថ្ងៃទី៣១ ធ្នូ ឆ្នាំ២០១៨ រួមមានផាប់ស្ទ្រីត សួនច្បារព្រះរាជដំណាក់ ដែលអភិបាលខេត្តសៀមរាបបានរៀបចំប្រារព្ធពិធី តាមសណ្ឋាគារ និងគោលដៅទេសចរណ៍តាមភូមិមួយចំនួនទៀត ដូចជានៅសង្កាត់ជ្រាវជាដើម៕