អត្ថបទពាណិជ្ជកម្ម
រកឃើញជើងខ្លាំង២៤ក្រុមដែលត្រូវប្រជែងកៅអី៤ប្រចាំខេត្តកំពង់ស្ពឺ ដើម្បីឡើងទៅវគ្គផ្តាច់ព្រ័ត្រ Tiger Street Football Festival 2019 នៅភ្នំពេញ
×![]()
ខេត្តកំពង់ស្ពឺ៖ ការប្រកួតជម្រុះស្វែងរកជើងខ្លាំងទាំង២៤ក្រុម នៅក្នុងខេត្តកំពង់ស្ពឺ ដែលជាមណ្ឌលទី៣ នៃពានរង្វាន់ Tiger Street Football Festival 2019 ត្រូវបានប្រព្រឹត្តទៅ កាលពីថ្ងៃទី២០ ខែមករា ឆ្នាំ២០១៩ កន្លងទៅ នៅទីរួមខេត្តកំពង់ស្ពឺ។ បន្ទាប់ពីការប្រកួតយ៉ាងស្វិតស្វាញនេះ យើងបានរកឃើញក្រុមជើងខ្លាំងទាំង២៤ក្រុម ដែលត្រូវឡើងទៅវគ្គបន្ត ដើម្បីក្រកួតចម្រាញ់យកតែ៤ក្រុមប៉ុណ្ណោះប្រចាំមណ្ឌល ដើម្បីទៅប្រកួតវគ្គផ្តាច់ព្រ័ត្រ ទូទាំងប្រទេស ដែលនឹងប្រព្រឹត្តទៅ ថ្ងៃទី១៦ និងទី១៧ ខែមីនា ឆ្នាំ២០១៩ នៅរាជធានីភ្នំពេញ។
ក្រុមជើងឯកប្រចាំមណ្ឌលខេត្តកំពង់ស្ពឺ ទទួលបានប្រាក់រង្វាន់ ១០០០ដុល្លារ, ក្រុមជើងឯករងប្រាក់រង្វាន់៧០០ដុល្លារ,ក្រុមចំណាត់ថ្នាក់លេខ៣ ទទួលបានប្រាក់រង្វាន់៣៥០ដុល្លារ និងក្រុមចំណាត់ថ្នាក់លេខ៤ ទទួលបានប្រាក់រង្វាន់ ១៥០ដុល្លារ ។ ជាពិសេសពួកគេ មានឱកាសជួបផ្ទាល់ ជាមួយកំពូលតារាបាល់ទាត់អន្តរជាតិ គឺកីឡាករបាល់ទាត់ Ronaldinho។
លើសពីនេះ នៅជុំវិញបរិវេណកន្លែងរៀបចំកម្មវិធី Tiger Street Football Festival 2019 ក៏មានកន្លែងលេងហ្គេមកម្សាន្តដ៏រីករាយ ដើម្បីទទួលបានវត្ថុអនុស្សាវរីយ៍ជាច្រើន ពីស្រាបៀរថៃហ្គ័រ មានការដាក់តាំងលក់សម្ភារកីឡា ព្រមទាំងទទួលបានការភ្ជាប់អ៊ីនធឺណិត ដោយឥតគិតថ្លៃ (Free Wifi) នៅបញ្ជរ Digital Booth និងការថតរូបភ្លាម យកភ្លាមផងដែរ។
ក្រោយបញ្ចប់ការប្រកួត ក្រុមហ៊ុនស្រាបៀរថៃហ្គ័រ ក៏បានរៀបចំការប្រគំតន្ត្រីដ៏សប្បាយរីករាយអស្ចារ្យផងដែរ ដោយមានការចូលរួមពីសំណាក់កំពូលតារាចម្រៀងល្បីៗជាច្រើនរូបក្នុងប្រទេស កម្ពុជារួមមានលោក ខេមរៈ សិរីមន្ត, អ្នកនាង ពេជ្រ សោភា ,កញ្ញា សុខ ស្រីនាង, កញ្ញា ទេព បូព្រឹក្ស,លោក សយ រតនៈ និងឌីជេ Maily ផងដែរ។ តារាចម្រៀងទាំងអស់បានលើកយកសុទ្ធសឹងជាបទញាក់កន្ត្រាក់អារម្មណ៍ និងបានធ្វើឲ្យអ្នកគាំទ្រនៅខេត្តកំពង់ស្ពឺ សប្បាយរីករាយ និងរាំកម្សាន្ត ទៅតាមចង្វាក់ភ្លេងយ៉ាងសប្បាយរីករាយ គ្រប់គ្នាពេញមុខឆាកតន្ត្រី។
ស្រាបៀរថៃហ្គ័រ ជាស្រាបៀរដែលមានគុណភាពខ្ពស់ លំដាប់ថ្នាក់អន្តរជាតិ មានដើមកំណើតតាំងពីឆ្នាំ១៩៣២ នៅប្រទេសសិង្ហបុរី និងមានលក់នៅច្រើនជាង៧០ប្រទេស នៅទូទាំងពិភពលោក។ ស្រាបៀរថៃហ្គ័រឈ្នះ ពានរង្វាន់លំដាប់ថ្នាក់អន្តរជាតិ ច្រើនជាង៤០មេដាយ ផ្នែករសជាតិ និងគុណភាព។ សូមចូលទៅកាន់ទំព័រហ្វេសប៊ុកផ្លូវការរបស់ស្រាបៀថៃហ្គ័រ៖ www.facebook.com/TigerBeerKH ពិសាដោយការទទួលខុសត្រូវ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
