អន្តរជាតិ
គ្រួសារមួយជួលបន្ទប់តម្លៃ១៥០០ដុល្លារក្នុង១ខែឲ្យឆ្មារបស់ខ្លួនរស់នៅ
× ឆ្មាញីពីរក្បាលឈ្មោះ Louise និង Tina ហាក់មានសំណាងជាងមនុស្សមួយចំនួន ដោយពួកវាបានរស់នៅក្នុងបន្ទប់ស្ទីតយោដ៏ធំមួយ ជាមួយនឹងសម្ភារជាច្រើន។ ម្ចាស់ពួកវាបានជួលក្នុងតម្លៃ១៥០០ដុល្លារអាមេរិកក្នុងខែ ដែលស្ថិតក្នុងតំបន់បច្ចេកវិទ្យា Sillicon Valley ក្រុង San Jose រដ្ឋកាលីហ្វនីញ៉ា សហរដ្ឋអាមេរិក។
«ពួកគេអត់ផឹក! ពួកគេអត់ជក់ ហើយពួកគេអត់ចាក់ភ្លេងឮខ្លាំង»។ នេះជាការរៀបរាប់របស់លោក David Callisch ដែលជាម្ចាស់ផ្ទះ ទាក់ទងនឹងសកម្មភាពប្រចាំថ្ងៃរបស់អ្នកជួលផ្ទះខ្លួន ប៉ុន្តែពួកគេមិនមែនជាមនុស្សឡើយ ពោលគឺឆ្មាពីរក្បាល។
Silicon Valley ជាតំបន់ដែលមានតម្លៃអចលនទ្រព្យថ្លៃបំផុតមួយនៅសហរដ្ឋអាមេរិក។ បើយោងតាមការផ្សាយរបស់ ABC ឆា្មទាំងពីររស់នៅក្នុងបន្ទប់ដែលមានទំហំ៣៧ម៉ែត្រការេ ដោយមានបន្ទប់ទឹក ទូរទស្សន៍ ពូក និងកម្រាលព្រំមួយកំប្លេ រួមទាំងឧបករណ៍ផ្សេងៗក្នុងស្ទីតយោ។
តាមពិតទៅលោក Caliisch ក៏មិនចង់បានអតិថិជនជាសត្វឆ្មានោះដែរ ប៉ុន្តែពួកវាគឺជាសត្វចិញ្ចឹមរបស់កូនមិត្តភក្តិម្នាក់។ Victoria Amith ដែលជាម្ចាស់ឆ្មា ត្រូវទៅរស់នៅក្នុងអន្តេវាសិកដ្ឋានរបស់មហាវិទ្យាល័យ ហើយកន្លែងនោះ គេមិនអនុញ្ញាតឲ្យចិញ្ចឹមសត្វឡើយ ម្យ៉ាងទៀតឪពុករបស់នាងត្រូវប្តូរទីតាំងទៅរស់នៅកន្លែងផ្សេងដែលឆ្ងាយពីនាង។
© រក្សាសិទ្ធិដោយ thmeythmey.com