កីឡាអន្តរជាតិ
អន្តរជាតិ
Asian Cup៖ Son ទៅដល់អេមីរ៉ាតអារ៉ាប់រួម ភ្លាមៗក្រោយ Spurs ចាញ់ Man Utd ១-០
× Son Heung-min នៅថ្ងៃទី១៤ ខែមករានេះបានធ្វើដំណើរទៅដល់ក្រុងឌូបៃ ប្រទេសអេមីរ៉ាតអារ៉ាប់រួមហើយដើម្បីចួលរួមជាមួយជម្រើសជាតិកូរ៉េខាងត្បូងក្នុងយុទ្ធនាការដណ្តើមពានរង្វាន់ AFC Asian Cup ឆ្នាំ២០១៩។
ខ្សែបម្រើប្រយុទ្ធកំពុងឡើងជើង វ័យ ២៦ ឆ្នាំដែលបានខកខានការប្រកួតបើកឆាកពីរលើកឲ្យកូរ៉េខាងត្បូងនៅវគ្គសន្សំពិន្ទុពូល C បានចាកចេញពីទឹកដីអង់គ្លេសបន្ទាប់ពីបង្ហាញខ្លួនឲ្យ Tottenham Hotspur ក្នុងការប្រកួតដែលចាញ់ Manchester United ១-០ នៃក្របខណ្ឌ Premier League។ ភ្លាមៗក្រោយចប់ការប្រកួតក្នុងទឹកដី Wembley នោះ Son បានឡើងយន្តហោះមកកាន់ទឹកដីអាស៊ីតែម្តង។
ការមកជួយក្រុមជម្រើសជាតិនេះ ម្ចាស់ពានរង្វាន់កីឡាករឆ្នើមបំផុតប្រចាំទ្វីបអាស៊ីឆ្នាំ២០១៧ នឹងត្រូវអវត្តមានឲ្យមាន់ខ្នាយមាស៣ប្រកួត ក្នុងនោះខកខានពេលប៉ះ Fulham និង Watford ហើយនឹងជួប Chelsea នៅវគ្គពាក់កណ្តាលផ្តាច់ព្រ័ត្រពាន FA Cup នៅថ្ងៃទី២២ ខែមករាផងដែរ។
Son អាចនឹងត្រូវគ្រូដាក់ឲ្យចូលលេងពេលប៉ះចិនសម្រាប់ជំនួបចុងក្រោយពូល C តែម្តងបើទោះកូរ៉ខាងត្បូងបានកៅអីទៅវគ្គ ១/៨ផ្តាច់ព្រ័ត្រដោយស្វ័យប្រវត្តិក៏ដោយ៕
Tag:
បាល់ទាត់
Son Heung-min
Asian Cup
© រក្សាសិទ្ធិដោយ thmeythmey.com