English-Français
ជាតិ
បទយកការណ៍ / បទសម្ភាសន៍
ក្នុងដំណើរទស្សនកិច្ចនៅកម្ពុជា ថ្នាក់ដឹកនាំកសិករបារាំង Georges Kreuters ថា កសិកម្មខ្មែរវិវឌ្ឍទៅមុខលឿន…!
×![]()
ភ្នំពេញ៖ បើទោះបីជាវិស័យកសិកម្មខ្មែរត្រូវបានគេរិះគន់ច្រើនយ៉ាងណាក៏ដោយ ក៏កសិករជនជាតិបារាំងដែលធ្លាប់ធ្វើការក្នុងវិស័យកសិកម្មបារាំងអស់រយៈពេលជាច្រើនឆ្នាំមកហើយនោះ បានអត្ថាធិប្បាយថា កសិកម្មខ្មែរទទួលបានការរីកចម្រើនយ៉ាងលឿន បើប្រៀបធៀបទៅនឹងចំណុចចាប់ផ្តើមនៃប្រវត្តិកសិកម្មបារាំងកាលពី៤០ ឬ៤៥ឆ្នាំមុន។ ខាងក្រោមនេះ គឺជាបទសម្ភាសខ្លីរវាងលោក គី សុខលីម អ្នកសារព័ត៌មាននៃសារព័ត៌មានអេឡិចត្រូនិកថ្មីៗ (Thmeythmey.com) និងលោក Georges Kreuters តំណាងកសិករបារាំងដែលបានមកទស្សនកិច្ចវិស័យកសិកម្មនៃប្រទេសកម្ពុជាកាលពីពេលថ្មីៗកន្លងមកនេះ។
សំឡេងសម្ភាសជាភាសាបារាំង
អ្នកជំនាញកសិកម្មខ្មែរមួយចំនួនបានលើកឡើងថា កសិករខ្មែរនៅប្រឈមនឹងបញ្ហាមួយចំនួនដូចជា ខ្វះដើមទុន ខ្វះប្រព័ន្ធធារាសាស្ត្រ និងខ្វះទីផ្សារ។ តែទោះជាយ៉ាងនេះក្តី ថ្នាក់ដឹកនាំកសិករបារាំងមួយក្រុមដែលបានមកទស្សនកិច្ចសិក្សាវិស័យកសិកម្មខ្មែរកាលពីពេលថ្មីៗកន្លងមកនេះ បានអត្ថាធិប្បាយថា កសិកម្មខ្មែរវិវឌ្ឍទៅមុខលឿនគួរសម…ដូចជា កសិករខ្មែរបានផ្លាស់ប្តូរផ្នត់គំនិតលឿន របៀបអភិវឌ្ឍវិស័យកសិកម្មដើរទៅមុខប្រសើរ។ល។ លោក Georges Kreuters តំណាងកសិករបារាំងដែលបានមកទស្សនកិច្ចវិស័យកសិកម្មនៃប្រទេសកម្ពុជា បាននិយាយបន្ថែមទៀតថា កាលពី៤០ ឬ៤៥ឆ្នាំមុន កសិករបារាំងក៏ប្រឈមនឹងបញ្ហាដូចគ្នាដែរ។ កសិករបារាំងខ្វះទឹកធ្វើស្រែ(ជីកអណ្តូង) ខ្វះទីផ្សារ និងខ្វះអ្វីៗជាច្រើនផ្សេងទៀតដែរ។
តើកសិករខ្មែរគួរធ្វើអ្វីបន្ថែមទៀត? លោក Georges Kreuters គ្រាន់តែឆ្លើយយ៉ាងខ្លីថា កសិករខ្មែរគួរបន្តកិច្ចការរបស់ខ្លួនតទៅទៀត ហើយថ្ងៃណាមួយកសិកម្មខ្មែរនឹងវិវត្តប្រសើរឡើងជាក់ជាពុំខាន៕
Tag:
កសិកម្ម
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
