ជាតិ
អាជ្ញាធរ នឹងស្តារបឹងសំរោងដែលជាអាងស្ដុកទឹក និងប្រព័ន្ធរំដោះទឹកជំនន់នៅភ្នំពេញ
× ភ្នំពេញ៖ អាជ្ញាធរ នឹងស្តារបឹងសំរោង ដែលជាអាងស្ដុកទឹក និងជាប្រព័ន្ធរំដោះទឹកជន់លិចនៅរាជធានីភ្នំពេញ និងតាមបណ្ដាខេត្តមួយចំនួនឡើងវិញ បន្ទាប់ពីវាបានរួមតូច ដោយសារទន្ទ្រានកាន់កាប់ និងការសាងសង់ទំនប់លើផ្ទៃបឹង។ បឹងសំរោងមានទំហំ៣៣៦ហិកតា ស្ថិតនៅឃុំសំរោង ស្រុកពញាឮ ខេត្តកណ្ដាល។ ដើម្បីងាយស្រួលដល់ការស្ដារបឹងសំរោងនេះឡើងវិញ រដ្ឋបាលខណ្ឌព្រែកព្នៅនៅថ្ងៃទី១៤ ខែ មករា បានចេញការជូនដំណឹងមួយ ដោយតម្រូវឲ្យម្ចាស់ស៊ង និងម្ចាស់ស្រះចិញ្ចឹមត្រី រុះរើចេញក្នុងរយៈពេល១០ថ្ងៃ គិតចាប់ពីថ្ងៃជូនដំណឹង។
បើតាមការជូនដំណឹងដដែល ម្ចាស់ស៊ង និងម្ចាស់ស្រះចិញ្ចឹមត្រីដែលមានត្រីធំៗត្រូវលក់ឲ្យហើយ។ ឯអ្នក ដែលមានត្រីតូចៗត្រូវទាក់ទងទៅកាន់រដ្ឋបាលខណ្ឌ ដើម្បីរកដំណោះស្រាយ។ ក្នុងករណីមិនអនុវត្តតាម រដ្ឋបាលខណ្ឌមិនទទួលខុសត្រូវចំពោះការខូចខាតនោះទេ។ រដ្ឋបាលខណ្ឌព្រែកព្នៅបញ្ជាក់ដូច្នេះ៕
Tag:
ស្ដារបឹង
បឹងសំរោង
ត្រី
© រក្សាសិទ្ធិដោយ thmeythmey.com