ជាតិ
សេដ្ឋកិច្ច
ក្រុមហ៊ុនថ្មី៤ មានទុនជាង១៥លានដុល្លារ នឹងបង្កើតរោងចក្រផលិតកាបូប នៅភ្នំពេញ និងកំពង់ស្ពឺ
× ភ្នំពេញ៖ ក្រុមហ៊ុនថ្មីចំនួន៤ ត្រូវបានក្រុមប្រឹក្សាអភិវឌ្ឍន៍កម្ពុជា (CDC) អនុម័តឲ្យបង្កើតរោងចក្រផលិតកាបូប គ្រប់ប្រភេទ នៅភ្នំពេញ និងខេត្តកំពង់ស្ពឺ។ គម្រោងបង្កើតរោងចក្រផលិតកាបូបទាំង៤ទីតាំងនេះ មានទុនវិនិយោគជាង១៥លានដុល្លារអាមេរិក ព្រមទាំងបង្កើតឱកាសការងារដល់ប្រជាពលរដ្ឋក្នុងស្រុកបានជាង៥ពាន់កន្លែងទៀតផង។
ក្រុមប្រឹក្សាអភិវឌ្ឍន៍កម្ពុជា បានបញ្ជាក់កាលពីថ្ងៃទី៤ កុម្ភៈ ថាក្រុមហ៊ុនទាំងបួននោះ មាន៖ ក្រុមហ៊ុន FIDELITY (CAMBODIA) HANDBAG FACTORY និង ក្រុមហ៊ុន JIN BAO LI (CAMBODIA) មានគម្រោងបង្កើតរោងចក្រផលិតកាបូបគ្រប់ប្រភេទ និងគ្រឿងបន្សំកាបូបគ្រប់ប្រភេទ ខណ្ឌពោធិ៍សែនជ័យ រាជធានីភ្នំពេញ។ ក្រុមហ៊ុនពីរនេះ មានទុនវិនិយោគជិត ៦លានដុល្លារ។
ដោយឡែក គម្រោងបង្កើតរោងចក្រផលិតកាបូបរបស់ ក្រុមហ៊ុន PARTAGE (CAMBODIA) និងក្រុមហ៊ុនSHINING (CAMBODIA) ដែលទុនវិនិយោគជាង៧លានដុលា្លរ មានទីតាំងវិនិយោគ នៅភូមិសង្គ្រោះជាតិ ឃុំត្រពាំងគង ស្រុងសំរោងទង ខេត្តកំពង់ស្ពឺ។
សូមរម្លឹកថា ក្នុងរយៈពេលពេញមួយខែមករា ឆ្នាំ២០១៩ CDC បានអនុម័តលើគម្រោងឲ្យក្រុមហ៊ុនចំនួន១៣ បង្កើតរោងចក្រ នៅកម្ពុជា ពិសេសរោងចក្រផលិតកាបូបគ្រប់ប្រភេទ ដែលមានទឹកប្រាក់ជិត៧០លានដុល្លារ និងបង្កើតការងាររាប់ម៉ឺនកន្លែង។ រយៈពេលចុងក្រោយនេះ រោងចក្រដែលCDC អនុម័តឲ្យបង្កើតជាផ្លូវ ភាគច្រើន គឺជារោចក្រផលិតកាបូប ត្រូវបានបើកដំណើរការនៅកម្ពុជា។ កាផលិតកាបូបគ្រប់ប្រភេទត្រូវបាននាំចេញទៅ សហរដ្ឋអាមេរិកដោយមិនគិតពន្ធឡើយ៕
Tag:
កាបូប
រោងចក្រ
កំពង់ស្ពឺ
© រក្សាសិទ្ធិដោយ thmeythmey.com