ជាតិ
លោក ស៊ុន ចាន់ថុល៖ យើងកំពុងបណ្ដុះ ឲ្យមានអ្នកដឹកនាំបន្តវេនក្នុងក្រសួងសាធារណការ
រូបពីក្រសួងសាធារណការ និងដឹកជញ្ជូន
×![]()
ភ្នំពេញ៖ លោក ស៊ុន ចាន់ថុល និងថ្នាក់ដឹកនាំកំពូលៗរបស់ក្រសួងសារធារណការ និងដឹកជញ្ជូន ត្រៀមបណ្ដុះអ្នកបន្តវេនឲ្យមានសមត្ថភាពដឹកនាំក្រសួងមួយនេះទៅថ្ងៃមុខ។ លោកលើកឡើងថា៖«យើងខ្ញុំថ្នាក់ដឹកនាំសព្វថ្ងៃនេះ ដូចនឹងនាឡិកាម៉ោង៥ល្ងាចដែលជ្រេតិចហើយ តែមន្ត្រីយើងខ្លះទើបម៉ោង១២ថ្ងៃត្រង់ ដូច្នេះយើងមានតួនាទីរៀបចំកម្មវិធីបណ្ដុះបណ្ដាលឲ្យមន្ត្រីយើងមានចំណេះវិជ្ជាគ្រប់គ្រាន់ដើម្បីបន្តវេនដឹកនាំក្រសួងសាធារណការ និងដឹកជញ្ជូនឲ្យជោគជ័យបន្តទៀត»។ លោក ស៊ុន ចាន់ថុល ថែមទាំងអះអាងថា ឆ្នាំ២០១៩នេះ គឺជាឆ្នាំបណ្ដុះបណ្ដាលនៅក្នុងក្រសួងដែលរូបលោកកំពុងដឹកនាំសព្វថ្ងៃនេះ ហើយលោកនឹងកៀងគរអ្នកជំនាញ វាគ្មិនល្អៗ ឲ្យមកបង្រៀនដល់មន្ត្រីរបស់ក្រសួង។
សូមស្ដាប់ប្រសាសន៍លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ខាងក្រោមនេះ៖
ជាមួយគ្នានេះដែរ លោក ស៊ុន ចាន់ថុល បានជំរុញឲ្យមន្ត្រីនាយកដ្ឋានក្នុងក្រសួងសាធារណការ និងដឹកជញ្ជូន ត្រូវធ្វើផែនការសកម្មភាពលម្អិតសម្រាប់ឆ្នាំថ្មីនេះ ហើយប្ដេជ្ញាធ្វើ តាមដានលទ្ធផលចំពោះផែនការសកម្មភាពនេះ។ លោកបញ្ជាក់ថា ធ្វើដូច្នេះដើម្បីពង្រឹងសមត្ថភាពមន្ត្រី និងបង្កើតលទ្ធផលថ្មី។ ទន្ទឹមនឹងនេះ លោកបានដាស់តឿនឲ្យមន្ត្រីក្រោមឱវាទរបស់ខ្លួន ត្រូវហ៊ានលើកឡើងនូវសំណូមពរ ការស្នើផែនការផ្សេង ជជែកដេញដោលក្នុងអង្គភាពរៀងៗខ្លួន ដើម្បីរួមគ្នាដោះស្រាយ និងបានរៀនសូត្រពីគ្នាទៅវិញទៅមក៕
Tag:
អ្នកដឹកនាំ
ស៊ុន ចាន់ថុល
© រក្សាសិទ្ធិដោយ thmeythmey.com
