ជាតិ
×![]()
ដោយ: ថ្មីៗ
លោក ប្រាក់ សុខុន រដ្ឋមន្ត្រីក្រសួងការបរទេសកម្ពុជា នឹងដឹកនាំគណៈប្រតិភូ ទៅចូលរួមកិច្ចប្រជុំរដ្ឋមន្ត្រីការបរទេសអាស៊ាន-សហភាពអឺរ៉ុប នៅទីក្រុងព្រុចស៊ែល ប្រទេសបែលហ្ស៊ិក នៅថ្ងៃទី២១ ខែមករា ឆ្នាំ២០១៩។
សេចក្តីប្រកាសព័ត៌មានរបស់ក្រសួងការបរទេសកម្ពុជា បញ្ជាក់ថា រដ្ឋមន្ត្រីការបរទេសអាស៊ាននិងសមភាគីអឺរ៉ុប នឹងពិភាក្សាគ្នាពីកិច្ចសហប្រតិបត្តិការមួយចំនួន ដែលមានផលប្រយោជន៍រួម ដើម្បីសម្រេចនូវគោលបំណងរួមមួយ នៃសមាហរណកម្មតំបន់ដោយសន្តិភាព ស្ថិរភាព និងវិបុលភាព។
សេចក្តីប្រកាសព័ត៌មាន បានបន្ថែមថា ក្នុងអំឡុងស្នាក់នៅក្នុងទីព្រុចស៊ែល លោក ប្រាក់ សុខុន មានគម្រោងជួបដាច់ដោយឡែកជាមួយលោក ឌីឌៀរ រ៉េនឌ័រ រដ្ឋមន្ត្រីការបរទេសនិងកិច្ចការអឺរ៉ុបនៃប្រទេសបែលហ្ស៊ិក និង អ្នកស្រី សេស៊ីលីយ៉ា ម៉ាលស្ត្រុម ស្នងការពាណិជ្ជកម្មសហភាពអឺរុប រួមទាំងប្រធានគណៈប្រតិភូផ្សេងៗទៀត៕
Tag:
ប្រាក់ សុខុន
EU
© រក្សាសិទ្ធិដោយ thmeythmey.com
