ជាតិ
EDC ផ្អាកផ្គត់ផ្គង់អគ្គិសនីក្នុងសង្កាត់មួយចំនួននៅភ្នំពេញ នាថ្ងៃទី១១-១៣មករា
×![]()
ភ្នំពេញ៖ អគ្គិសនីកម្ពុជា(EDC) ផ្អាកផ្គត់ផ្គង់ចរន្តភ្លើង៣ថ្ងៃនៅតំបន់ក្នុងសង្កាត់មួយចំនួននៅរាជធានីភ្នំពេញ។ ការផ្អាកនេះ ធ្វើឡើងចាប់ពីថ្ងៃទី១១-១៣ មករា ដើម្បីធ្វើការជួសជុល ផ្លាស់ប្តូរ និងដំឡើងបរិក្ខារថ្មី ខណៈមានការរុះរើគន្លងខ្សែបណ្តាញដើម្បីធ្វើការពង្រីកផ្លូវ។
យោងតាមសេចក្តីដំណឹងរបស់EDC តំបន់ភ្លើងដែលត្រូវផ្អាក នៅថ្ងៃទី១១ មករា មាន តំបន់ភ្លើងក្នុងសង្កាត់ស្ទឹងមានជ័យទី៣ សង្កាត់ផ្សារដេប៉ូទី៣ សង្កាត់ព្រែកលៀប សង្កាត់ជ្រោយចង្វារ សង្កាត់កាកាបទី១-ទី២ និងសង្កាត់ចោមចៅទី២-ទី៣។
ថ្ងៃទី១២ មករា មានតំបន់ភ្លើងក្នុងសង្កាត់កាកាបទី២ សង្កាត់កន្ទោក សង្កាត់ចោមចៅទី១-ចៅទី២ និងមួយចំនួនដែលស្ថិតនៅក្នុងសង្កាត់ចាក់អង្រែក្រោម-ចាក់អង្រែលើ។
រីឯតំបន់ភ្លើងក្នុងសង្កាត់ទឹកថ្លា សង្កាត់ភ្នំពេញថ្មី សង្កាត់គោឃ្លាង សង្កាត់ទួលសង្កែទី២ សង្កាត់ស្ទឹងមានជ័យទី២-ទី៣ សង្កាត់ដង្កោ សង្កាត់ព្រៃស និងមួយចំនួនដែលស្ថិតនៅក្នុងសង្កាត់ចោមចៅទី១-ទី២ នឹងត្រូវផ្អាកនៅថ្ងៃទី១៣ មករា។ បើតាមEDC៕
Tag:
អគ្គិសនី
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
