ក្រោយដេញគ្រូ ថៃអាចរកបាន៣ពិន្ទុដោយយកឈ្នះបារ៉ែន ១-០

កីឡាអន្តរជាតិ

អន្តរជាតិ

ក្រោយដេញគ្រូ ថៃអាចរកបាន៣ពិន្ទុដោយយកឈ្នះបារ៉ែន ១-០

10, Jan 2019 , 10:26 pm

រូបភាព

រូបភាពពី AFC Asian Cup

ដោយ: ទេព ពិទូរ្យ

ខ្សែបម្រើឆ្នើម Chanathip Songkrasin ឬ Messi Jay ជាអ្នកស៊ុតបាល់ជ័យជម្នះឲ្យក្រុមកីឡាបាល់ទាត់ជម្រើសជាតិថៃយកឈ្នះបារ៉ែនក្នុងលទ្ធផល ១-០ នាការប្រកួតវគ្គជម្រុះពូល A ពានរង្វាន់ AFC Asian Cup ឆ្នាំ២០១៩។

អត្ថបទទាក់ទង
Asian Cup៖ ថៃបញ្ចប់លោក Milovan ជាគ្រូបង្វឹកភ្លាមៗ ក្រោយចាញ់ឥណ្ឌា ៤-១

Messi Jay ដែលបច្ចុប្បន្នកំពុងប្រកបអាជីពជាមួយក្លិប Hokkaido Consadole Sapporo នៃលីគកំពូលជប៉ុនបានក្លាយជាវីរបុរសបន្ទាប់ពីសម្រេចទីមួយគ្រាប់ឲ្យថៃនៅនាទី៥៨ដើម្បីជួយប្រទេសនេះទទួលបាន៣ពិន្ទុ។

នេះជាជ័យលើកដំបូងរបស់ក្រុមរហស្សនាមដំរីក្នុងជំនួបពីរលើកចុងក្រោយ ដែលការប្រកួតលើកដំបូងពួកគេបានចាញ់ឥណ្ឌាយ៉ាងចាស់ដៃដល់ទៅ ៤-១ រហូតធ្វើឲ្យសហព័ន្ធកីឡាបាល់ទាត់ថៃបណ្តេញគ្រូបង្វឹកលោក Milovan Rajevac ចេញពីតំណែងភ្លាមៗទៀតផង។

៣ពិន្ទុរបស់ថៃដែលដឹកនាំដោយគ្រូជំនួយលោក Choketawee Promrat ជាទន់ដ៏សំខាន់ក្នុងការប្រជែងកៅអីទៅកាន់វគ្គ១៦ក្រុមចុងក្រោយ ដែលត្រូវជួបម្ចាស់ផ្ទះអេមីរ៉ាតអារ៉ាប់រួមសម្រាប់ជំនួបចុងក្រោយពូល A នេះ។

ថៃឡើងទៅឈរចំណាត់ថ្នាក់ទី២បណ្តោះអាសន្ន ដោយត្រូវរង់ចាំលទ្ធផលរវាងអេមីរ៉ាតអារ៉ាប់រួមជាមួយឥណ្ឌាដែលនឹងត្រូវប៉ះគ្នានៅយប់នេះម៉ោង១១:០០៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

1 សប្តាហ៍

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

4 ថ្ងៃ

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

6 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

2 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

4 ថ្ងៃ

អត្ថបទពេញនិយមបន្ថែម