ជាតិ
សង្គមជាតិ
ក្រសួងកិច្ចការនារី បង្កើតក្រុមការងារតាមបណ្ដាញសង្គម ដើម្បីជួយដោះស្រាយបញ្ហាស្ត្រីរងគ្រោះ រូបពីហ្វេសប៊ុកក្រសួង៖ លោកស្រី អ៊ឹង កន្ថាផាវី រដ្ឋមន្រ្តីក្រសួងកិច្ចការនារី
× ភ្នំពេញ៖ ដើម្បីពង្រឹងលទ្ធភាពក្នុងការសម្របសម្រួល និងជំរុញកិច្ចអន្តរាគមន៍ ក៏ដូចជាសេវាផ្ដល់ជូនដល់ជនរងគ្រោះ(ស្ត្រី)ឱ្យទាន់ពេលវេលានោះ ក្រសួងកិច្ចការនារី បានបង្កើតក្រុមការងារតាមដានបណ្ដាញសង្គម (ហ្វេសប៊ុក) ក្នុងការទទួលព័ត៌មានករណីហិង្សាទាក់ទងទៅនឹងយេនឌ័រ។ នេះបើតាមសេចក្ដីប្រកាសក្រសួងកិច្ចការនារី។
ក្រសួងកិច្ចការនារី បានបញ្ជាក់ថា រាល់ករណីអំពើហិង្សាទាក់ទងទៅនឹងយេនឌ័រ សំដៅទៅលើអំពើហិង្សានៅក្នុងគ្រួសារ ការរំលោភសេពសន្ថវៈ ការបៀតបៀនផ្លូវភេទ និងអំពើជួញដូរស្ត្រីនិងក្មេងស្ត្រី គឺជាកិច្ចការដែលក្រសួងត្រូវដោះស្រាយ។
«បន្ទាប់ពីទទួលបានព័ត៌មានទាន់ពេលវេលា និងច្បាស់លាស់ ក្រសួងកិច្ចការនារីនឹងមានលទ្ធភាពគ្រប់គ្រាន់ ក្នុងការបន្តកិច្ចសហការជាមួយអាជ្ញាធរមូលដ្ឋាន និងស្ថាប័នមានសមត្ថកិច្ច ក្នុងការឆ្លើយតបនឹងបញ្ហានេះ»។ នេះបើតាមការបញ្ជាក់របស់ក្រសួង។
ដើម្បីឱ្យក្រុមការងារតាមដានលើបណ្ដាញសង្គម កាន់តែមានលទ្ធភាពទទួលបានព័ត៌មាន ដូច ដែលបានលើកឡើងខាងលើ ជនរងគ្រោះ ក៏ដូចជាសាធារណៈជន ចូលរួមផ្ដល់ព័ត៌មានតាមរយៈហ្វេសប៊ុកផ្លូវការរបស់ក្រសួងកិច្ចនារីគឺ៖ www.facebook.com/mowa.gov.kh ឫអាជ្ញាធរមូលដ្ឋាន និងមន្ទីកិច្ចនារីរាជធានី-ខេត្ត៕
Tag:
កិច្ចការនារី
យេនឌ័រ
ហិង្សា
© រក្សាសិទ្ធិដោយ thmeythmey.com