អត្ថបទពាណិជ្ជកម្ម
កុមារី អាយុ១២ឆ្នាំម្នាក់ នៅខេត្តកំពង់ចាម ត្រូវរង្វាន់១០០លានរៀល ពីតែបៃតង អ៊ីឈីតាន់
× កុមារីម្នាក់មានឈ្មោះ ហ៊ន់ វួចលាង អាយុ១២ឆ្នាំ ជាសិស្សកំពុងសិក្សាថ្នាក់ទី6 (ក) នៃសាលាបឋមសិក្សា ណាំកិន ដែលស្ថិតនៅភូមិណាំកិន ឃុំមៀន ស្រុកព្រៃឈរ ខេត្តកំពង់ចាម មានសំណាងបានឈ្នះរង្វាន់ធំ គឺទឹកប្រាក់ចំនួន១០០លានរៀល ពីតែបៃតង អ៊ីឈីតាន់ ។
នៅពេលដែលក្រុមការងាររបស់តែបៃតង អ៊ីឈីតាន់ ចុះទៅប្រគល់ប្រាក់រង្វាន់ដល់លំនៅដ្ឋាននោះ កុមារី ហ៊ន់ វួចលាង បានប្រាប់ឱ្យដឹងថា កាលពីសប្ដាហ៍កន្លងទៅនេះ ដោយសារមានចំណូលចិត្តទទួលទានតែបៃតង អ៊ីឈីតាន់ រសជាតិតែក្រូចឆ្មារទឹកឃ្មុំ ក៏បានទៅទិញមកទទួលទានដូចសព្វដង។ លុះពេលមួលគម្របដប ក៏ស្រាប់តែឃើញមានរង្វាន់១០០លានរៀលនៅក្នុងគម្របដប ហើយក៏ស្រែកប្រាប់ម្ដាយតែម្ដង។ កុមារីរូបនេះ បានបញ្ជាក់ ចំពោះប្រាក់រង្វាន់ទាំងអស់នេះ នឹងប្រគល់ជូនម្តាយចាត់ចែង។
អ្នកស្រី សេង ចាន់ធូ អាយុ៤៨ឆ្នាំ ត្រូវជាម្ដាយរបស់កុមារីខាងលើ បានប្រាប់ឱ្យដឹងថា មុនដំបូង នៅពេលឮកូនស្រីស្រែកប្រាប់ គឺមិនទាន់ជឿជាក់នោះទេ ប៉ុន្តែបន្ទាប់ពីបានឃើញ និងមានការអះអាងពីអ្នកលក់ ក៏ដូចជាញាតិជិតខាង ជាពិសេសក្រោយពីផ្តល់ដំណឹងដល់ក្រុមហ៊ុន តាមរយៈលេខទូរស័ព្ទដែលមាននៅក្នុងក្នុងគម្របដបស្រាប់ ទើបជឿ។ លោកស្រីបញ្ជាក់ទៀតថា អ្នកស្រីត្រេកអរជាខ្លាំងស្ទើរគាំងបេះដូង ព្រោះមិននឹកស្មានថា អាចមានវាសនាក្លាយជាម្ចាស់លុយយ៉ាងសន្ធឹកសន្ទាប់ដូច្នេះនោះទេ។ អ្នកស្រីបានបញ្ជាក់ថា អ្នកស្រីនឹងយកលុយមហាសំណាង ពីតែបៃតង អ៊ីឈីតាន់ ទាំងនេះទៅសងបំណុលធនាគារឯកជនមួយចំនួន។ នៅសេសសល់ គាត់នឹងយកទៅពង្រីកមុខរបរ ដើម្បីទ្រទ្រង់ជីវភាពគ្រួសារឱ្យកាន់តែប្រសើរជាងនេះ ព្រមទាំងត្រៀមទុកសម្រាប់កូនស្រីបន្តការសិក្សាទៅថ្ងៃអនាគតផងដែរ។
គួរបញ្ជាក់ថា ជាការថ្លែងអំណរគុណចំពោះអតិថិជន ដែលតែងគាំទ្រផលិតផលតែបៃតង អ៊ីឈីតាន់ ក្រុមហ៊ុនបានបង្កើនរង្វាន់ធំនូវទឹកប្រាក់១០០លានរៀល រហូតដល់៥០រង្វាន់, រង្វាន់ម៉ូតូ HONDA SCOOPY I ចំនួន៥០ គ្រឿង, រង្វាន់ i-phone ចំនួន ៥០គ្រឿង,រួមជាមួយរង្វាន់តែបៃតង អ៊ីឈីតាន់ ហ្វ្រី (Free) ចំនួន ៥,០០០,០០០ (៥លាន)រង្វាន់ ។ រួសរាន់ឡើង អ្នកក្លាយជាសេដ្ឋីបន្ទាប់ អាចជារូបអ្នក៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com