ជាតិ
កម្ពុជា ដឹកនាំ២៦ប្រទេសក្នុងតំបន់អាស៊ី ជជែកគ្នាលើបញ្ហាសំខាន់៤ នៅសៀមរាប
× សៀមរាប៖ កម្ពុជា បានធ្វើជាម្ចាស់ដំបូងបង្អស់របស់ក្រុមប្រឹក្សាវប្បធម៌អាស៊ី (ACC) នឹងដឹកនាំភ្ញៀវជាតិនិងអន្តរជាតិ ដែលជាតំណាងមកពីប្រទេស២៦ ក្នុងតំបន់អាស៊ី ដើម្បីជជែងគ្នាលើប្រធានបទសំខាន់ៗ៤។ កិច្ចប្រជុំនេះ ធ្វើឡើង នៅថ្ងៃទី១៥ មករា ឆ្នាំ២០១៨ ក្នុងសណ្ឋាគារ និងសាលសន្និសីទសុខា ខេត្តសៀមរាប ។
លោក ឯក ថា អនុប្រធានគណៈកម្មការផ្សព្វផ្សាយនិងសារព័ត៌មានរបស់ ACC បាននិយាយក្នុងសន្និសីទសារព័ត៌មាន នារសៀលថ្ងៃទី១៤ មករា ថា ប្រធានបទសំខាន់ទាំង៤ដែលត្រូវជជែងគ្នា និង ពិភាក្សាតុមូល រួមមាន ទី១ ការលេចឡើងនូវពិភពលោកមួយ ទស្សនទានចម្រុះ និងអត្តសញ្ញាណអាស៊ី ទី២ ការតភ្ជាប់រវាងវប្បធម៌និងការអភិវឌ្ឍប្រកបដោយចីរភាព ទី៣ ការប្រើប្រាស់បច្ចេកវិទ្យាសម្រាប់ការផ្សារភ្ជាប់រវាងអរិយធម៌ និង ទី៤ ការកសាងសហគមន៍មួយសម្រាប់ជោគវាសនាតែមួយ នៅអាស៊ី។
លោក បន្តថា កិច្ចប្រជុំនេះ នឹងផ្តល់អត្ថប្រយោជន៍យ៉ាងច្រើនដល់កម្ពុជា ទាំងផ្នែកកាទូត និងទាំងផ្នែកការថែរក្សាបេតិកភណ្ឌជាតិ ដែលជាប់ចំណាត់ក្នុងបេតកភណ្ឌពិភពលោក ទាំងរូបិយ និងអរូបិយ ពិសេសផ្នែកទេសចរណ៍។
ACC ត្រូវបានបង្កើតឡើងក្នុងឆ្នាំ២០១៨ ដោយអង្គការសន្និសីទអន្តរជាតិ នៃបណ្តាគណបក្សនយោបាយនៅអាស៊ី (ICAPP) ដែលមានតំណាងគណបក្សនយោបាយជាង៣៥០ មកពី៥២ប្រទេស ជាសមាជិក។ ក្រុមប្រឹក្សានេះ ត្រូវបានទទួលស្គាល់ដោយអង្គការយូណេស្កូ (UNESCO) បន្ទាប់ពីកិច្ចព្រមព្រៀងត្រីភាគីរវាងអង្គការយូណេស្កូ អង្គការ ICAPP និង ACC ហើយបានចុះហត្ថលេខាជាមួយគ្នា កាលពីថ្ងៃទី៤ ខែធ្នូ ឆ្នាំ២០១៨ នៅខេត្តសៀមរាប៕
© រក្សាសិទ្ធិដោយ thmeythmey.com