ក្រៅពីវត្ថុអនុស្សាវរីយ៍ អ្នកស្រី សន សុធា អាចរកចំណូលជាង៣០ម៉ឺនរៀល ពីការលក់នំអាកោត្នោត ដល់ភ្ញៀវទេសចរ

ជាតិ

សង្គមជាតិ

ក្រៅពីវត្ថុអនុស្សាវរីយ៍ អ្នកស្រី សន សុធា អាចរកចំណូលជាង៣០ម៉ឺនរៀល ពីការលក់នំអាកោត្នោត ដល់ភ្ញៀវទេសចរ

06, Jan 2019 , 7:59 am

រូបភាព

ដោយ: រំដួល ចិត្រា (Romdoul Chetra)

សៀមរាប៖ រយៈពេល៥ឆ្នាំហើយ ដែលអ្នកស្រី សន សុធា ប្រកបរបរលក់វត្ថុអនុស្សាវរីយ៍ និងនំអាកោត្នោតដល់ភ្ញៀវទេសចរ មកទស្សនាស្ពានកំពង់ក្តី ដែលជាស្ពានប្រវត្តិសាស្ត្រ មានអាយុកាលជាង១០០០ឆ្នាំមកហើយ។ ភ្ញៀវខ្លះចូលមកទិញវត្ថុអនុស្សាវរីយពីតូបអ្នកស្រី ប៉ុន្តែភ្ញៀវខ្លះ បែរជាមកជាប់រសជាតិនំអាកោរបស់អ្នកស្រីទៅវិញ។ ក្រៅពីវត្ថុអនុស្សាវរីយ៍ អ្នកស្រី សន សុធា អាចរកចំណូលជាង៣០ម៉ឺនរៀល ពីការលក់នំអាកោត្នោត ដល់ភ្ញៀវទេសចរ។ ហើយភ្ញៀវទេសចរដែលចូលចិត្តរសជាតិនំអាកោត្នោតរបស់អ្នកស្រី សុធា នេះគឺភាគច្រើនជនជាតិវៀតណាម និងភ្ញៀវទេសចរក្នុងតំបន់អាស៊ី។