ពីនេះ ពីនោះ
ព័ត៍មានសុខភាព
ស្មានមិនដល់សោះថា ការទទួលទាន “ក្រូចខ្វិច” ទប់ស្កាត់បញ្ហាសុខភាពទាំងនេះបាន
×![]()
ដោយ: ថ្មីៗ
ក្រូចខ្វិច ជាផ្លែឈើដែលមានរសជាតិជូរអែម ហើយភាគច្រើននៃពួកយើងសុទ្ធតែស្គាល់ និងធ្លាប់ទទួលទាន។ ទោះបីឧស្សាហ៍ ឬចូលចិត្តទទួលទាន ប៉ុន្តែអ្នកប្រហែលជាមិនបានចាប់អារម្មណ៍ទេថា ក្រូចខ្វិច មានផ្ទុកសម្បូរទៅដោយសារធាតុចិញ្ចឹម រួមបញ្ចូលទាំងវីតាមីន A, វីតាមីន C, ប៉ូតាស្យូម និង folate ដែលចាំបាច់សម្រាប់សុខភាពល្អប្រសើរ។ 
ថ្ងៃនេះយើង នឹងបង្ហាញឱ្យដឹងពីអត្ថប្រយោជន៍នៃការទទួលទានក្រូចខ្វិច ៖
១. បង្កើនសុខភាពប្រព័ន្ធរំលាយអាហារ
នោះក៏ព្រោះតែក្រូចខ្វិចមានផ្ទុកសម្បូរទៅដោយជាតិសរសៃ។ ហើយជាតិសរសៃគ្រប់គ្រាន់ក្នុងរាងកាយជួយទប់ស្កាត់បញ្ហាទាក់ទងជាមួយប្រព័ន្ធរំលាយអាហារ រួមបញ្ចូលទាំងអាការៈទល់លាមក។
២. ទប់ស្កាត់ជំងឺទឹកនោមផ្អែម
ក្រូចខ្វិចមានផ្ទុកសារធាតុ flavonoid ត្រូវបានគេស្គាល់ថាជា nobiletin ដែលជួយការពារប្រឆាំងជំងឺទឹកនោមផ្អែមប្រភេទទី ២ ព្រមទាំងទប់ស្កាត់បញ្ហាខ្លាញ់រុំថ្លើមផងដែរ។
៣. សុខភាពភ្នែក
បរិមាណនៃវីតាមីន A និង C ដែលមានផ្ទុកក្នុងក្រូចខ្វិច ជួយទប់ស្កាត់បញ្ហាខ្សោយភ្នែកមើលមិនច្បាស់បានយ៉ាងប្រសើរ។ ដើម្បីទទួលបានវីតាមីនពេញលេញអ្នកគួរទទួលទានក្រូចខ្វិចស្រស់ៗ។
៤. សុខភាពឆ្អឹង
ក្រូចខ្វិចក៏ជាប្រភពដ៏ប្រសើរនៃប៉ូតាស្យូម និងវីតាមីន C ដែលមានប្រសិទ្ធិភាពជួយបង្កើនដង់ស៊ីតេឆ្អឹង និងភាពរឹងមាំនៃឆ្អឹងមិនឆាប់បាក់។
៥. គ្រប់គ្រងសម្ពាធឈាម
បិរមាណនៃជាតិប៉ូតាស្យូមដែលក្រូចខ្វិចមានផ្ទុក អាចជួយទប់ស្កាត់បញ្ហាសម្ពាធឈាមឡើងខ្ពស់បានយ៉ាងប្រសើរ។
៦. ទប់ស្កាត់ជំងឺមហារីក
ការទទួលទានផ្លែក្រូចខ្វិចអាចជួយកាត់បន្ថយហានិភ័យនៃការវិវត្តន៍ជំងឺមហារីកគ្រាប់ឈាមចំពោះកុមារ ជាពិសេសប្រសិនបើពួកគេបានទទួលទានចាប់ពីវ័យ ២ឆ្នាំឡើង។ ក្រូចមានផ្ទុកនូវវីតាមីន C ដែលជាសារធាតុប្រឆាំងអុកសស៊ីតកម្មមួយមានប្រសិទ្ធិភាពកម្ចាត់រ៉ាឌីកាល់សេរីដែលបង្កជំងឺមហារីក។ ផ្លែក្រូច ក៏មានផ្ទុកជាតិសរសៃ ហើយការទទួលទានអាហារមានជាតិសរសៃខ្ពស់ជាប្រចាំអាចជួយកាត់បន្ថយហានិភ័យនៃជំងឺមហារីកចុងពោះវៀនធំ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
