ជាតិ
សង្គមជាតិ
ក្រោយដៀលខ្មែរ ចំប៉ីខ្មៅប្រាប់ថា ពេលទៅណា គេតាមជេរ និងបារម្ភពីសុវត្ថិភាព
យុវជន យិន ហេង ហៅចំប៉ីខ្មៅ
×![]()
ដោយ: សារព័ត៌មានថ្មីៗ
អាចនិយាយបានថា អ្នកលេងហ្វេសប៊ុកណា ក៏ស្គាល់យុវជនម្នាក់ឈ្មោះ យិន ហេង ហៅ ចំប៉ីខ្មៅដែរ ក្រោយពីរូបគេ ប្រើពាក្យប្រមាថកាតទានពូជសាសន៍ខ្មែរ។ ពេលនេះ មហាជន កំពុងប្រតិកម្មនិងវាយប្រហារទៅលើយុវជនរូបនេះ។
តាមរយៈការផ្តល់បទសម្ភាសដល់សារព័ត៌មានថ្មីៗ នៅល្ងាចថ្ងៃទី៥ ខែកុម្ភៈ ឆ្នាំ២០១៩នេះ ចំប៉ីខ្មៅ ដែលគេដឹងថាជាភេទទី៣ បានប្រាប់អត្តសញ្ញាណផ្ទាល់ខ្លួនត្រង់ៗតែម្តងថា ខ្លួន ជាកូនកាត់វៀតណាម ដោយឪពុក ជាជនជាតិវៀតណាម ហើយម្តាយជាជនជាតិខ្មែរ។ ក៏ប៉ុន្តែ ចំប៉ីខ្មៅ បកស្រាយថា កំហុសរបស់ខ្លួននាពេលនេះ គឺកើតឡើងដោយអចេតនា ព្រោះតែមិនអាចទប់កំហឹងនឹងអ្នកដែលជិះម៉ូតូទៅខោកក្បាល។ ចំប៉ីខ្មៅ ការពារខ្លួនថា មិនមែនដោយសារតែខ្លួនជាកូនកាត់វៀតណាម ហើយក៏មានចេតនាចង់ប្រមាថឬដៀលពូជសាសន៍ខ្មែរនោះទេ។
វីដេអូ ដែលចំប៉ីខ្មៅ ជេរជនមិនស្គាល់មុខ៣នាក់ ដែលជិះម៉ូតូទៅខោកក្បាលខ្លួន នៅម្តុំព្រះបរមរាជវាំង កាលពីយប់ថ្ងៃទី៤ ខែកុម្ភៈ ហើយក៏ជ្រុលមាត់ដៀលពូជសាសន៍ខ្មែរ
ក្រោយបកស្រាយបែបនេះរួចហើយ ចំប៉ីខ្មៅ ក៏និយាយពីសុវត្ថិភាពផ្ទាល់ខ្លួន។ ចំប៉ីខ្មៅ បារម្មថា ខ្លាចគេ ប្រើអំពើហិង្សាលើខ្លួន ពេលចេញក្រៅផ្ទះ។ ប៉ុន្តែ ចំប៉ីខ្មៅ ប្រាប់ថា មិនមានជម្រើសឡើយ ព្រោះត្រូវទិញអាហារញ៉ាំនិងរបស់របរប្រើប្រាស់ ដូច្នេះ ត្រូវតែបង្ខំចិត្តចេញក្រៅ ទាំងចិត្តភិតភ័យខ្លះៗ។
ចំប៉ីខ្មៅ និយាយបែបនេះថា៖«យើងគេស្គាល់គេចំណាំ អ៊ីចឹង ចេញទៅណាមក វាពិបាក។ តែបើអត់ចេញក្រៅ អត់មានអីញ៉ាំទេ អ៊ីចឹងខ្ញុំ នៅតែប្រើជីវភាពធម្មតាដដែល»។
ប៉ុន្តែ រហូតមកដល់ពេលនេះ ចំប៉ីខ្មៅ អះអាងថា ពុំបានមានអ្នកម្នាក់ប្រើហិង្សាលើខ្លួនឡើយ ដោយគ្រាន់តែ សម្លក់សម្លឹង តាមថត និងតាមជេរពីក្រោយប៉ុណ្ណោះ។
សំឡេងចំប៉ីខ្មៅ ដែលនិយាយតាមប្រព័ន្ធទូរសព្ទជាមួយសារព័ត៌មានថ្មីៗ នៅល្ងាចថ្ងៃទី៥ ខែកុម្ភៈ
ចំប៉ីខ្មៅ សង្ឃឹងថា ប្រជាពលរដ្ឋ នឹងគ្រាន់តែជេរឬវាយប្រហារតាមពាក្យសម្តីប៉ុណ្ណោះ តែនឹងមិនប្រើអំពើហិង្សាលើខ្លួន ពេលធ្វើដំណើរនោះទេ ពីព្រោះកម្ពុជា ជាប្រទេសមាននីតិរដ្ឋ។ ហើយម្យ៉ាងទៀត ចំប៉ីខ្មៅ សង្ឃឹមថា ប្រជាពលរដ្ឋ នឹងលើកលែងទោសឲ្យខ្លួនចំពោះកំហុសអចេននានេះ។
សំឡេងចំប៉ីខ្មៅ ដែលនិយាយតាមប្រព័ន្ធទូរសព្ទជាមួយសារព័ត៌មានថ្មីៗ នៅល្ងាចថ្ងៃទី៥ ខែកុម្ភៈ
ចំប៉ីខ្មៅ សង្ឃឹងថា ប្រជាពលរដ្ឋ នឹងគ្រាន់តែជេរឬវាយប្រហារតាមពាក្យសម្តីប៉ុណ្ណោះ តែនឹងមិនប្រើអំពើហិង្សាលើខ្លួន ពេលធ្វើដំណើរនោះទេ ពីព្រោះកម្ពុជា ជាប្រទេសមាននីតិរដ្ឋ។ ហើយម្យ៉ាងទៀត ចំប៉ីខ្មៅ សង្ឃឹមថា ប្រជាពលរដ្ឋ នឹងលើកលែងទោសឲ្យខ្លួនចំពោះកំហុសអចេននានេះ។
ចំប៉ីខ្មៅ និយាយទាំងសោកស្តាយចំពោះកំហុសរបស់ខ្លួន យ៉ាងដូច្នេះថា៖«[.....] យើង អ្នកធ្វើ យើង ជាអ្នកទទួលខុសត្រូវ។ យើងមិនមែនប្រកែកថា យើងអត់បានធ្វើទេ ពេលខ្លះយើងព្យាយាមដែរ តែធ្វើម៉េច បើគេវាយយើងហើយ យើងទប់អត់បាន វាទៅតាមហ្នឹងទៅ។ [.....] តែខ្ញុំសង្ឃឹមថា ខ្មែរយើងជាពូជសាសន៍មួយ ដែលយោគយល់គ្នា និងអធ្យាស្រ័យឲ្យគ្នា....»។
ចំប៉ីខ្មៅ ក៏សង្ឃឹមផងដែរថា អ្នកដែលប្រកាសដាក់ពាក្យប្តឹង និងអ្នកដែលបានដាក់ពាក្យប្តឹងលើខ្លួនរួចហើយនោះ នឹងដកពាក្យប្តឹងទាំងនោះចេញវិញ។
ក្រោយចំប៉ីខ្មៅ ប្រើភាសាមិនអាចទទួលយកបានលើពូជសាសន៍ខ្មែរ មហាជនស្ទើរគ្រប់មជ្ឈដ្ឋាន បាននាំគ្នាប្រតិកម្មខ្លាំងៗ និងអ្នកខ្លះសម្តែងអារម្មណ៍ខឹងសម្បារចំពោះចំប៉ីខ្មៅ និងស្នើឲ្យសមត្ថកិច្ចចាត់វិធានការតាមផ្លូវច្បាប់។ ទោះជាចំប៉ីខ្មៅ បានចេញវីដេអូសូមទោលរួចហើយក៏ដោយ ក៏មហាជន នៅតែមិនអាចទទួលយកបានដដែល។
បច្ចប្បន្ន មហាជន កំពុងរង់ចាំមើលថាតើសមត្ថកិច្ច នឹងចាត់វិធានការយ៉ាងដូចម្តេចចំពោះចំប៉ីខ្មៅ៕
វីដេអូ ដែលចំប៉ីខ្មៅ សូមទោសនៅថ្ងៃទី៥ ខែកុម្ភៈ ក្រោយនិយាយជ្រុលជ្រួសលើពូជសាសន៍ខ្មែរ
ចំប៉ីខ្មៅ ក៏សង្ឃឹមផងដែរថា អ្នកដែលប្រកាសដាក់ពាក្យប្តឹង និងអ្នកដែលបានដាក់ពាក្យប្តឹងលើខ្លួនរួចហើយនោះ នឹងដកពាក្យប្តឹងទាំងនោះចេញវិញ។
ក្រោយចំប៉ីខ្មៅ ប្រើភាសាមិនអាចទទួលយកបានលើពូជសាសន៍ខ្មែរ មហាជនស្ទើរគ្រប់មជ្ឈដ្ឋាន បាននាំគ្នាប្រតិកម្មខ្លាំងៗ និងអ្នកខ្លះសម្តែងអារម្មណ៍ខឹងសម្បារចំពោះចំប៉ីខ្មៅ និងស្នើឲ្យសមត្ថកិច្ចចាត់វិធានការតាមផ្លូវច្បាប់។ ទោះជាចំប៉ីខ្មៅ បានចេញវីដេអូសូមទោលរួចហើយក៏ដោយ ក៏មហាជន នៅតែមិនអាចទទួលយកបានដដែល។
បច្ចប្បន្ន មហាជន កំពុងរង់ចាំមើលថាតើសមត្ថកិច្ច នឹងចាត់វិធានការយ៉ាងដូចម្តេចចំពោះចំប៉ីខ្មៅ៕
វីដេអូ ដែលចំប៉ីខ្មៅ សូមទោសនៅថ្ងៃទី៥ ខែកុម្ភៈ ក្រោយនិយាយជ្រុលជ្រួសលើពូជសាសន៍ខ្មែរ
© រក្សាសិទ្ធិដោយ thmeythmey.com
