សុខភាព
អន្តរជាតិ
ដំបូន្មានទាំង៥របស់វេជ្ជបណ្ឌិត Hallowell ដើម្បីឲ្យបុត្រធីតាក្លាយជាក្មេងដ៏រីករាយម្នាក់
ថតដោយ Dung Phany
×![]()
ដោយ: ធីតា
វេជ្ជបណ្ឌិត Edward Hallowell ដែលជាអ្នកជំនាញផ្នែកចិត្តសាស្ត្រដ៏ល្បីល្បាញនៅសហរដ្ឋអាមេរិក បានណែនាំវិធីជោគជ័យចំនួន៥ចំណុចដែលនាំឲ្យកុមារក្លាយជាក្មេងដ៏រីករាយម្នាក់។
លោក Hallowell បច្ចុប្បន្នវ័យ៧០ឆ្នាំ ជាអ្នកឯកទេស និងជាអ្នកនិពន្ធសៀវភៅផ្នែកចិត្តសាស្ត្រ និងបញ្ហាផ្សេងៗទាក់ទងនឹងវិវត្តរបស់កុមារ។ ៥ចំណុចដែលលោកបានណែនាំនោះគឺ ការភ្ជាប់ ការលេង ការអនុវត្ត ជំនាញ និងការទទួលស្គាល់។
លោកបានពន្យល់យ៉ាងសង្ខេបដូចខាងក្រោម៖
១. ការផ្សារភ្ជាប់ (Connect) ៖ កូនៗទាំងអស់ត្រូវការសេចក្តីស្រឡាញ់ដោយគ្មានលក្ខខណ្ឌពីឪពុកម្តាយ។ កាយវិការ និងអារម្មណ៍ផ្សារភ្ជាប់គ្នា បានធ្វើកុមារមានសុវត្ថិភាពខ្ពស់ ប្រៀបដូចជាផ្នែកមួយនៃការអប់រំនៅសាលាយ៉ាងដូច្នោះដែរ។
២. ការលេង (Play) ៖ ត្រូវច្បាស់លាស់ថា កូនរបស់អ្នកមានកម្មវិធីសម្រាប់ខ្លួនឯងច្បាស់លាស់ ដោយចេះបង្កើតល្បែងលេង និងរៀនដោះស្រាយបញ្ហាដោយខ្លួនឯង។ ឪពុកម្តាយមានតួនាទីយ៉ាងសំខាន់ក្នុងជួយដល់កូនៗ ជាពិសេសនាំឲ្យពួកគេប្រើប្រាស់ទេពកោសល្យផ្ទាល់ខ្លួន។
៣.ការអនុវត្ត (Practice) ៖ នៅពេលដែលក្មេងធ្វើអ្វីមួយបានល្អ ពួកគេតែងតែចង់ធ្វើវាម្តងហើយម្តងទៀត។ ទោះបីជាយ៉ាងណាក៏ដោយ អ្នកត្រូវតាមជួយពួកគេ ដើម្បីឲ្យពួកគេអាចបញ្ចប់កិច្ចការដោយភាពច្បាស់លាស់។
៤. ជំនាញ (Mastery) ៖ ពីការអនុវត្តក្លាយជាជំនាញ។ ជំនាញអ្វីក៏ដោយ ដូចជាចងស្បែកជើង លេងព្យាណូ គូរូបផ្កា សង់ផ្ទះក្រដាស ឬដោះស្រាយលំហាត់គណិតវិទ្យា នៅពេលដែលក្មេងៗធ្វើបានហើយ ពួកគេតែងតែចង់បានការប្រឈមថ្មីបន្ថែមទៀត។ សូមបន្តលើកទឹកចិត្ត ព្រោះជំហានទាំងនេះនាំពួកគេក្លាយជាមនុស្សដែលច្បាស់ការ។
៥. ការទទួលស្គាល់ (Recognition)៖ ការគាំទ្រ និងការទទួលស្គាល់ពីសំណាក់ឪពុកម្តាយ និងគ្រូបង្រៀនទាក់ទងសកម្មភាពល្អណាមួយ ជាច្រកនាំឲ្យកុមារផ្សារភ្ជាប់ពិភពលោកកាន់តែទូលាយ។ នៅពេលដែលកុមារធ្វើអ្វីមួយ ជះឥទ្ធិពលល្អដល់គ្រូសារ មិត្តរួមថ្នាក់ និងក្រុម ពួកមានទឹកចិត្តទូលាយ អារម្មណ៍ល្អចំពោះខ្លួនឯង៕
Tag:
ផ្លូវចិត្ត
កុមារ
© រក្សាសិទ្ធិដោយ thmeythmey.com
