ជាតិ
សង្គមជាតិ
សម្តេច ហ៊ុន សែន ហៅតំបន់រោងចក្រនៅតាកែវ ថាជា «បុប្ផាលាក់ខ្លួន» សម្តេច ហ៊ុន សែន ថតសែលហ្វីជាមួយកម្មករ-កម្មការិនី នៅខេត្តតាកែវ ក្រោយថ្លែងសាររួច
× ភ្នំពេញ៖ តំបន់រោងចក្រក្នុងខេត្តតាកែវ ប្រៀបដូចជា «បុប្ផាលាក់ខ្លួន»។ សម្តេចនាយករដ្ឋមន្ត្រី ហ៊ុន សែន បានហៅដូច្នេះ ក្នុងពិធីជួបសំណេះសំណាលជាមួយកម្មករ-កម្មការិនីជាង១,៨ម៉ឺននាក់ ក្នុងខេត្តតាកែវ នាព្រឹកថ្ងៃទី៩ ខែមករា ឆ្នាំ២០១៩។
សម្តេច ហ៊ុន សែន ពន្យល់ថា ប្រៀបដូចជា «បុប្ផាលាក់ខ្លួន» ព្រោះនៅក្នុងទីនេះ បានផលិតនូវផលិតផល ដែលជាតម្រូវការនៅលើពិភពលោក ដូចជា ម៉ូទ័រ និងគ្រឿងទូរស័ព្ទដៃជាដើម។ ទន្ទឹមនឹងនេះ ខេត្តតាកែវ ក៏ជាខេត្តមួយដែលមានសក្តានុពលខ្លាំង ជាពិសេសរោងចក្រ សហគ្រាស ដែលរីកចម្រើន និងកើតមានឡើងបន្តបន្ទាប់ ហើយកំពុងជំរុញវិស័យឧស្សាហកម្ម និងផ្តល់ការងារដល់ប្រជាពលរដ្ឋជាច្រើនថែមទៀត។
សូមបញ្ជាក់ថា កម្មករ-កម្មការិនីជាង១,៨ម៉ឺននាក់ ដែលចូលរួមក្នុងពិធីសំណេះសំណាលជាមួយប្រមុខរដ្ឋាភិបាល មកពីរោងចក្រ សហគ្រាស ក្នុងស្រុកសំរោង ស្រុកបាទី និងស្រុកត្រាំកក់ ខេត្តកណ្តាល៕
Tag:
រោចក្រ
កម្មករ
ហ៊ុន សែន
តាកែវ
© រក្សាសិទ្ធិដោយ thmeythmey.com