ជាតិ
បទយកការណ៍ / បទសម្ភាសន៍
នាយិកាភាគីខ្មែរនៃវិទ្យាស្ថានខុងជឺ៖ យុវជនគួរចេះបើកបេះដូងចិន ដើម្បីទាញយកផលប្រយោជន៍
×![]()
ភ្នំពេញ៖ មកដល់ពេលនេះ មានរយៈពេល១០ឆ្នាំហើយ ដែលវិទ្យាស្ថានខុងជឺ នៃរាជបណ្ឌិត្យសភា បានបំពេញការងារផ្តោតលើការអប់រំភាសាចិន ដើម្បីជំរុញដល់សមត្ថភាពយុវជនកម្ពុជា ស្របពេលដែលរដ្ឋាភិបាលកម្ពុជា-ចិន កំពុងមានទំនាក់ទំនងយ៉ាងស្អិតល្មួត ក្រោមកិច្ចសហប្រតិបត្តិការគ្រប់ជ្រុងជ្រោយ។
កម្មវិធីដែលវិទ្យាស្ថានខុងជឺ បញ្ជ្រាបដល់យុវជនកម្ពុជា គឺផ្ដល់ការយល់ដឹងពីវប្បធម៌ចិន កម្មវិធីស្ពានភាសាចិន កម្មវិធីអ្នកនិយាយភាសាចិនឆ្នើម កម្មវិធីមគ្គុទេសក៍ទេសចរណ៍ភាសាចិនឆ្នើម កម្មវិធីអ្នកសរសេរអក្សរចិនជាដើម។ នេះបើតាមកញ្ញា វុធ សុភ័ក្រណា ដែលជានាយិកាភាគីកម្ពុជានៃវិទ្យាស្ថានខុងជឺ។
បើតាមកញ្ញា វុធ សុភ័ក្រណា ភាសាចិនបច្ចុប្បន្ន កំពុងក្លាយទៅជាឧបករណ៍ស្នូលមួយ សម្រាប់យុវជន ឬសិស្សនិស្សិត ដើម្បីយកទៅប្រើប្រាស់ក្នុងការស្វែងរកឱកាសការងារ និងធ្វើវិនិយោគ អាជីវកម្មជាដើម ស្របពេលដែលចិនកំពុងសម្រុកមកដាក់ទុនរកស៊ីនៅកម្ពុជា។ សម្រាប់នាយិការូបនេះ យុវជនគួរតែចេះបើកបេះដូងចិន ដើម្បីទាញយកផលប្រយោជន៍នៅក្នុងឱកាសនេះ តាមរយៈការប្រើប្រាស់ភាសាចិន។
សូមស្ដាប់កិច្ចសម្ភាសរវាងលោក រំដួល ចិត្រា អ្នកសារព័ត៌មានថ្មីៗ និងកញ្ញា វុធ សុភ័ក្រណា នាយិកាភាគីកម្ពុជានៃវិទ្យាស្ថានខុងជឺ ដូចតទៅ៖
វិទ្យាស្ថានខុងជឺ នៃរាជបណ្ឌិត្យសភា បានបញ្ជូនសិស្សនិស្សិតទៅសិក្សានៅប្រទេសចិន ជាង៤០០នាក់មកហើយ នៅក្នុងរយៈពេល១០ឆ្នាំនេះ ខណៈដែលកំណើនសិស្សរៀនភាសាចិន នៅក្នុងស្ថាប័នមួយនេះ កំពុងកើនឡើងជាលំដាប់ ប្រមាណជា៤ទៅ៥ភាគរយ។ ហើយនិស្សិត ដែលទៅសិក្សានៅប្រទេសហើយ ពួកគេភាគច្រើនទទួលបានឱកាសការងារជាបកប្រែ ,ការងារនៅក្រុមហ៊ុនចិនធំៗ និងនៅតាមក្រសួង និងក្នុងទូតចិនប្រចាំកម្ពុជាជាដើម។ នេះបើតាមកញ្ញា វុធ សុភ័ក្រណា។
ដោយសារឃើញសក្ដានុពលនៃកំណើនសិស្សរៀនភាសាចិនបែបនេះហើយ ទើបវិទ្យាស្ថានខុងជឺ គ្រោងពង្រីកសាខានៅទូទាំងប្រទេសថែមទៀត ខណៈដែលវិទ្យាស្ថានមួយនេះ បានបញ្ជ្រាបចូលកម្មវិធីអប់រំទៅក្នុងស្ថាប័នរដ្ឋ និងឯកជនចំនួន២៥កន្លែងហើយ នាពេលបច្ចុប្បន្ននេះ៕
Tag:
វុធ សុភ័ក្រណា
ខុង ជឺ
ចិន
© រក្សាសិទ្ធិដោយ thmeythmey.com
