សម្រាប់មនុស្សយើងម្នាក់ៗតែងចង់បានកញ្ចក់ទិព្វ ឬយ៉ាងហោចណាស់ចង់ដឹងអំពីរូបមន្តដែលធ្វើឱ្យជោគជ័យក្នុងជីវិតរបស់ខ្លួន ហើយករណីនេះ អ្នកដឹកនាំអាជីវកម្មម្នាក់ៗតែងសួរខ្លួនឯង ឬចង់ដឹងថាតើអ្វីទៅដែលជារូបមន្តសម្រាប់ការដឹកនាំអាជីវកម្មឱ្យជោគជ័យនោះ?
ប្រសិនបើយើងយករូបមន្តលើកឡើងនៅទំព័រមុននេះ មកពង្រីកបន្ថែមទៀត យើងនឹងទទួលបានរូបមន្តជោគជ័យក្នុងការដឹកនាំអាជីវកម្មហើយ៖
- ជោគជ័យបានមកពីជំនាញបូកសមត្ថភាព (ជោគជ័យ = ជំនាញ + សមត្ថភាព)
ដូច្នេះជោគជ័យក្នុងការដឹកនាំអាជីវកម្ម គឺបានមកពីជំនាញផ្នែកអាជីវកម្មណាមួយ បូកសមត្ថភាពក្នុងការដឹកនាំអាជីវកម្មនោះ។
ជាទូទៅអាជីវករនីមួយៗជាមនុស្សម្នាក់ដែរនោះ គឺមិនដូចគ្នាទេ ហើយអាជីវករ ជោគជ័យ មិនចាំបាច់មានលក្ខណៈសម្បត្តិទាំង ២១ ខាងក្រោមនេះទេ។ ប៉ុន្តែគ្រាន់តែជាទូទៅ បើតាមគំនិតរបស់លោក Poonam Sharma សង្កេតឃើញថាអាជីវករ ឬអ្នកជំនួញជោគជ័យ មានលក្ខណៈសម្បត្តិភាគច្រើនក្នុងចំណោម លក្ខណៈសម្បត្តិចំនួន ២១ នេះ ។
១- ជាមនុស្សដែលមានថាមពលមិនចេះរីងស្ងួត (Energy)
២- ជាមនុស្សដែលមានគំនិតថ្មី (Novelty)
៣- ជាមនុស្សដែលចេះគ្រប់គ្រងពេលវេលា (Time Management)
៤-ជាមនុស្សត្រៀមខ្លួនជានិច្ចសម្រាប់ហេតុការណ៍គ្រប់យ៉ាងដែលនឹងកើតឡើង (Readiness for Anything)
៥- ជាមនុស្សដែលពូកែនិយាយបញ្ចុះបញ្ចូលឱ្យគេជឿ (Effectiveness at Persuasion)
៦- ជាមនុស្សដែលមានជំនាញខាងដោះស្រាយបញ្ហា (Problem-Solving Skills)
៧- ជាមនុស្សដែលហ៊ានប្រថុយក្នុងផ្លូវមួយដែលបានគិតគូរត្រឹមត្រូវ (Risk Taking- in a Calculated Way)
៨- រីករាយជាមួយនឹងការងារអាជីវកម្ម (Enjoyment of the Ride)
៩- ជាមនុស្សជំនាញខាងចរចា និងសម្រុះសម្រួល (Negotiation and Compromise)
១០- ជាមនុស្សពិតប្រាកដ និងច្បាស់លាស់ (Exacting and Exhaustive Mentality)
១១-ជាមនុស្សប្រញាប់ប្រញាល់ និងមិនចេះហត់នឿយ (Urgency and Restlessness)
១២- ជាមនុស្សក្រោកឈរឡើងវិញក្រោយពីបរាជ័យ (Resilience after Failure)
១៣- ជាមនុស្សមានគំនិតផ្តួចផ្តើម (Initiative)
១៤- ជាមនុស្សមានការប្រុងប្រយ័ត្ន (Alertness)
១៥- ជាមនុស្សមានស្ទីលដឹកនាំផ្ទាល់ខ្លួន (Leadership Style)
១៦- ជាមនុស្សចេះគ្រប់គ្រងស្ទ្រេស (Stress Management)
១៧- ជាមនុស្សតស៊ូ មិនបោះបង់ (Persistence)
១៨- ជាមនុស្សមានឧត្តមគតិប្រកបដោយភាពជឿជាក់ (Idealism Coupled with Confidence)
១៩- ជាមនុស្សចេះត្រិះរិះគិតឡើងវិញ (Reflectiveness)
២០- ជាមនុស្សមានការស្រមើស្រមៃ (Imagination)
២១-ជាមនុស្សមានជំនាញក្នុងការគិតគូរជាយុទ្ធសាស្ត្រ (Talent for Thinking Strategically)
(ប្រសិនបើលោកអ្នកមានបំណងចង់ជាវសៀវភៅនេះ សូមអញ្ជើញទាក់ទងអ្នកនិពន្ធ អ៊ឹម ផល្លា ០១២ ៦២២ ២២៧។)