ជាតិ
សង្គមជាតិ
អង្គការស្នាមញញឹមកម្ពុជា ផ្តល់ការវះកាត់មាត់ឆែប,ក្រអូមឆែប និងពិការភាពមុខមាត់ដល់កុមារដោយឥតគិតថ្លៃ
× សៀមរាប៖ អង្គការស្នាមញញឹមកម្ពុជា នឹងផ្តល់ការវះកាត់មាត់ឆែប ក្រអូមឆែប និងពិការភាពមុខមាត់ផ្សេងៗដោយឥតគិតថ្លៃ ចាប់ពីថ្ងៃទី៩ ដល់ថ្ងៃទី១១ ខែមករា នៅមន្ទីរពេទ្យបង្អែកខេត្តសៀមរាប។ តាមសេចក្តីជូនដំណឹងរបស់អង្គការស្នាមញញឹមកម្ពុជា ការចុះឈ្មោះអ្នកជំងឺ ត្រូវធ្វើឡើងនៅថ្ងៃទី៩ មករា។ នេះជាលើកទី៧ហើយ ដែលអង្គការស្នាមញញឹមកម្ពុជា បានសហការជាមួយមន្ទីរពេទ្យបង្អែកខេត្តសៀមរាប ក្នុងការផ្តល់ការវះកាត់ឥតគិតថ្លៃដល់កុមារដែលមានមាត់ឆែប ក្រអូមឆែប និងពិការភាពមុខមាត់ផ្សេងៗ។ ការវះកាត់លើកនេះ មានការចូលរួមពីគ្រូពេទ្យចំនួន៦នាក់ ដែលមកពីប្រទេសម៉ាឡេស៊ី និងប្រទេសចិន៕
© រក្សាសិទ្ធិដោយ thmeythmey.com