ONE Championship
កីឡាជាតិ
ជាតិ
នៅ ស្រីពៅ បានការលើកទឹកចិត្តពីរៀមច្បង សំ ថារ័ត្ន សម្រាប់វត្តមាននៅ ONE Championship
×![]()
ដោយ Matias Andres
នៅ ស្រីពៅ ជើងឯកខ្សែក្រវាត់ Kun Khmer World Champion នឹងបង្ហាញវត្តមានជាលើកដំបូងនៅលើសង្វៀនពិភពលោក ONE Championship នាថ្ងៃសៅរ៍ ទី១៦ ខែកុម្ភៈ ខាងមុខនេះ។ ស្រីពៅ ត្រូវតទល់ជាមួយកីឡាការិនីរូបស្រស់ថៃ Rika ‘Tiny Doll’ Ishige ក្នុងព្រឹត្តិការណ៍ ONE: CLASH OF LEGENDS នាទីក្រុងបាងកក ប្រទេសថៃ។
វ័យ២៤ឆ្នាំ ស្រីពៅ ត្រៀមខ្លួនយ៉ាងខ្លាំងក្លាសម្រាប់ការប្រកួតខាងមុខ តាមរយៈការហាត់សមជាមួយកីឡាករល្បីៗនៅកម្ពុជា។ ក្រៅពី វី ស្រីខួច ដែលជាមិត្តរួមអាជីព និងជាអ្នកដែលតែងតែជ្រោមជ្រែង នៅ ស្រីពៅ ទទួលបានការណែនាំបន្ថែមផងដែរពីសំណាក់រៀមច្បង សំ ថារ័ត្ន។
ថារត្ន័ ទើបតែត្រឡប់មកពីបរទេសក្នុងការសម្ពោធចាក់បញ្ចាំងរឿងថ្មីរបស់នាងគឺ «Surviving Bokator» មិនបានប៉ុន្មានផង ប៉ុន្តែនាងស្ម័គ្រចិត្តយកពេលវេលារបស់ខ្លួន មកចាប់ហាត់ជាមួយ ស្រីពៅ។ ថារ័ត្នសរសើរពីការខិតខំយកចិត្តទុកដាក់ខ្លាំងរបស់ស្រីពៅ។
«ស្រីពៅ ខំខ្លាំងណាស់ ខំមែនទែនតែម្តង! កីឡាគុនចំរុះ និងការហ្វឹកហាត់ គឺថ្មីមែនទែនសម្រាប់គាត់។ គាត់នៅប្រឹងហាត់ ក្លេ កៀប រឹត ច្រើនបន្ថែមទៀត។ ពេលហាត់យកចិត្តទុកដាក់មិនចោលទេ»។
ថារត្ន័ ដែលមានរហស្សនាមថា កូនកង្កែប មានប្រវត្តិបញ្ចេញថ្វីដៃដំបូងបង្អស់នៅសង្វៀនអន្តរជាតិគឺកាលពីឆ្នាំ ២០១៤ នៅរាជធានីភ្នំពេញនាព្រឹត្តិការណ៍ ONE: RISE OF THE KINGDOM ហើយបានយកឈ្នះ វី ស្រីឆៃ តែក្នុងទឹកទី១ ប៉ុណ្ណោះ។
ចាប់តាំងពីពេលនោះមក នាងបានធ្វើដំណើរទៅបរទេសជាញឹកញយដើម្បីប្រកួតតំណាងប្រទេសកម្ពុជា បានកសាងកំណត់ត្រាឈ្នះពីរដង គឺឈ្នះដោយអាជ្ញាកណ្តាលបញ្ឈប់ និងការគោះសុំចាញ់ពីគូប្រកួត។
កញ្ញាក្បាច់គុនរូបនេះ សព្វថ្ងៃក៏កាន់អាជីពជាតួកុនម្នាក់ដែរនោះ យល់ច្បាស់ពីអារម្មណ៍ត្រូវឡើងឆាកធំដែលនៅជុំវិញនឹងមានភ្នែករាប់លានចាំទស្សនា ប៉ុន្តែបន្ទាប់ពីបានហាត់ឡាំជាមួយ នៅ ស្រីពៅ មកនាងមានជំនឿចិត្តលើ ស្រីពៅ ថាមានស្មារតីនឹងធឹងល្អអាចតទល់ភាពរន្ធត់នៅលើសង្វៀន ONE Championship បាន។
ថារត្ន័ ប្រាប់ថា៖ «ក្បាច់ក្លេរហ្នឹងវាអាញ៉េអាញៃមែនទែន អីចឹងវាស៊ីសងទៅលើអ្នកហាត់ឆ្លាតពីកំណើត និងការប្រឹងប្រែងខ្លាំងលាយឡំគ្នាដែរ»។
«បើគាត់ មិនឈឺខ្លួនពេក ហើយអាចមកហាត់រៀងរាល់ថ្ងៃ និងពេលដែលគ្រូអោយមក គាត់អាចកើន កម្លាំង និងចំនេះពីការប្រយុទ្ធគុនចំរុះនេះបាន ព្រោះគាត់មានវិន័យល្អ និងការតស៊ូចេញពីខាងក្នុងហើយ»។
ថ្វីបើ សំ ថារត្ន័ នៅក្មេងវ័យក៏ពិតមែន នាងជានារីខ្មែរម្នាក់ដែលមានស្មារតីជាអ្នកត្រួសត្រាយផ្លូវកីឡាករថ្មីថ្មោងដ៏ទៃ ហើយដែលមានឆន្ទៈប្រើប្រាស់បទពិសោធន៍ដ៏មានតម្លៃទាំងអស់របស់ខ្លួនយកទៅចែករំលែកដល់សិស្សប្អូនទាំងអស់។
«សម្រាប់កីឡាករស្រីៗយើងខ្លះនៅអៀនខ្មាសច្រើន ខ្ញុំក៏អីចឹងដែរ តែដល់បានហាត់យូរទៅធម្មតាហើយ! សំខាន់គឺហាត់ឲ្យត្រូវ ធ្វើយ៉ាងណាដាក់ខ្លួនក្នុងចំនេះហ្នឹងឲ្យច្បាស់ ហើយខិតខំយកចិត្តទុកដាក់ពេលគ្រូគាត់ពន្យល់»។
ថារត្ន័ ដឹងថា ស្រីពៅ មិនមែនថ្មីថ្មោងពេកទេ យ៉ាងហោចណាស់នាងមានប្រវត្តិប្រកួតទាំងគុនខ្មែរ និងក្បាច់ភូមា Lethwei ចំនួន ៩១ដងដែរ។
«ខ្ញុំដូចអត់មានមតិយោបល់ច្រើនជូនគាត់ទេ ព្រោះផ្នែកខាងលើគាត់ល្អហើយ គាត់ដៃធ្ងន់ល្អ ហើយលឿនទៀត»
ថ្ងៃប្រកួតឆាប់ៗនេះ សំ ថារត្ន័ គិតថា ស្រីពៅ អាចធ្វើឲ្យទស្សនិកជនទូទាំងប្រទេសកម្ពុជានិងថៃភ្ញាក់ផ្អើលខ្លាំង ហើយជឿថាអាជីព ស្រីពៅ នឹងឡើងខ្ពស់ត្រដែតពីពេលនោះទៅ។
«សរុបមកខ្ញុំគិតថាស្រីពៅ គាត់ល្អស្រាប់ហើយ មានតែខំប្រឹងប្រែងថែមទេ»
«ព្យាយាមគង់បានសម្រេច!»៕
នៅ ស្រីពៅ ជើងឯកខ្សែក្រវាត់ Kun Khmer World Champion នឹងបង្ហាញវត្តមានជាលើកដំបូងនៅលើសង្វៀនពិភពលោក ONE Championship នាថ្ងៃសៅរ៍ ទី១៦ ខែកុម្ភៈ ខាងមុខនេះ។ ស្រីពៅ ត្រូវតទល់ជាមួយកីឡាការិនីរូបស្រស់ថៃ Rika ‘Tiny Doll’ Ishige ក្នុងព្រឹត្តិការណ៍ ONE: CLASH OF LEGENDS នាទីក្រុងបាងកក ប្រទេសថៃ។
វ័យ២៤ឆ្នាំ ស្រីពៅ ត្រៀមខ្លួនយ៉ាងខ្លាំងក្លាសម្រាប់ការប្រកួតខាងមុខ តាមរយៈការហាត់សមជាមួយកីឡាករល្បីៗនៅកម្ពុជា។ ក្រៅពី វី ស្រីខួច ដែលជាមិត្តរួមអាជីព និងជាអ្នកដែលតែងតែជ្រោមជ្រែង នៅ ស្រីពៅ ទទួលបានការណែនាំបន្ថែមផងដែរពីសំណាក់រៀមច្បង សំ ថារ័ត្ន។
ថារត្ន័ ទើបតែត្រឡប់មកពីបរទេសក្នុងការសម្ពោធចាក់បញ្ចាំងរឿងថ្មីរបស់នាងគឺ «Surviving Bokator» មិនបានប៉ុន្មានផង ប៉ុន្តែនាងស្ម័គ្រចិត្តយកពេលវេលារបស់ខ្លួន មកចាប់ហាត់ជាមួយ ស្រីពៅ។ ថារ័ត្នសរសើរពីការខិតខំយកចិត្តទុកដាក់ខ្លាំងរបស់ស្រីពៅ។
«ស្រីពៅ ខំខ្លាំងណាស់ ខំមែនទែនតែម្តង! កីឡាគុនចំរុះ និងការហ្វឹកហាត់ គឺថ្មីមែនទែនសម្រាប់គាត់។ គាត់នៅប្រឹងហាត់ ក្លេ កៀប រឹត ច្រើនបន្ថែមទៀត។ ពេលហាត់យកចិត្តទុកដាក់មិនចោលទេ»។
ថារត្ន័ ដែលមានរហស្សនាមថា កូនកង្កែប មានប្រវត្តិបញ្ចេញថ្វីដៃដំបូងបង្អស់នៅសង្វៀនអន្តរជាតិគឺកាលពីឆ្នាំ ២០១៤ នៅរាជធានីភ្នំពេញនាព្រឹត្តិការណ៍ ONE: RISE OF THE KINGDOM ហើយបានយកឈ្នះ វី ស្រីឆៃ តែក្នុងទឹកទី១ ប៉ុណ្ណោះ។
ចាប់តាំងពីពេលនោះមក នាងបានធ្វើដំណើរទៅបរទេសជាញឹកញយដើម្បីប្រកួតតំណាងប្រទេសកម្ពុជា បានកសាងកំណត់ត្រាឈ្នះពីរដង គឺឈ្នះដោយអាជ្ញាកណ្តាលបញ្ឈប់ និងការគោះសុំចាញ់ពីគូប្រកួត។
កញ្ញាក្បាច់គុនរូបនេះ សព្វថ្ងៃក៏កាន់អាជីពជាតួកុនម្នាក់ដែរនោះ យល់ច្បាស់ពីអារម្មណ៍ត្រូវឡើងឆាកធំដែលនៅជុំវិញនឹងមានភ្នែករាប់លានចាំទស្សនា ប៉ុន្តែបន្ទាប់ពីបានហាត់ឡាំជាមួយ នៅ ស្រីពៅ មកនាងមានជំនឿចិត្តលើ ស្រីពៅ ថាមានស្មារតីនឹងធឹងល្អអាចតទល់ភាពរន្ធត់នៅលើសង្វៀន ONE Championship បាន។
ថារត្ន័ ប្រាប់ថា៖ «ក្បាច់ក្លេរហ្នឹងវាអាញ៉េអាញៃមែនទែន អីចឹងវាស៊ីសងទៅលើអ្នកហាត់ឆ្លាតពីកំណើត និងការប្រឹងប្រែងខ្លាំងលាយឡំគ្នាដែរ»។
«បើគាត់ មិនឈឺខ្លួនពេក ហើយអាចមកហាត់រៀងរាល់ថ្ងៃ និងពេលដែលគ្រូអោយមក គាត់អាចកើន កម្លាំង និងចំនេះពីការប្រយុទ្ធគុនចំរុះនេះបាន ព្រោះគាត់មានវិន័យល្អ និងការតស៊ូចេញពីខាងក្នុងហើយ»។
ថ្វីបើ សំ ថារត្ន័ នៅក្មេងវ័យក៏ពិតមែន នាងជានារីខ្មែរម្នាក់ដែលមានស្មារតីជាអ្នកត្រួសត្រាយផ្លូវកីឡាករថ្មីថ្មោងដ៏ទៃ ហើយដែលមានឆន្ទៈប្រើប្រាស់បទពិសោធន៍ដ៏មានតម្លៃទាំងអស់របស់ខ្លួនយកទៅចែករំលែកដល់សិស្សប្អូនទាំងអស់។
«សម្រាប់កីឡាករស្រីៗយើងខ្លះនៅអៀនខ្មាសច្រើន ខ្ញុំក៏អីចឹងដែរ តែដល់បានហាត់យូរទៅធម្មតាហើយ! សំខាន់គឺហាត់ឲ្យត្រូវ ធ្វើយ៉ាងណាដាក់ខ្លួនក្នុងចំនេះហ្នឹងឲ្យច្បាស់ ហើយខិតខំយកចិត្តទុកដាក់ពេលគ្រូគាត់ពន្យល់»។
ថារត្ន័ ដឹងថា ស្រីពៅ មិនមែនថ្មីថ្មោងពេកទេ យ៉ាងហោចណាស់នាងមានប្រវត្តិប្រកួតទាំងគុនខ្មែរ និងក្បាច់ភូមា Lethwei ចំនួន ៩១ដងដែរ។
«ខ្ញុំដូចអត់មានមតិយោបល់ច្រើនជូនគាត់ទេ ព្រោះផ្នែកខាងលើគាត់ល្អហើយ គាត់ដៃធ្ងន់ល្អ ហើយលឿនទៀត»
ថ្ងៃប្រកួតឆាប់ៗនេះ សំ ថារត្ន័ គិតថា ស្រីពៅ អាចធ្វើឲ្យទស្សនិកជនទូទាំងប្រទេសកម្ពុជានិងថៃភ្ញាក់ផ្អើលខ្លាំង ហើយជឿថាអាជីព ស្រីពៅ នឹងឡើងខ្ពស់ត្រដែតពីពេលនោះទៅ។
«សរុបមកខ្ញុំគិតថាស្រីពៅ គាត់ល្អស្រាប់ហើយ មានតែខំប្រឹងប្រែងថែមទេ»
«ព្យាយាមគង់បានសម្រេច!»៕
© រក្សាសិទ្ធិដោយ thmeythmey.com
