លោក ឃឹម ស  ជាកសិកររស់នៅភូមិត្រពាំងកប្បាស ឃុំតាភេម  ស្រុកត្រាំកក់ ខេត្តតាកែវ។ លោក ឃឹម ស ប្រាប់ពីបច្ចេកទេសផ្សំថ្នាំពុលធម្មជាតិយ៉ាងដូច្នេះ៖ 

ធាតុផ្សំដែលកសិកររូបនេះបានប្រើ ដើម្បីកំចាត់សត្វល្អិតលើដំណាំបន្លែមានដូចជា៖

ដើមផ្កាស្បៃរឿង ៤គុម្ព, សំបកស្តៅ ១៥ គីឡូក្រាម, សំបកកន្ទួត ១៥ គីឡូក្រាម, រំដេង ៣ ខាំ, មើមក្តួច ៥ គីឡូក្រាម, មើមម្រះព្រៅភ្នំ ២ គីឡូក្រាម, បណ្តូលពេជ្រ ១៥ គីឡូក្រាម, ដើមប្រមាត់មនុស្ស ៣ គីឡូក្រាម, ផ្លែស្លាក់ ១៥ គីឡូក្រាម, ខ្ទឹមស ១ គីឡូក្រាម។
 

កសិករ ឃឹម ស បានយកធាតុផ្សំទាំងអស់ទៅបុក ឬដំឲ្យទក់ រួចដាក់ចូលទៅក្នុងពាងធំមួយ ដោយចាក់ទឹកឲ្យលិចធាតុផ្សំទាំងនោះ រួចត្រាំវាទុកក្នុងរយៈពេល ១៥ ទៅ ២០ថ្ងៃ ទើបយកទៅប្រើ។ ក្រោយពីផ្សំរួចរាល់ហើយ កសិករ ឃឹម ស បានយកទឹកថ្នាំនេះទៅទុកនៅក្រោមម្លប់ (ក្រោមផ្ទះ) ហើយបើកគម្របពាងកូរមួយថ្ងៃម្តងដើម្បីឲ្យថ្នាំឆាប់កាច់។
 

កសិករ ឃឹម ស ប្រើថ្នាំនេះស្រោចទៅលើដំណាំបន្លែគ្រប់ប្រភេទមានដូចជា ស្ពៃ ខាត់ណា ត្រកួនជាដើម។ ក្នុងការប្រើ កសិកររូបនេះ បានលាយថ្នាំទៅតាមអាយុដំណាំ៖

កសិករ ឃឹម ស ប្រើថ្នាំនេះស្រោចរៀងរាល់ ៣ ទៅ ៥ថ្ងៃម្តង ស្រោចនៅពេលល្ងាចត្រជាក់។ នៅពេលព្រលឹម ទើបស្រោចទឹកធម្មតាលាងតាមក្រោយ។ ការធ្វើដូចនេះ ដើម្បីកុំឲ្យស្រពោនស្លឹកនៅពេលត្រូវកំដៅថ្ងៃ។ កសិករ ឃឹម ស បានផ្អាកស្រោចទឹកថ្នាំមុនពេលប្រមូលផលបាន ១សប្តាហ៍។